শেহতীয়া খবৰ
ৰাজনীতি ত্যাগ কৰিব ৰাজ্যৰ এগৰাকী কংগ্ৰেছ বিধায়কে! VIDEO  •  ৰাজস্থানত কেনে আছে বড়িৰ ‘কইনা’বোৰ?  •  দেশ ভ্ৰমণ কৰিবলৈ আহি বৰপেটাত বাংলাদেশী নাগৰিকৰ মৃত্যু...  •  আঁচনিৰ ধন আত্মসাতৰ অভিযোগত বিধায়ক ৱাজেদ আলী চৌধুৰীৰ বিৰুদ্ধে হিতাধিকাৰী-কৃষক মুক্তি সংগ্ৰাম সমিতিৰ এজাহাৰ...  •  টিহুত আৰ্যভট্ট বিজ্ঞান কেন্দ্ৰৰ বিজ্ঞান ভিত্তিক প্ৰতিযোগিতা সম্পন্ন...  •  হাস্পতালত কেন্দ্ৰীয় মন্ত্ৰীৰ গালৈ চিঞাহী চটিয়ালে যুৱকে...  •  বুধবাৰে পি চিদাম্বৰামক ই ডিয়ে কৰিব গ্ৰেপ্তাৰ...  •  থলুৱাক বঞ্চিত ৰেলবিভাগৰ! চতুৰ্থবৰ্গৰ চাকৰিত উত্তৰ পূৱ সীমান্ত ৰেলৱে লামডিঙ ডিভিজনত মুঠ ৮৯৯ গৰাকী বহিঃৰাজ্যৰ যুৱকক নিযুক্তি...  •  জম্মু-কাশ্মীৰত পাকিস্তানৰ যুদ্ধবিৰতি উলংঘন, নিহত এগৰাকী মহিলা...  •  ‘ৰত্নাকৰ’ৰ চতুৰ্থ দিনৰ উপাৰ্জন ৪৩ লাখ...

গীতাৰ্থ গোস্বামীক অসম বিজেপিৰ সাংগাঠনিক সম্পাদকৰ দায়িত্ব…

214

ডিজিটেল সংবাদ, শিৱসাগৰঃ গীতাৰ্থ গোস্বামীক ভাৰতীয় জনতা পাৰ্টী, অসম প্ৰদেশৰ “সাংগঠনিক সম্পাদক” হিচাপে নিযুক্তি প্ৰদান কৰা হৈছে। উক্ত পদটো গেৰুৱা দলটোৰ অসম প্ৰদেশৰ সাংগঠনিক অনুক্ৰমত দ্বিতীয়টো শক্তিশালী পদ হিচাপে গণ্য কৰা হয়। প্ৰাপ্ত খবৰ অনুসৰি গোস্বামীয়ে বিজেপি অসম প্ৰদেশৰ ভেঁটি সুদৃঢ় কৰাত সাংগঠনিক সাধাৰণ সম্পাদকক সহযোগিতা আগবঢ়াব।

গীতাৰ্থ গোস্বামীক উজনি অসমত বিজেপিৰ সংগঠন মজবুত কৰিবলৈ বিশেষভাৱে দায়িত্ব অৰ্পণ কৰা হৈছে। উল্লেখ্য যে, লক্ষীমপুৰ জিলাৰ ঘৰমৰা সত্ৰৰ সত্ৰাধিকাৰ পৰিয়ালৰ পৰা ৰাজনৈতিক ক্ষেত্ৰত প্ৰবেশ কৰা গোস্বামী ৰাষ্ট্ৰীয় স্বয়ংসেৱক সংঘৰ ৩য় বৰ্গ প্ৰশিক্ষিত এজন আজন্ম স্বয়ংসেৱক। তেওঁৰ পিতৃ আৰু দুয়োজন ভাতৃও একো একোজন স্বয়ংসেৱক আৰু মাতৃ এগৰাকী সেৱিকা।

তেওঁৰ পিতৃ সত্ৰাধিকাৰ তথা ‘বিশ্ব হিন্দু পৰিষদ’ৰ উত্তৰ পূৱ প্ৰান্তৰ উপ-সভাপতি হোৱাৰ ওপৰিও অন্যান্য বহুতো সামাজিক অনুষ্ঠানৰ সৈতে জড়িত হৈ আছে। ৰাষ্ট্ৰীয় স্বয়ংসেৱক সংঘৰ প্ৰতিষ্ঠাপক সংঘচালক ডা: কেশৱ বলিৰাম হেডগেৱাৰ বাহিৰে আটাইকেইজন সংঘচালকে গোস্বামীৰ গৃহত আতিথ্য গ্ৰহণ কৰি গৈছে।

গোস্বামী সংঘ পৰিয়ালৰ বিভিন্ন দায়িত্বত আছিল। তেওঁ সংঘৰ গটনায়ক, মুখ্য শিক্ষক, শাখা কাৰ্য্যবাহ, মণ্ডল কাৰ্য্যবাহ, নগৰ কাৰ্য্যবাহ, তেহচিল কাৰ্য্যবাহ, জিলা সহ-শাৰিৰীক প্ৰমুখ, সংঘ বিস্তাৰক, বজৰং দল আৰু অখিল ভাৰতীয় বিদ্যাৰ্থী পৰিষদৰ সাংগঠনিক সম্পাদকৰো দায়িত্ব পালন কৰিছিল। গীতাৰ্থ গোস্বামীৰ আন এটা পৰিচয় আছে খেলুৱৈ হিচাপে। এসময়ৰ SAI ৰ প্ৰশিক্ষাৰ্থী এই ‘দৌৰবিদ’জনে
বিভিন্ন সময়ত ৰাজ্যিক স্তৰত খিতাপ বুটলিবলৈ সক্ষম হৈছিল।

বৰ্তমান এইগৰাকী ব্যক্তি বিজেপি দলৰ অসম প্ৰদেশৰ সাংগাঠনিক সম্পাদক হিচাপে নিযুক্তি হোৱাৰ লগে লগে বিজেপি দলৰ নেতা কৰ্মী সকল উৎফুল্লিত হৈ পৰিছে। শিৱসাগৰ জিলা বিজেপিয়েও গীতাৰ্থ গোস্বামীলৈ অভিনন্দন জ্ঞাপন কৰি তেখেতৰ নেতৃত্বত উজনি অসমত বিজেপিৰ ভেঁটি অধিক শক্তিশালী হব বুলি আশা প্ৰকাশ কৰিছে ।

আপুনি পঢ়ি ভাল পাব পৰা বাতৰি