শেহতীয়া খবৰ
দ্বিতীয় টি-২০ত টীম ইণ্ডিয়াৰ বিৰুদ্ধে ৭ উইকেটত পৰাস্ত দক্ষিণ আফ্ৰিকা...  •  পাকিস্তান জড়িত থকা কোনো অনুষ্ঠানত ভাগ নলবঃ আলকা য়াগনিক, কুমাৰ ছানু, উদিত নাৰায়নলৈ জাননী...  •  বৰপেটা চিকিৎসা মহাবিদ্যালয়ত ভাইৰেল ৰিচাৰ্ছ এণ্ড ডায়'গ্নষ্টিক লেব'ৰেটৰী মুকলি...  •  মৃত্যুৰ ক্ষণ গণি থকা এএছটিচিয়ে লাখ লাখ টকা ব্যয়েৰে ৩ দিনীয়াকৈ পালন কৰিলে বিশ্বকৰ্মা পূজা...  •  মৃত্যুৰ ক্ষণ গণি থকা এএছটিচিয়ে লাখ লাখ টকা ব্যয়েৰে ৩ দিনীয়াকৈ পালন কৰিলে বিশ্বকৰ্মা পূজা...  •  গুৱাহাটী উচ্চ ন্যায়ালয়ৰ প্ৰাক্তন ন্যায়াধীশ ঋষিকেশ ৰয়ক দেশৰ উচ্চতম ন্যায়ালয়ৰ ন্যায়াধীশ হিচাপে নিযুক্তি...  •  গুৱাহাটী উচ্চ ন্যায়ালয়ৰ প্ৰাক্তন ন্যায়াধীশ ঋষিকেশ ৰয়ক দেশৰ উচ্চতম ন্যায়ালয়ৰ ন্যায়াধীশ হিচাপে নিযুক্তি...  •  আফগানিস্তানত ভয়ংকৰ বিস্ফোৰণ, ৪ জনৰ মৃত্যু  •  বুঢ়া আৰক্ষী চকী কাণ্ডঃ ৰাষ্ট্ৰীয় মানৱ অধিকাৰ আয়োগে নিজাকৈ ৰুজু কৰিছে গোচৰ, ডিজিপি-মুখ্য সচিবলৈ জাননী প্ৰেৰণ  •  বুঢ়া আৰক্ষী চকী কাণ্ডঃ ৰাষ্ট্ৰীয় মানৱ অধিকাৰ আয়োগে নিজাকৈ ৰুজু কৰিছে গোচৰ, ডিজিপি-মুখ্য সচিবলৈ জাননী প্ৰেৰণ

৩৪তম ৰাষ্ট্ৰীয়-আন্তঃ বিশ্ববিদ্যালয় যুৱ মহোৎসৱত জিলিকিল কটন বিশ্ববিদ্যালয়

সাংস্কৃতিক শোভাযাত্ৰাত প্ৰথম, লোকনৃত্যত তৃতীয়, লোক বাদ্যযন্ত্ৰ আৰু একক পাশ্চাত্য সংগীতত চতুৰ্থ পুৰস্কাৰ লাভ

694

ডিজিটেল সংবাদ, গুৱাহাটীঃ সদ্য সমাপ্ত পাঞ্জাৱৰ চণ্ডীগড় বিশ্ববিদ্যালয়ত অনুষ্ঠিত ৩৪তম ৰাষ্ট্ৰীয়-আন্তঃ বিশ্ববিদ্যালয় যুৱ মহোৎসৱত কটন বিশ্ববিদ্যালয়ৰ ছাত্র-ছাত্ৰীসকলে সফলতা বুটলি বিশ্ববিদ্যালয়খনলৈ গৌৰৱ কঢ়িয়াই আনিবলৈ সক্ষম হৈছে। যোৱা ১ ৰ পৰা ৫ ফেব্ৰুৱাৰীলৈ অনুষ্ঠিত এই মহোৎসৱত জিলিকি উঠে কটন বিশ্ববিদ্যালয়। কটন বিশ্ববিদ্যালয়ক প্ৰতিনিধিত্ব কৰি অংশগ্ৰহণ কৰা দলটোৱে বিভিন্ন অনুষ্ঠানত ভাগ লৈ ক্ৰমে সাংস্কৃতিক শোভাযাত্ৰাত প্ৰথম পুৰস্কাৰ লাভ কৰাৰ উপৰি লোকনৃত্যত তৃতীয় পুৰস্কাৰ, লোক বাদ্যযন্ত্ৰ আৰু একক পাশ্চাত্য সংগীতত চতুৰ্থ পুৰস্কাৰ লাভ কৰিবলৈ সক্ষম হৈছে।

‘এছ’চিয়েচন অৱ ইণ্ডিয়ান ইউনিভাৰছিটি’ৰ উদ্যোগত অনুষ্ঠিত হোৱা এই মহোৎসৱত ভাৰতবৰ্ষৰ ১০০ ৰো অধিক বিশ্ববিদ্যালয়ে অংশগ্ৰহণ কৰে। গণসংযোগ সাংবাদিকতা আৰু মিডিয়া অধ্যয়ন বিভাগৰ সহকাৰী অধ্যাপক মুক্তিকাম হাজৰিকাৰ তত্ত্বাৱধানত কটন বিশ্ববিদ্যালয়ৰ ২৭ জনীয়া দলটোৱে অনূষ্ঠানত অংশগ্ৰহণ কৰে।

ইফালে ৩ জানুৱাৰীৰ পৰা ৭ জানুৱাৰীলৈ ললিত নাৰায়ণ মিথিলা বিশ্ববিদ্যালয়ত অনুষ্ঠিত হোৱা ইষ্ট জ’ন আন্তঃ বিশ্ববিদ্যালয় মহোৎসৱত কটন বিশ্ববিদ্যালয়ে সাহিত্য বিভাগত শ্ৰেষ্ঠ বঁটা লাভ কৰিবলৈ সক্ষম হয়। বিভিন্ন বিভাগত পুৰস্কাৰ লাভ কৰিবলৈ সক্ষম হোৱাৰ উপৰিও লোকনৃত্য প্ৰতিযোগিতাত বিহু হুচৰি পৰিৱেশন কৰি প্ৰথম পুৰস্কাৰ অৰ্জন কৰে কটন বিশ্ববিদ্যালয়ে।

অসমৰ উচ্চ শিক্ষাৰ অনুষ্ঠান কটন বিশ্ববিদ্যালয়ে ইয়াৰ পূর্বেও বহুবাৰ ৰাষ্ট্ৰীয় তথা আন্তঃৰাষ্ট্ৰীয় পৰ্যায়ত প্ৰতিযোগিতাত ভাগ লৈ বিশ্ববিদ্যালয়খনলৈ গৌৰৱ কঢ়িয়াই আনিবলৈ সক্ষম হৈছিল। দলটোৱে কঢ়িওৱা এই সফলতাৰ বাবে ছাত্র-ছাত্ৰীসকলক অভিনন্দন জনাইছে শিক্ষক-শিক্ষয়িত্ৰীসকলে।

আপুনি পঢ়ি ভাল পাব পৰা বাতৰি