শেহতীয়া খবৰ
সন্ধিয়া মঙলদৈৰ মাজমজিয়াত জেহাদিৰ পুট্টালিকা দাহেৰে প্ৰতিবাদ  •  কৃষ্ণাই প্ৰেছ ক্লাবৰ মনোজ্ঞ অনুষ্ঠান, শৰতৰ জোনাকত এখন্তেক  •  ৰাজনীতি ত্যাগ কৰিব ৰাজ্যৰ এগৰাকী কংগ্ৰেছ বিধায়কে! VIDEO  •  ৰাজস্থানত কেনে আছে বড়িৰ ‘কইনা’বোৰ?  •  দেশ ভ্ৰমণ কৰিবলৈ আহি বৰপেটাত বাংলাদেশী নাগৰিকৰ মৃত্যু...  •  আঁচনিৰ ধন আত্মসাতৰ অভিযোগত বিধায়ক ৱাজেদ আলী চৌধুৰীৰ বিৰুদ্ধে হিতাধিকাৰী-কৃষক মুক্তি সংগ্ৰাম সমিতিৰ এজাহাৰ...  •  টিহুত আৰ্যভট্ট বিজ্ঞান কেন্দ্ৰৰ বিজ্ঞান ভিত্তিক প্ৰতিযোগিতা সম্পন্ন...  •  হাস্পতালত কেন্দ্ৰীয় মন্ত্ৰীৰ গালৈ চিঞাহী চটিয়ালে যুৱকে...  •  বুধবাৰে পি চিদাম্বৰামক ই ডিয়ে কৰিব গ্ৰেপ্তাৰ...  •  থলুৱাক বঞ্চিত ৰেলবিভাগৰ! চতুৰ্থবৰ্গৰ চাকৰিত উত্তৰ পূৱ সীমান্ত ৰেলৱে লামডিঙ ডিভিজনত মুঠ ৮৯৯ গৰাকী বহিঃৰাজ্যৰ যুৱকক নিযুক্তি...

শিলচৰ ষ্টেচনত ৰে’লৰ শৌচালয়ত অচিনাক্ত যুৱকৰ মৃতদেহ উদ্ধাৰ…

33

ডিজিটেল সংবাদ, শিলচৰঃ বুধবাৰে শিলচৰ ৰে’ল ষ্টেচনত ৰৈ থকা এখনৰ ৰেলৰ দবাৰ ভিতৰত উদ্ধাৰ হয় এজন অচিনাক্ত যুৱকৰ মৃতদেহ৷ দুল্লভচৰা-শিলচৰ যাত্ৰীবাহী ৰেলখনৰ শৌচালয়ৰ ভিতৰৰ পৰা বুধবাৰে উদ্ধাৰ হয় অনুমানিক আঠাইশ-ত্ৰিশ বছৰীয়া যুৱকৰ মৃতদেহ ৷

জানিব পৰামতে, মঙলবাৰে নিশা ৰে’লখন শিলচৰ ষ্টেচন পোৱাৰ পিচত কৰ্তব্যৰত ৰে’লকৰ্মী সকলে দবাবোৰ পৰীক্ষা কৰোতেই এনএফ জিএছ ০৭৪০৭ নম্বৰৰ দবাটোৰ শৌচালয়ত যুৱকজনৰ মৃতদেহ প্ৰত্যক্ষ কৰে ৷ পিছত লগে লগে আৰ পি এফ আৰু জি আৰ পি এফৰ লগতে তাৰাপুৰ আৰক্ষীকো খবৰ দিয়া হয়৷

আটাই কেইটা বিভাগে প্ৰাথমিক তদন্ত কৰি দবাটোৰ সকলো দুৱাৰ খিৰিকী বন্ধ কৰি ৰাখে ৷ ইফালে, বুধবাৰে দণ্ডাধীশৰ উপস্থিতিত জি আৰ পিয়ে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে শিলচৰ চিকিৎসা মহাবিদ্যালয় হাস্পতালয়লৈ প্ৰেৰণ কৰে ৷

অচিনাক্ত যুৱকৰ মৃতদেহৰ মুখমণ্ডলত কিছু আঘাতৰ চিন প্ৰত্যক্ষ কৰা গৈছে৷ এয়া হত্যা নে আত্মহত্যা সেয়া এতিয়া নিশ্চিত হোৱা নাই ৷ আৰক্ষীয়ে সন্দেহ কৰা মতে, মাত্ৰাধিক নিচা জাতীয় সামগ্ৰী সেৱনৰ ফলতো যুবকজনৰ মৃত্যু হ’ব পাৰে ৷ মৰণোত্তৰ পৰীক্ষাৰ পিছত মৃতদেহ চিনাক্ত কৰাৰ বাবে ৭২ ঘন্টাৰ বাবে এছ এম চি হস্পিতালৰ মৰ্গত ৰখা হ’ব বুলি জি আৰ পি সূত্ৰই সদৰী কৰিছে ৷

আপুনি পঢ়ি ভাল পাব পৰা বাতৰি