শেহতীয়া খবৰ
কোৰোনাত আক্ৰান্ত হৈ কি ক'লে ভাস্কৰজ্যোতি মহন্তই...  •  ট্ৰাম্প সংবাদ মেলত ব্যস্ত থকাৰ সময়তেই আমেৰিকাৰ হোৱাইট হাউচত গুলীবৰ্ষণ...  •  ধেমাজি টাউন ব্ল’ক কংগ্ৰেছৰ উদ্যোগত "পৰিবেশ প্ৰভাৱ নিৰূপন খচৰা ২০২০"ৰ বিৰুদ্ধে সজাগতামূলক সভা-মানৱ শৃংখল কাৰ্যসূচী...  •  ধেমাজি প্ৰেছ ক্লাৱত বিধায়ক ৰনোজ পেগুৰ সংবাদমেল...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  ৰাজ্যত পুনৰ ২৯০০ জনৰ দেহত ধৰা পৰে কোভিড পজিটিভ, আক্ৰান্তৰ সংখ্যা ৬১,৭৩৭জনলৈ বৃদ্ধি...  •  প্ৰাক্তন ৰাষ্ট্ৰপতি প্ৰণৱ মুখাৰ্জীৰ মগজুৰ অস্ত্ৰোপচাৰ সম্পন্ন, ৰখা হৈছে ভেন্টিলেটৰ ছাপৰ্টত...  •  দূৰদৰ্শনত ‘শ্ৰীমন্ত শংকৰদেৱ’ ধাৰাবাহিকখনৰ সম্প্ৰচাৰ বন্ধৰ দাবী শ্ৰীমন্ত শংকৰদেৱ আন্তৰ্জাতিক মিছনৰ...  •  অসম সহ ৬ ৰাজ্যৰ বান পৰিস্থিতিৰ সন্দৰ্ভত মুখ্যমন্ত্ৰীৰে আলোচনা প্রধানমন্ত্ৰীৰ...

পলৰীয়া মুখ্যমন্ত্ৰী আমাক নালাগেঃ আছুৰ প্ৰৱল প্ৰতিবাদত ডিব্ৰুগড়ৰ বাসগৃহ এৰিলে মুখ্যমন্ত্ৰী সোণোৱালে…

4,276

ডিজিটেল ডেস্কঃ কেবৰ বিৰুদ্ধে আছুৰ প্ৰবল প্ৰতিবাদত ডিব্ৰুগড়ৰ লক্ষীনগৰস্থিত বাসগৃহ এৰিলে মুখ্যমন্ত্ৰী সৰ্বানন্দ সোণোৱাল। ডিব্ৰুগড়ত সোমবাৰে আছুৱে মুখ্যমন্ত্ৰীৰ ঘৰ ঘেৰাও কৰি কেব বিৰোধী বিভিন্ন শ্ল’গানৰ লগতে পলৰীয়া মুখ্যমন্ত্ৰী আমাক নালাগে, নাগপুৰত বিক্ৰী যোৱা মুখ্যমন্ত্ৰী নালাগে শ্ল’গানেৰে উত্তপ্ত কৰি তোলে পৰিৱেশ।

উল্লেখ্য যে, সোমবাৰে ডিব্ৰুগড় ছাত্ৰ সন্থাই কেবৰ বিৰুদ্ধে উলিয়াইছিল এটা বাইক ৰেলী। বাইক ৰেলীটোক মুখ্যমন্ত্ৰীৰ বাসগৃহৰ সমীপত আৰক্ষীয়ে বাধা দিয়াৰ চেষ্টা চলাইছিল যদিও বিফল হয় আৰক্ষী।

মুখ্যমন্ত্ৰীৰ ঘৰৰ সন্মুখেৰে এনেদৰেই গৈছিল প্ৰতিবাদকাৰী।

প্ৰথমে পথত বেৰিকেড দি প্ৰতিবাদকাৰীসকলক বাধা দিছিল আৰক্ষীয়ে। তাৰ পিছতে বাইক এৰি খোজ কাঢ়িয়ে প্ৰতিবাদকাৰীসকলে মুখ্যমন্ত্ৰীৰ ঘৰৰ দিশে ৰাওনা হয়। মুখ্যমন্ত্ৰীৰ ঘৰৰ সন্মুখত প্ৰতিবাদকাৰীসকলে নাগৰিকত্ব সংশোধনী বিধেয়কৰ বিৰুদ্ধে উত্তাল প্ৰতিবাদ সাব্যস্ত কৰে।

প্ৰাপ্ত খবৰ অনুসৰি, প্ৰতিবাদৰ সময়ত নিজৰ গৃহতে আছিল মুখ্যমন্ত্ৰী সৰ্বানন্দ সোণোৱাল। আছুৰ প্ৰতিবাদৰ সময়তে হেলিকপ্টাৰেৰে ডিব্ৰুগড় এৰে সোণোৱালে। প্ৰতিবাদী আছুকৰ্মীৰ মতে, মুখ্যমন্ত্ৰী প্ৰথমে মোহনবাৰীৰ পৰা যোৰহাট অভিমুখে হেলিকপ্টাৰেৰে অহাৰ কথা আছিল যদিও, প্ৰৱল প্ৰতিবাদৰ সন্মুখীন হোৱাত মুখ্যমন্ত্ৰীয়ে হেলিকপ্টাৰত উঠাৰ স্থান সলনি কৰে। ইফালে সমান্তৰালকৈ বিধায়ক প্ৰশান্ত ফুকনৰ ঘৰৰ সন্মুখতো প্ৰতিবাদ সাব্যস্ত কৰে আছুৱে।

উল্লেখ্য যে, বিগত কিছুদিন ধৰি নাগৰিকত্ব সংশোধনী বিধেয়কৰ বিৰুদ্ধে আছুৱে তীব্ৰ কৰি তুলিছে প্ৰতিবাদ। বিধেয়কখনৰ বিৰুদ্ধে ৰাইজৰ মাজতো সজাগতাৰ সৃষ্টি কৰিছে আছুৱে।

আপুনি পঢ়ি ভাল পাব পৰা বাতৰি