ডিজিটেল সংবাদ কোকৰাঝাৰঃ আজি মহানৱমী ।সমগ্ৰ ৰাজ্যৰ লগতে বিটিআৰ সদৰ কোকৰাঝাৰ চহৰতো মহানৱমী উপলক্ষে উছাহ পৰিলক্ষিত হৈছে । মহানৱমী উপলক্ষে কোকৰাঝাৰ সদৰ চহৰৰ পাথৰঘাট, সুভাষপল্লী আদিকে ধৰি চাৰিটা পূজা মণ্ডপ পৰিভ্ৰমণ কৰি দেৱী দুৰ্গাৰ আশীস ল'লে বিটিচিৰ প্ৰাক্তন মুখ্য কাৰ্যবাহী সদস্য তথা বিপিএফ দলৰ সভাপতি হাগ্ৰামা মহিলাৰীয়ে ৷
দেৱী দুৰ্গাৰ আশিষ লৈ হাগ্ৰামা মহিলাৰীয়ে বিটিচি অঞ্চলৰ লগতে অসমত বসৱাস কৰা প্ৰতিটো জাতি জনগোষ্ঠীৰ মাজত শান্তি সম্প্ৰীতি আৰু ভ্ৰাতৃত্ববোধ যাতে অক্ষুণ্ণ থাকে তাৰ বাবে প্ৰাৰ্থনা কৰা বুলি সদৰি কৰে । দেৱী দুৰ্গাৰ আৰ্শীবাদত উপ- নিৰ্বাচনত গোসাঁইগাঁও সমষ্টিত বিপিএফ দলৰ প্ৰাৰ্থীয়ে জিকিব বুলিও দাবী কৰিছে মহিলাৰীয়ে ৷
উল্লেখ্য যে, গোসাঁইগাঁও সমষ্টিত বিপিএফ দলে ধ্ৰৱ কুমাৰ ব্ৰহ্ম নাৰ্জাৰীক দলীয় প্ৰাৰ্থী হিচাপে ঘোষণা কৰিছে ৷
