শেহতীয়া খবৰ
পাগলদিয়া নৈৰ বাঢ়নি পানীৰ তলত বুৰ গৈছে খৈৰকুছি প্ৰাথমিক বিদ্যালয়...  •  মাজুলীত নাও দুৰ্ঘটনা, সন্ধানহীন এজন, কথমপি প্ৰাণৰক্ষা দুজনৰ...  •  নলবাৰীত পৰিয়ালকেন্দ্ৰিক সংঘাত! ভাইবোৱাৰীক দাৰে আক্ৰমণ...  •  বাটগাঁৱত পথ দুৰ্ঘটনা, কথমপি প্ৰাণ ৰক্ষা চেঙা জিলা পৰিষদৰ সদস্যৰ...  •  শিৱসাগৰত ড্ৰাগছসহ ৩ যুৱক আটক...  •  নলবাৰীত বিদ্যুৎ খুঁটা ভাঙি কথমপি প্ৰাণৰক্ষা ছাত্ৰীৰ...  •  এন‌আৰচিৰ বায়'মেট্ৰিক প্ৰক্ৰিয়াৰ বাবে মুকলিকৈ ধনদাবী কৰ্মচাৰীৰ! VIDEO  •  শিলচৰ ষ্টেচনত ৰে’লৰ শৌচালয়ত অচিনাক্ত যুৱকৰ মৃতদেহ উদ্ধাৰ...  •  হাইলাকান্দিত ১০ কোটি টকাৰ হীৰাসহ দুগৰাকী মহিলাক গ্ৰেপ্তাৰ...  •  চৰাইদেউত “গ্ৰীষ্মকালীন গীতৰ কৰ্মশালা”ৰ আয়োজন

ক্ষুদ্ৰ ব্যৱসায়ীসকলৰ বাবে ভাল খবৰ

1,629

ডিজিটেল ডেস্কঃ ক্ষুদ্ৰ ব্যৱয়াসীসকলক সকাহ দি বৃহস্পতিবাৰে জি এছ টি পৰিষদে জিএছটি ৰেহাইৰ সীমা বৃদ্ধি কৰি দুগুন কৰিছে। ইয়াৰ উপৰিও কম্পোজিছন যোজনা লাভৰ সীমাও বৃদ্ধি কৰা হৈছে। বিত্তমত্তী অৰুণ জেটলীয়ে এই সন্দৰ্ভত সংবাদ মাধ্যমৰ সৈতে বাৰ্তালাপ কৰি কয় যে জিএছটি পৰিষদে ক্ষুদ্ৰ ব্যৱসায়ীসকলক জিএছটিৰ পৰা সকাহ প্ৰদান কৰি বাৰ্ষিক কৰ ২০ লাখৰ পৰা বৃদ্ধি কৰি ৪০ লাখলৈ বৃদ্ধি কৰিছে। আনহাতে পুৰ্বাঞ্চলীয় ৰাজ্যসমূহৰ বাবে এই পৰিমাণ বৃদ্ধি কৰি ২০ লাখ কৰা হৈছে বুলিও জানিবলৈ দিয়ে অৰুণ জেটলীয়ে।

তদুপৰি বৃদ্ধি কৰা হৈছে কম্পোজিছন যোজনাৰ লাভ লোৱাৰ সীমাও। এই যোজনাৰ অধীনত ক্ষুদ্ৰ ব্যৱাসায়ী আৰু কোম্পানীসমূহে উৎপাদিত সামগ্ৰীৰ মূল্যবৰ্ধনৰ বিপৰীতে তেওঁলোকৰ ব্যৱসায়ৰ হিচাবত সাধাৰণ কৰ প্ৰদান কৰিব লাগিব। কম্পোজিছন যোজনাৰ বাবে নিৰ্ধাৰিত সীমা পূৰ্বৰ ১ কোটিৰ বিপৰীতে এতিয়া ডেৰ কোটি কৰা হৈছে বুলি জনায় বিত্তমন্ত্ৰীগৰাকীয়ে।

বিত্তমন্ত্ৰী জেটলীয়ে মন্তব্য কৰা মতে, এই দুই পদক্ষেপৰ জৰিয়তে সাধাৰণ আৰু মধ্য উদ্যোগী সকলে সকাহ লাভ কৰিব। ইয়াৰ উপৰিও পৰিষদে কেৰালাক ২ বছৰৰ বাবে ৰাজ্যৰ ভিতৰত হ’বলগা বিক্ৰীৰ ওপৰত এক শতাংশ ‘দুৰ্যোগ’ কৰ লগোৱাৰ অনুমতি প্ৰদান কৰা বুলিও সংবাদ মাধ্যমক জানিবলৈ দিয়ে বিত্তমন্ত্ৰী অৰুণ জেটলীয়ে।

আপুনি পঢ়ি ভাল পাব পৰা বাতৰি