Published on:
Updated on:
- দিল্লীৰ ভয়ংকৰ অগ্নিকাণ্ডত নিহতৰ সংখ্যা ৪৪ জনলৈ বৃদ্ধি।
- দিল্লীৰ ৰাণী ঝাঁচী ৰোডৰ আনাজ মন্দী এলেকাত সংঘটিত হয় এই অগ্নিকাণ্ড।
- এটা ফেক্টৰীৰ ৬ নং মহলাত সূত্ৰপাত হয় জুইৰ।
- তাৰ পিছতে অট্টালিকাটোৰ আন দুটা মহলাও গ্ৰাস কৰে ভয়ংকৰ জুই।
- অগ্নিকাণ্ডৰ সময়ত ফেক্টৰীটোৰ ভিতৰত শুই আছিল শতাধিক শ্ৰমিক।
- অগ্নিকাণ্ডৰ পিছতে ঘটনাস্থলীত উপস্থিত হৈ অগ্নিনিৰ্বাপক বাহিনীয়ে জুই নিৰ্বাপনৰ চেষ্টা চলায়।
- উদ্ধাৰকাৰী দলে বৰ্তমানেও অব্যাহত ৰাখিছে উদ্ধাৰ অভিযান।
- ইফালে আৰক্ষীয়ে প্ৰকাশ কৰা মতে এই অগ্নিকাণ্ডত বৰ্তমানলৈকে নিহত হৈছে ৪৪ জনকৈ শ্ৰমিক।
- অগ্নিকাণ্ডত আহত হৈ বৰ্তমান চিকিৎসাধীন হৈ আছে অৰ্ধশতাধিক লোক।
- নিহত সকলৰ অধিকৰে শ্বাসৰুদ্ধ হৈ মৃত্যু হোৱা বুলি চিকিৎসকে জানিবলৈ দিছে।
- এই অগ্নিকাণ্ডত নিহতৰ সংখ্যা বৃদ্ধি পোৱাৰ আশংকা কৰিছে আৰক্ষীয়ে।
- ইফালে দিল্লীৰ এই ভয়ংকৰ অগ্নিকাণ্ডক লৈ শোক ব্যক্ত কৰিছে প্ৰধানমন্ত্ৰী নৰেন্দ্ৰ মোডী আৰু অমিত শ্বাহে।
- টুইটযোগে নিহতৰ পৰিয়াললৈ সমবেদনা জ্ঞাপন কৰে প্ৰধানমন্ত্ৰী আৰু গৃহমন্ত্ৰীয়ে।
Code:
Asomiya Pratidin
www.asomiyapratidin.in