ডিজিটেল ডেস্কঃ অচিৰেই মুকলি হব উৰন্ত বাহন! আচৰিত যেন লাগিলেও প্ৰযুক্তিবিদ্যাৰ দ্ৰুত উন্নতিৰ যুগত এয়া অসম্ভৱ নহয়। জাপানৰ এটা গাড়ী নিৰ্মাতা প্ৰতিষ্ঠানে নিৰ্মান কৰিছে উৰন্ত কাৰ। সোমবাৰে জাপানৰ এন ই চি (NEC) নামৰ প্ৰতিষ্ঠানটোৱে এই বাহন খনৰ কিছু ফটো ৰাজহুৱা কৰিছে। প্ৰতিষ্ঠানটোৱে সংবাদ মাধ্যমক জনোৱা অনুসৰি এই বাহনখনত যাত্ৰা কৰিব পাৰিব ২ জন যাত্ৰীয়ে।
সোমবাৰে উৰন্ত বাহন খনৰ টেষ্ট ড্ৰাইভৰ সময়ত ১ মিনিট ধৰি প্ৰায় ১০ ফুট ওপৰত শূণ্যত চলাচল কৰে। এই বিশেষ বাহনখন দেখাত এটা ড্ৰোণ সদৃশ। বাহনখনত সংস্থাপিত কৰা হৈছে ৪ খন পাংখা। প্ৰতিষ্ঠানটোৱে জনোৱা অনুসৰি বাহনখনৰ আৰু কিছুদিশ উন্নত কৰাৰ পাছতে বজাৰত মুকলি কৰাৰ চিন্তা-চৰ্চা কৰা হব। উল্লেখ্য যে, উৰন্ত বাহন নিৰ্মানৰ ক্ষেত্ৰত বহুদিনৰে পৰা প্ৰস্তুতি চলাই আছে আমেৰিকাইও।
