শেহতীয়া খবৰ
অট্টালিকাৰ তৃতীয় মহলাত অগ্নিকাণ্ড...  •  দুৰ্নীতি নহয়, এইবাৰ গাঁঠিৰ ধন খৰছ কৰি গোৱালাপাৰত পথ মেৰামতি কৰিলে বিষয়া-ঠিকাদাৰে  •  ৰেডক্ৰছ ছ’চাইটি ঢকুৱাখনাৰ নতুন সমিতি গঠনৰ বাবে সভা আহ্বান  •  সোমবাৰে শিলচৰত ভাৰত-বাংলাদেশৰ উপায়ুক্ত পৰ্যায়ৰ বৈঠক  •  অন্ধবিশ্বাস! ৪ জনক হত্যা দুস্কৃতিকাৰী দলৰ...  •  কুকাৰপাৰত বানসাহায্য হৰলুকিৰ অভিযোগক কেন্দ্ৰ কৰি উত্তপ্ত পৰিস্থিতি, আৰক্ষীৰ উপস্থিতিত পৰিস্থিতি নিয়ন্ত্ৰণ, VIDEO  •  ১২৮ কোটি টকাৰ বিদ্যুতৰ বিল! মূৰে কপালে হাত দিছে এজন বৃদ্ধই...  •  দেওবাৰে দুপৰীয়া ২.৩০ বজাত সম্পন্ন হ’ব শীলা দীক্ষিতৰ অন্ত্যোষ্টিক্ৰিয়া...  •  সোনভদ্ৰা কাণ্ডক লৈ বিজেপিৰ বিৰুদ্ধে সৰৱ মমতা বেনাৰ্জী, প্ৰিয়ংকাৰ পক্ষত দিলে থিয়...  •  আৰু এটা সোণ, পদক জয়েৰে অভিলেখ হিমাৰ

দৰিদ্ৰ বিৰোধী সিদ্ধান্ত! সুলভ মূল্যৰ কেৰাচিন বন্ধ কৰাৰ নিৰ্দেশ চৰকাৰৰ

888

ডিজিটেল ডেস্কঃ অসমৰ বজাৰৰ পৰা অচিৰেই নোহোৱা হ’ব কেৰাচিন। ৰাজ্য চৰকাৰে আৰম্ভ কৰিছে এই কুচকাৱাজ। ৪ ছেপ্টেম্বৰ, ২০১৮ত অসম চৰকাৰৰ খাদ্য আৰু অসামৰিক যোগান বিভাগৰ উপ-সচিবে বিভাগটোই সঞ্চালকলৈ প্ৰেৰণ কৰা এক পত্ৰত এই কথা স্পষ্ট হৈছে।

এই পত্ৰখনত প্ৰথমে পাইলট প্ৰজেক্ট হিচাপে কামৰূপ মহানগৰ জিলাখনক কেৰাচিনমুক্ত জিলা হিচাপে ঘোষণা কৰি ইয়াৰ বাবে ব্যৱস্থা গ্ৰহণৰ নিৰ্দেশ দিছিল উপ-সচিবগৰাকীয়ে। বিজেপি মুখ্যমন্ত্ৰীসকলৰ সভাত লোৱা সিদ্ধান্ত অনুসৰি গুৱাহাটী মহানগৰৰ জি এম চি অন্তৰ্ভুক্ত অঞ্চলসমূহক কেৰাচিনমুক্ত কৰিবলৈ ৰাজ্য চৰকাৰে দিয়া নিৰ্দেশ কাৰ্যকৰী কৰা হৈছে ১০ ছেপ্টেম্বৰৰ পৰা ।

এনে সিদ্ধান্তৰ ফলত এতিয়া কামৰূপ মহানগৰত বন্ধ হৈছে কেৰাচিনৰ বিক্ৰী। উল্লেখযোগ্য যে, পৰ্যায়ক্ৰমে এই কেৰাচিনমুক্ত অঞ্চল ৰাজ্যৰ আন আন স্থানলৈ প্ৰসাৰিত কৰা হ’ব। ইফালে অসমত প্ৰায় ২০ হাজাৰ ৰাজহ গাঁও আৰু সম পৰিমাণৰ বনগাঁও তথা চৰচাপৰি অঞ্চল আছে। যিবোৰ অঞ্চলত নাই বিজুলীৰ সংযোগ।

নগৰ-মহানগৰীয়া অঞ্চলৰ ১৫-২০ হাজাৰ পৰিয়ালৰ ঘৰত নাই বিদ্যুৎ সংযোগ তথা ৰন্ধন গেছ। এই লোকসকলে কেৰাচিন ব্যৱহাৰেৰে চাকি, লেম্প জ্বলোৱাৰ লগতে ষ্টভত ৰন্ধন কাৰ্য সম্পন্ন কৰে। চৰকাৰৰ এনে সিদ্ধান্তৰ ফলত ঠেলাৱালা, ৰিক্সাৱালাৰ এই দৰিদ্ৰ শ্ৰেণীটো যথেষ্ট সমস্যাৰ সন্মুখীন হ’ব।

চৰকাৰী তথ্য অনুসৰি ৰাজ্যৰ গ্ৰামাঞ্চলত ১৪ লাখ লোকৰ ঘৰত বিদ্যুৎ সংযোগ নথকাৰ বাবে তেওঁলোকো কেৰাচিনৰ ওপৰতে নিৰ্ভৰ কৰে। চৰকাৰে দিয়া এই তথ্যৰ উপৰি ৰাজহ জৰিব বহিঃভূত চৰ-চাপৰিকে ধৰি বৃহৎ সংখ্যক গাঁৱৰ বহু লক্ষ পৰিয়াল এতিয়াও বিদ্যুৎ সংযোগৰ পৰা বঞ্চিত হৈ আছে।

তেনেস্থলত এই দৰিদ্ৰ লোকসকলে কেৰাচিনৰ অভাৱত কি পৰিস্থিতিৰ সন্মুখীন হ’ব পাৰে সেয়া সহজে অনুমান কৰিব পাৰি। প্ৰধানমন্ত্ৰী নৰেন্দ্ৰ মোডীয়ে এনে দৰিদ্ৰ লোকৰ ঘৰত বিদ্যুৎ সংযোগ নথকাৰ বাবেই ‘উজ্বলা’, ‘কুটিৰ জ্যোতি’ আঁচনি গ্ৰহণ কৰিছে। তেনেস্থলত এই সকল লোকে কেৰাচিনৰ ওপৰত নিৰ্ভৰশীল হোৱাৰ কথা জানিও ৰাজ্য চৰকাৰে হঠাৎ গুৱাহাটীক কেৰাচিনমুক্ত অঞ্চল হিচাপে ঘোষণা কৰাত যথেষ্ট সমস্যাৰ সন্মুখীন হ’ব ১৫-২০হাজাৰ মহানগৰীত বাস কৰা পৰিয়াল।

আপুনি পঢ়ি ভাল পাব পৰা বাতৰি