শেহতীয়া খবৰ
জুবিন গাৰ্গলৈ পুৰুষোত্তম দাস বঁটা...  •  সাহসী সেনা বিষয়াক ৰাষ্ট্ৰপতিয়ে প্ৰদান কৰিলে কীৰ্তি চক্ৰ, উত্তম যুদ্ধ সেৱা মেডেল...  •  মঙলবাৰে সন্ধিয়ালৈকে প্ৰকাশ পাব বিজেপি প্ৰাৰ্থীৰ প্ৰথমখন তালিকা...  •  মঙলবাৰে সন্ধিয়ালৈকে প্ৰকাশ পাব বিজেপি প্ৰাৰ্থীৰ প্ৰথমখন তালিকা...  •  মুখ খুলি নক’লেও বহু অসন্তুষ্টিত আছে কামাখ্যা প্ৰসাদ তাছা!  •  অন্তঃত এদিনৰ বাবে সকাহ…  •  গোৱালপাৰাত ৩দিনীয়া কাৰ্যসূচীৰে ৰাভা ছাত্ৰ সন্থাৰ দ্বাদশ দ্বি-বাৰ্ষিক অধিবেশন, VIDEO  •  যমদুৱাৰ বনভোজস্থলীত অঘটন, নদীত পৰি সন্ধানহীন অৰুণাচলৰ ছাত্ৰ...  •  চৰাইদেউত বিকল খোৱাপানী যোগান আঁচনি, ক্ষুব্ধ স্থানীয় ৰাইজ... VIDEO  •  নাজিৰাত দুৰ্বৃত্তই হত্যা কৰি মৃতদেহ পেলাই দিলে পুখুৰীত...

গোলাঘাটত চিকিৎসালয়ৰ বাথৰুমত ওলাল কয়দীৰ মৃতদেহ, পৰিয়ালৰ মতে এয়া পৰিকল্পিত হত্যা

134

ডিজিটেল সংবাদ, গোলাঘাটঃ গোলাঘাট জিলাৰ কাৰাগাৰত হত্যাৰ অভিযোগত যোৱা ১১ বছৰে কাৰাৱাস খাটি থকা এজন কয়দীৰ বুধবাৰে চিকিৎসালয়ত মৃতদেহ উদ্ধাৰ হোৱা ঘটনাই চাঞ্চল্যৰ সৃষ্টি কৰিছে৷ জানিব পৰা মতে, গোলাঘাট শ্বহীদ কুশল কোঁৱৰ অসামৰিক চিকিৎসালয়ৰ বাথৰুমত বুধবাৰে কয়দীজনৰ মৃতদেহ উদ্ধাৰ হয়৷

উল্লেখ্য যে, হত্যাৰ অভিযোগত ১১ বছৰ পূৰ্বে আদালতে যাৱজ্জীৱন কাৰাদণ্ড ঘোষণা কৰিছিল বিদ্যাসাগৰ ৰবিদাস নামৰ ব্যক্তিজনক৷ বিগত ১১ বছৰে তেওঁ গোলাঘাট জিলাৰ বগৰীজেং কাৰাগাৰত বন্দী জীৱন পাৰ কৰি আছিল৷ শনিবাৰে কয়দীজনৰ স্বাস্থ্যৰ অৱনতি ঘটাত তেওঁক গোলাঘাটৰ অসামৰিক চিকিৎসালয়ত ভৰ্তি কৰোৱা হয়৷ ইয়াৰ পিছতে বুধবাৰে পুৱা তেওঁৰ মৃতদেহ চিকিৎসালয়খনৰ বাথৰুমৰ ভিতৰত উদ্ধাৰ কৰে চিকিৎসা কৰ্মীয়ে৷

ইফালে এই ঘটনা এক পৰিকল্পিত হত্যাকাণ্ড বুলি অভিযোগ কৰিছে কয়দীজনৰ পৰিয়ালৰ লোকে৷ পৰিয়ালৰ লোকে দাবী কৰা মতে, কয়দীজন কোনো গুৰুতৰ ৰোগত আক্ৰান্ত হৈ থকা নাছিল৷ তেনে পৰিস্থিতিৰ বাথৰুমৰ ভিতৰত কয়দীজনৰ মৃতদেহ উদ্ধাৰ হোৱাক লৈ ৰহস্যৰ সৃষ্টি হৈছে৷ ঘটনা সন্দৰ্ভত আৰক্ষীয়ে তদন্ত আৰম্ভ কৰিছে৷

আপুনি পঢ়ি ভাল পাব পৰা বাতৰি