শেহতীয়া খবৰ
ডিমাপুৰত গুলিয়াই হত্যা কৰা ধেমাজিৰ যুৱক জিতেন গগৈৰ সৎকাৰ কৰিলে পৰিয়ালে...  •  চাকৰিৰ কেলংকাৰী ! আছুই জ্বলালে মুখ্যমন্ত্ৰীৰ প্ৰতিকৃতি...  •  চাকৰিত কেলেংকাৰী ! ৰাজ্যৰ প্ৰান্তে প্ৰান্তে জ্বলিছে মুখ্যমন্ত্ৰীৰ প্ৰতিকৃতি..  •  পঞ্জাৱত ৰে’ল পথত কৃষকৰ ধৰ্ণা, বাতিল ১৪খন ৰেল যাত্ৰা...  •  আইচিইউত চিকিৎসাধীন প্ৰাক্তন মুখ্যমন্ত্ৰী তৰুণ গগৈ...  •  নাৰায়ণপুৰত মুখ্যমন্ত্ৰীৰ প্ৰতিকৃতি দাহ আছুৰ…  •  যিকোনো সময়তে হ'ব পাৰে দিল্লী-এনএছচিএন চুক্তি...  •  জিএমচিএইচৰ কেবিনৰ পৰা কোভিড হাস্পতাললৈ নিয়া হ’ল প্ৰাক্তন মুখ্যমন্ত্ৰী তৰুণ গগৈক...  •  ২৫ ছেপ্টেম্বৰঃ এফালে কৃষক বিদ্ৰোহ, আনফালে দীপিকাক জেৰাৰ বাবে চমন...  •  ওৰাঙত আন্তৰাষ্ট্ৰীয় গাড়ী চোৰ আটক,উদ্ধাৰ বাহন...

ঘৰে ঘৰে কটন ছাত্ৰ সমাজৰ ‘কা’ বিৰোধী প্ৰচাৰ…

1,844

ডিজিটেল ডেস্কঃ সমগ্ৰ ৰাজ্যত অব্যাহত আছে নাগৰিকত্ব সংশোধনী আইন বিৰোধী আন্দোলন। কেৱল ৰাজপথলৈ ওলাই আহিব বা ৰজাঘৰীয়াক ক’লা পতাকা দেখুৱাইয়ে নহয়, এইবাৰ ভোগালী বিহুৰ মেজি-ভেলাঘৰতো ‘কা’ৰ প্ৰতিলিপি দাহ কৰে ৰাজ্যবাসীয়ে।

উৰুকা আৰু ভোগালী বিহুৰ মেজিত ‘কা’ৰ প্ৰতিলিপি দাহ কৰাৰ পাছতেই বৃহস্পতিবাৰে কটন ছাত্ৰ সমাজে গ্ৰহণ কৰিলে এক বিশেষ পদক্ষেপ। এই জাতিধ্বংসী আইনখনৰ সন্দৰ্ভত ৰাইজক অধিক সজাগ আৰু সচেতন কৰাৰ লক্ষ্যৰে কটন ছাত্ৰ সমাজে ঘৰে ঘৰে জনাব আহ্বান।

‘কা’ বিৰোধী আন্দোলনত শ্বহীদ হোৱা ছেম ষ্টেফ’ৰ্ড, দিপাঞ্জল দাস, ঈশ্বৰ নায়ক, আব্দুল আলীম আৰু বীজেন্দ্ৰ পাংগিঙক শ্ৰদ্ধাঞ্জলি জনাই কটনিয়ানে এক প্ৰচাৰ পত্ৰিকাত লিখিছে যে, ‘কা’ বিৰোধী আন্দোলনত ৫জন খিলঞ্জীয়া ডেকাৰ ত্যাগ অথলে নাযায়। আজি অসমীয়া জাতি এক গভীৰ সংকটৰ সন্মুখীন হৈছে। জাতিধ্বংসী এই নাগৰিকত্ব সংশোধনী আইম আমি কেতিয়াও নামানো।

লগতে উল্লেখ কৰিছে যে, নাগৰিকত্ব সংশোধনী আইনৰ বিৰুদ্ধে আৰু অসমীয়া জাতিক জীয়াই ৰাখিবলৈ তেওঁলোকে এক দীঘলীয়া সংগ্ৰামৰ বাবে সাজু হৈছে। এই সংগ্ৰাম দেশৰ সংবিধান ভূ-লুন্ঠিত কৰা, অসম চুক্তিক অমান্য কৰা শক্তিৰ বিৰুদ্ধে। লগতে এই প্ৰচাৰ পত্ৰিকাত এই আইন কিয় নামানে তাৰ ৫টা যুক্তিও কটন ছাত্ৰ সমাজে দাঙি ধৰিছে।

আপুনি পঢ়ি ভাল পাব পৰা বাতৰি