শেহতীয়া খবৰ
শাস্তিযোগ্য অপৰাধ হোৱাৰ দিশে তিনি তালাক, অধ্যেদেশত অনুমোদন কেবিনেটৰ  •  এন আৰ চিক লৈ উচ্চতম ন্যায়ালয়ত আজি গুৰুত্বপূৰ্ণ শুনানি  •  বিহালীত বিদ্যুৎস্পৃষ্ট হৈ যুৱকৰ মৃত্যু  •  নগাঁৱত অবৈধ মাৰণাস্ত্ৰৰ উজান! ধিঙত সুৰাৰ আড্ডাত গুলীচালনাত এজন আহত  •  বাক্সাৰ বগামাটিত বন্যহস্তীৰ আক্ৰমণত ২জন আহত  •  'এমাজন'ত অক্টোবৰৰ পৰা পাব আৰ এছ এছৰ গোমূত্ৰ-গোবৰৰ চাবোন, টুথপেষ্ট  •  'এমাজন'ত অক্টোবৰৰ পৰা পাব আৰ এছ এছৰ গোমূত্ৰ-গোবৰৰ চাবোন, টুথপেষ্ট  •  ঘৰলৈ ওভতাৰ পথত অন্ধ্ৰপ্ৰদেশৰ ৰেল ষ্টেশ্যনত অসমৰ যুৱকক হত্যা  •  গুৰুজনাৰ ৫৭০ সংখ্যাক আৱিৰ্ভাৱ তিথিত পুৱাৰে পৰা হৰিনামৰ ধ্বনিৰে মুখৰিত ৰাজ্যৰ চৌদিশ  •  দুৰ্বল হংকঙৰ বিৰুদ্ধে ২৬ ৰানত ভাৰতৰ কষ্টকৰ জয়, আজি সমুখত পাকিস্তান

এছিয়ান গেমছত পদক লোৱা হাতেৰে গ্ৰাহকক চাহ দিয়াত ব্যস্ত হৰিষ

630

ডিজিটেল ডেস্কঃ  সদ্য সমাপ্ত এছিয়ান গেমছৰ পাছতে বিশেষভাৱে চৰ্চালৈ আহিছে এজন খেলুৱৈ। এছিয়ান গেমছত ছেপাক টাক্ৰ’ত  ব্ৰঞ্জৰ পদক লাভ কৰিবলৈ সক্ষম হোৱা খেলুৱৈজনৰ নাম হৰিষ কুমাৰ। পিছে এইবাৰ নিজৰ ক্ৰীড়া প্ৰদৰ্শনেৰে নহয়, কৰ্মৰে সকলোৰে বাবে অনুপ্ৰেৰণাৰ উৎস হৈ পৰিছে এইজন ভাৰতীয় খেলুৱৈ।

দৰিদ্ৰ পৰিয়ালত জন্মগ্ৰহণ কৰা হৰিষে দিল্লীৰ ‘মঞ্জো কা তিল্লা’ নামৰ এখন দোকানত চাহ বিক্ৰী কৰে। হৰিষৰ পিতৃ পেচাত এজন অটো চালক। বিয়লি ২ বজাৰ পৰা সন্ধিয়া ৬ বজালৈ অনুশীলন কৰে হৰিষে। বাকীখিনি সময়ত চাহ বিক্ৰী কৰে এই খেলুৱৈগৰাকীয়ে। তেওঁৰ ইচ্ছা এজন ভাল মানুহ হোৱা।

পৰিয়াল পোহ-পাল দিব পৰা এটা চাকৰি যোগাৰ কৰাটো তেওঁৰ সপোন। ‘আমাৰ পৰিয়ালত সদস্যৰ সংখ্যা বহুত, কিন্তু উপাৰ্জনৰ পথ একেবাৰে কম। প্রতিদিনে অনুশীলনৰ পূৰ্বে দেউতাক দোকানৰ কামত সহায় কৰি দিওঁ।’– কামৰ সৰু-বৰ নাই বুলি উল্লেখ কৰি হৰিষে কয়।

২০১১ চনত ক্ৰীড়াজগতত ভৰি দিয়া হৰিষ এতিয়া বহুজনৰ বাবে অনুপ্ৰেৰণাৰ উৎস। উল্লেখ্য যে, হৰিষক খেলাৰ ক্ষেত্ৰত তেওঁৰ প্ৰশিক্ষক হেমৰাজে অত্যন্ত সহায় কৰিছে। দেশখনক কিবা এটা দিয়াৰ দুৰ্বাৰ হেঁপাহ হৰিষৰ।

ইফালে, হৰিষক লৈ গৌৰৱান্বিত মাতৃ। পূৰ্বে সময়মতে ঘৰভাৰা দিবলৈ অসমৰ্থ হৰিষৰ পৰিয়াললৈ এতিয়া পৰিৱৰ্তন আহিছে। এই পৰিৱৰ্তন আনিছে হৰিষৰ ক্ৰীড়া প্ৰতিভাই।

আপুনি পঢ়ি ভাল পাব পৰা বাতৰি