শেহতীয়া খবৰ
কেবৰ বিৰুদ্ধে প্ৰতিবাদঃ পশ্চিমবংগত প্ৰতিবাদকাৰীয়ে জ্বলালে ৫খন ৰে’ল...  •  মন্ত্ৰী ৰঞ্জিত দত্তক ক'লা পতাকা প্ৰদৰ্শন  •  ১৬ ডিচেম্বৰত সদৌ অসম কৰ্মচাৰী পৰিষদে পালন কৰিব ৰাজ্যিক কৰ্মচাৰীৰ কৰ্মবিৰতি  •  সান্ধ্য আইনৰ মাজতে মহানগৰীৰ লাখটকীয়াত আৰক্ষীয়ে শ্বহীদৰ শ্ৰদ্ধাঞ্জলি অনুষ্ঠানৰ পোষ্টাৰ ফলাৰ অভিযোগ  •  আলোচনাপন্থী আলফা নেতা জিতেন দত্তক গ্ৰেপ্তাৰ  •  CAA বিৰোধী প্ৰতিবাদঃ হিংসাত্মক কাৰ্যত লিপ্ত হোৱাৰ অভিযোগত ৮৫ জনক গ্ৰেপ্তাৰ, শতাধিকক আটক কৰাৰ বিপৰীতে কেইবাশক আটক কৰাৰ প্ৰস্তুতি...  •  অখিল গগৈৰ বিৰুদ্ধে এন আই এ (NIA)য়ে ৰুজু কৰিছে গোচৰ...  •  এতিয়া চৰকাৰৰ বিৰুদ্ধে আন্দোলন কৰাৰ সময়ঃ ছোনীয়া গান্ধী  •  সোমবাৰৰ সন্ধিয়া ৭ বজালৈকে ৰাজ্যত বন্ধ থাকিব ইণ্টাৰনেট সেৱা...  •  ভাৰতত নাগৰিকত্ব সংশোধনী আইন বিৰোধী প্ৰতিবাদৰ প্ৰভাৱক লৈ চিন্তিত আমেৰিকা!

ধূপধৰাৰ ধানবৰীত বাঁহৰ সাঁকোৰ পৰা পৰি মৃত্যু এজনৰ

86

ডিজিটেল সংবাদ, ধূপধৰাঃ ৰাজ্যৰ আন প্ৰান্তৰ লগতে গোৱালপাৰা জিলাতো বিস্তীৰ্ণ অঞ্চল বাঢ়নী পানীয়ে বুৰাই পেলোৱাৰ ফলত নৈৰ কাষৰীয়া ঠাইসমূহ বিপজ্জনক হৈ থকাৰ সময়তে জিলাখনৰ ধূপধৰাৰ ধানবৰীত বাঁহৰ সাঁকো এখনৰ পৰা নৈৰ পানীত পৰি এজন লোকৰ মৃত্যু হয়৷ জানিব পৰা মতে ধূপধৰা আৰক্ষী থানাৰ অন্তৰ্গত ধানবৰী-লাউডোবা সংযোগী পথত তথা দেওশীলা মৰানদী নামৰ নৈখনৰ ওপৰত থকা বাঁহৰ সাকোখনেৰে লোকজনে পাৰ হ’বলৈ লওঁতেই দুৰ্ঘটনাবশত সাঁকোখনৰ পৰা পানীত পৰি যায়।

এই ঘটনাৰ পিছতে অঞ্চলটোত হুৱা দুৱা লাগে যদিও লোকজন পানীৰ সোঁতত সন্ধানহীন হৈ পৰে৷ লোকজনৰ সন্ধানৰ বাবে শনিবাৰে স্থানীয় ৰাইজৰ সহযোগত গোৱালপাৰাৰ পৰা অহা এটা এছ ডি আৰ এফ বাহিনীৰ দলে সেই অঞ্চলটোত উদ্ধাৰ অভিযান চলায়। বহু সময়ৰ অন্তত অৱশ্যে শুকুৰবাৰৰ পৰা সন্ধানহীন হৈ থকা লোকজনৰ মৃতদেহ পানীৰ পৰা উদ্ধাৰ কৰিবলৈ সক্ষম হয়। মৃত লোকজন ধানবৰী নিৱাসী আলতাপ হুছেইন (৩২) বুলি জানিব পৰা গৈছে। বিপদ সংকুল সাকোঁখন পাৰ হওঁতেই এই অঘটন সংঘটিত হয় বুলি সন্দেহ প্ৰকাশ কৰিছে স্থানীয় লোকে৷

আপুনি পঢ়ি ভাল পাব পৰা বাতৰি