শেহতীয়া খবৰ
চিচিবৰগাঁৱৰ ১৫ নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা, থিতাতে দুজন নিহত...  •  কোভিডৰ সংক্ৰমণৰ বাবে সুক্ষ্ম নিয়ন্ত্ৰণ কেন্দ্ৰ ঘোষণা কৰা অঞ্চলত খাদ্য সামগ্ৰী বিতৰণ...  •  এচিয়াৰ দ্বিতীয় বৃহত্তম হাতীমূৰাস্থিত কলং উত্তোলিত জলসিঞ্চন আঁচনি এতিয়া ধোঁৱাচাঙত...  •  মাইক্ৰ'ফাইনেন্সৰ ঋণ মাফ সৰ্ম্পকত সদৌ অসম গ্ৰামীণ শ্ৰমিক সন্থাৰ তীব্ৰ প্ৰতিবাদ  •  অসমত পুনৰ ৩৪৬৩জন কোভিড পজিটিভ, ৪২জনে হেৰুৱাইছে প্ৰাণ...  •  মাধ্যমিক শিক্ষাৰ ঠিকাভিত্তিক শিক্ষকে লাভ কৰিব তিনি মাহৰ দৰমহা...  •  মোৰাঝাৰত বিধ্বংসী অগ্নিকাণ্ড! দহ লক্ষাধিক টকাৰ ক্ষয়-ক্ষতি  •  সান্ধ্য আইনত সান্ধ্য ভ্ৰমণ সুখৰ নহ’ল! গীতামন্দিৰলৈ হঠাৎ আহিল আৰক্ষী...  •  ডুমডুমাত চুৰি কৰিবলৈ গৈ গণপ্ৰহাৰত মৃত্যু যুৱকৰ...  •  বকোৰ মাৰুতী ফুডচ কোম্পানীৰ চাউল কেলেংকাৰীৰ বিৰুদ্ধে আৰক্ষীৰ নিৰ্লিপ্তাত ক্ষোভ প্ৰকাশ সদৌ অসম ছাত্ৰ সন্থাৰ

মহানগৰ আৰক্ষীৰ বিশেষ সফলতা! কটনৰ ছাত্ৰীৰ কাঢ়ি নিয়া নথিপত্ৰৰ বেগ ৬ ঘন্টাতে উদ্ধাৰ কৰি গতাই দিলে তহলদাৰী বাহিনীয়ে… VIDEO

ডিজিটেল ডেস্কঃ এগৰাকী ছাত্ৰ বা ছাত্ৰীৰ বাবে তেওঁলোকৰ বিদ্যালয়, মহাবিদ্যালয় অথবা শিক্ষানু্ষ্ঠানৰে জড়িত নথিপত্ৰসমূহ কিমান গুৰুত্বপূৰ্ণ সেয়া সকলোৱে জানে। কিন্তু সেই নথিপত্ৰবোৰ হেৰাই গ’লে ভীষণ সমস্যাৰ সন্মুখীন হ’ব পাৰে ছাত্ৰ-ছাত্ৰী। তেনে এক ঘটনাই সংঘটিত হৈছে কটন বিশ্ববিদ্যালয়ৰ এগৰাকী ছাত্ৰীৰ।

কটন বিশ্ববিদ্যালয়ত অধ্যয়নৰত প্ৰতিক্ষা হাজৰিকা নামৰ ছাত্ৰীগৰাকী ছ’চিয়েল মিডিয়াত দিছিল তেওঁৰ নথিপত্ৰ হেৰুওৱা বুলি এক ভিডিঅ’। এই ভিডিঅ’টোত ছাত্ৰীগৰাকীয়ে কয়- ‘নমস্কাৰ মোৰ নাম প্ৰতিক্ষা হাজৰিকা। কটন ইউনিভাৰ্ছিটীৰ ষ্টুডেণ্ট হয় মই। আজি মই পৰীক্ষা দিবলৈ আহিছিলো। আজি দিল্লী ইউনিভাৰ্ছিটীৰ এন্ট্ৰেন্স পৰীক্ষা আছিলে। মোৰ ভাইতি উলুবাৰীৰ পৰা ফটাশিল আমবাৰীলৈ আহি আছিলে। তাৰপাছত তাৰ বাইকৰ পৰা মোৰ ফোন, পাৰ্চ, ডকিউমেন্ট কোনোবাই টানি নিছে বুলি কৈছে। কিন্তু সেইটো মই ভালকৈ নাজানো যিহেতু মই পৰীক্ষাত আছিলো। মোৰ হাতত এতিয়া এখনো ডকিউমেন্ট নাই। ফোনটোও চুইছ অফ হৈ আছে। যদি কোনোবাই পাই তেন্তে মোক জনাব। আৰু কাইলৈ মোৰ পৰীক্ষা আছে। গতিকে কোনোবাই যদি পাইছে জনাওঁক।’

প্ৰতিক্ষা হাজৰিকাই এই ভিডিঅ’টো ছ’চিয়েল মিডিয়াত আপলোড কৰি যি খবৰ পোৱাৰ আশাত আছিল, সেই খবৰে পালে তেওঁ। তেওঁৰ হেৰুওৱা নথিপত্ৰসমূহ সৌভাগ্যক্ৰমে লাভ কৰিলে গুৱাহাটী আৰক্ষীয়ে। হেৰুওৱাৰ ৬ ঘন্টাতে নথিখিনি উদ্ধাৰ কৰি আৰক্ষীয়ে গতাই দিছে ছাত্ৰীগৰাকীক। ৯ ছেপ্টেম্বৰৰ সন্ধিয়া ৭.৪২ বজাত গুৱাহাটী আৰক্ষীয়ে এক টুইট কৰে। টুইটটোত গুৱাহাটী আৰক্ষীয়ে লিখিছে- ‘নিথপত্ৰসমূহ উদ্ধাৰ কৰা হৈছে আৰু ছাত্ৰীগৰাকীক দিয়া হৈছে।’

আপুনি পঢ়ি ভাল পাব পৰা বাতৰি