শেহতীয়া খবৰ
ভাৰতীয় ৰে'লত সুৰক্ষিত নহয় যাত্ৰীঃ লামডিঙত অচেতন অৱস্থাত উদ্ধাৰ দুজন...  •  বৰমাৰ লোহিত মোছাহাৰীৰ বদন্যতাঃ নিজৰ পুথিভঁৰালৰ দুই সহস্ৰাধিক গ্ৰন্থ দান কৰিলে বড়ো থুনলাই আফাদক...  •  চুপাৰি চুৰিত অভিযুক্ত তিনিজনক জে'ললৈ প্ৰেৰণ....  •  ৪ শ্ৰমিকক আক্ৰমণ কৰা নাহৰফুটুকীক মৰিয়াই মৰিয়াই হত্যা...  •  বাক্সাত তৰমুজৰ খেতি পৰিদৰ্শন বি টি আৰৰ কাৰ্যবাহী সদস্যৰ...  •  নগাঁৱত চোৰাং গৰু কঢ়িওৱা গাড়ী জব্দঃ এজনক আটক...  •  সিংহ যুৱক তথা প্ৰাক্তন মন্ত্ৰী ললিত চন্দ্ৰ ৰাজখোৱাক সোঁৱৰণ অগপ,আছুৰ...  •  নাট্য সন্মিলনৰ নগাওঁ কেন্দ্ৰীয় অধিবেশন স্থগিত...  •  ব্যতিক্ৰম আনন্দ মহিন্দ্ৰাঃ পেৰা অলিম্পিকত স্বৰ্ণজয়ী অৱনীলৈ আগবঢ়ালে বিশেষ বিলাসী বাহন...  •  ব্যতিক্ৰম আনন্দ মহিন্দ্ৰাঃ পেৰা অলিম্পিকত স্বৰ্ণজয়ী অৱনীলৈ আগবঢ়ালে বিশেষ বিলাসী বাহন...

ধেমাজি এছ. বি. আইৰ ২৩ জন কৰ্মচাৰীৰ ভিতৰত ১৪ জনৰ দেহতেই কোভিড…

ডিজিটেল সংবাদ ধেমাজিঃ বৃহস্পতিবাৰে ধেমাজি জিলা স্বাস্থ্য বিভাগে জিলাখনৰ বিভিন্ন ঠাইত কৰা ৯০৪ জনৰ কোৰোনা পৰীক্ষাৰ ভিতৰত ৫১ জনেই কোডিভ পজিটিভ হিচাপে ধৰা পৰিছে ৷ জিলা স্বাস্থ্য বিভাগে উন্নত চিকিৎসাৰ বাবে এজনক অসম চিকিৎসা মহাবিদ্যালয় ডিব্ৰুগড়ৰলৈ প্ৰেৰন কৰিছে ৷ ধেমাজিত কোৰোনাৰ সংক্ৰমন দিনক দিনে ইমানেই বৃদ্ধি পাবলৈ ধৰিছে যে বৃহস্পতিবাৰে একে দিনাই ভাৰতীয় ষ্টেট বেংক ধেমাজি শাখাত বেংকটোৰ ২৩ গৰাকীৰ কৰ্মচাৰী ভিতৰত ১৪ গৰাকীয়েই কোভিড পজিটিভ ধৰা পৰিছে ৷

উল্লেখ্য যে বেংকৰ সন্মুখতে কোভিড টেষ্ট কৰা হৈছিল ৷ দুপৰীয়া বেংকটোৰ ২৩ গৰাকী কৰ্মচাৰীয়ে সাধাৰণ ভাবেই যেতিয়া কোভিড পৰীক্ষা টেষ্ট কৰা পিছত ১৪ গৰাকীয়ে পজিটিভ বুলি চিনাক্ত হয়। লগে লগে বেংকটোৰ মুখ্য প্ৰৱন্ধক গৰাকীয়ে বেংকটোৰ কামকাজ তাৎক্ষণিকভাবেই বন্ধ কৰি দিয়ে ৷

তাৎপৰ্যপূৰ্ণ ভাবে বেংকটোৰ বেছি সংখ্যক কৰ্মচাৰীয়েই কোভিড পজিটিভ হোৱাত বেংকটোৰ কাম কাজ হঠাতে বন্ধ কৰি দিবলগীয়া হোৱাত বেংকত ভিৰ হৈ থকা গ্ৰাহক সকল ফৰিং চিটিকা দি সেই ঠাইৰ পৰা অন্যান্য বেংক, অসম গ্ৰামীন বিকাশ বেংক , চেন্ট্ৰেল বেংক , কানাৰা বেংক , ইউকো বেংক , এলাহাদ বেংক , ইউ. বি. আই. বেংক , এইচ. ডি. এফ . চি বেংককে ধৰি গ্ৰাহক সেৱা কেন্দ্ৰ সমূহত ভিৰ কৰিবলৈ ধৰে গৈ ৷

ইফালে জিলা স্বাস্থ্য বিভাগে বৃহস্পতিবাৰে ৪৮ জনক আইশ্যলেছনত , ধেমাজি অসামৰিক চিকিৎসালয়কে ধৰি মুঠ তিনিজনক নতুনকৈ চৰকাৰী চিকিৎসালয়ত ভৰ্তি কৰিছে ৷ স্বাস্থ্য বিভাগৰ তথ্য মতে বৃহস্পতিবাৰে জিলাখনৰ পজিটিভৰ শতকৰা হাৰ ৫.৬% শতাংশলৈ বৃদ্ধি পালে ৷ বৰ্তমানে জিলাখনৰ সক্ৰিয় কোভিড পজিটিভ ৰোগীৰ সংখ্যা ১৮৭ জনলৈ বৃদ্ধি পালে ৷

আপুনি পঢ়ি ভাল পাব পৰা বাতৰি