শেহতীয়া খবৰ
১৭ দিনৰ অন্তত 'Tanhaji'ৰ উপাৰ্জন...  •  আনন্দৰ বন্যা বি টি আৰতঃ বড়ো শান্তি চুক্তিত অগ্ৰণী ভূমিকা লোৱা হাগ্ৰামা মহিলাৰীক প্ৰশংসা কেন্দ্ৰীয় গৃহমন্ত্ৰী, মুখ্যমন্ত্ৰীৰ...VIDEO  •  অভয়াপুৰীত তীব্ৰবেগী চাৰিচকীয়া বাহনৰ সন্ত্ৰাস, মহতিয়াই নিলে দুখনকৈ দুচকীয়া বাহন...  •  নামতিত 'কা' বিৰোধী প্রথমখন প্রতিবাদী গাঁওসভাত চৰকাৰক তীক্ষ্ণ সমালোচনা আছুৰ...  •  বড়ো চুক্তিক লৈ ওদালগুৰিৰ ভিন্ন প্ৰান্তত আবতৰীয়া দিপাৱলী, আনফালে চুক্তিৰ বিৰোধিতাৰে আহ্বান জনোৱা বন্ধৰ সৰ্বাত্মক প্ৰভাৱ...  •  সম্প্ৰীতিৰ এনাজৰীঃ শংকৰদেৱ সংঘৰ অধিৱেশনস্থলীত শ্ৰমদান শ শ মুছলমানধৰ্মী লোকৰ...VIDEO  •  নলবাৰীৰ জ্ঞানদ্বীপ জাতীয় একাডেমীৰ বাৰ্ষিক উৎসৱৰ সামৰণি...  •  আদনান ছামীক পদ্মশ্ৰী সন্মান প্ৰদান কৰাটো দেশৰ ১৩০ কোটি জনতাৰ অপমান, ‘জয় মোডী’ জপ কৰিলেই আজিকালি নাগৰিকত্ব পাব পাৰে কোনো পাকিস্তানীয়েঃ এনচিপি  •  প্ৰেমৰ অপূৰ্ব নিদৰ্শন তাজমহলৰ সৌন্দৰ্য্য পান কৰি অভিভূত ব্ৰাজিলৰ ৰাষ্ট্ৰপতি…  •  কাশ্মীৰৰ বিজবেহাৰাত নিৰাপত্তাৰক্ষীৰে সংঘৰ্ষত নিহত সন্ত্ৰাসবাদী...

ধৰ্ষণ আৰু শিশু অপহৰণত অভিযুক্ত স্বামী নিত্যানন্দৰ বিদেশলৈ পলায়ন!

488

ডিজিটেল ডেস্কঃ বিতৰ্কিত স্বঘোষিত ভগৱান স্বামী নিত্যানন্দই দেশৰ পৰা পলায়ন কৰা বুলি দাবী কৰিছে গুজৰাট আৰক্ষীয়ে। গুজৰাটৰ এইগৰাকী স্বয়ম্ভূ ভগৱানৰ বিৰুদ্ধে আছে ধৰ্ষণৰ অভিযোগৰ উপৰিও শিশুক অপহৰণ কৰি আশ্ৰমে বন্দী কৰি ৰখাৰ অভিযোগ। নিত্যানন্দই গুজৰাটৰ পৰা পলায়ন কৰি ত্ৰিনিদাত আশ্ৰয় লৈ থকা বুলিও গুজৰাট আৰক্ষীৰ এক সূত্ৰৰ দ্বাৰা প্ৰকাশ পাইছে।

উল্লেখ্য যে, স্বামী নিত্যানন্দৰ বিৰুদ্ধে কৰ্ণাটকত এটি ধৰ্ষণৰ গোচৰ ৰুজু হৈ আছে। তাৰ সমান্তৰালভাৱে শিশুক অপহৰণ কৰি আহমদাবাদৰ আশ্ৰমত স্বামী নিত্যানন্দই বন্দী বনাই অত্যাচাৰ কৰাৰ অভিযোগো উত্থাপন হৈছে। খবৰ অনুসৰি এইগৰাকী স্বামীয়ে অপহৰণ কৰা শিশুসকলক ভীক্ষাৰ দৰে কৰ্মত জড়িত কৰাই ধন ঘটাই আহিছিল। এই অভিযোগ সন্দৰ্ভত ইতিমধ্যে বুধবাৰে এটা গোচৰ ৰুজু কৰিছে আৰক্ষীয়ে। অন্যহাতে নিত্যানন্দৰ দুই শিষ্যা প্ৰাণপ্ৰিয়া আৰু প্ৰিয়াতভাক বৃহস্পতিবাৰে অপহৰণৰ অভিযোগত গ্ৰেপ্তাৰ কৰে।

আহমদাবাদৰ আৰক্ষী অধীক্ষক (গ্ৰামীণ) আৰ ভি আচাৰীয়ে জানিবলৈ দিয়া মতে, বিদেশলৈ পলায়ন কৰা স্বমী নিত্যানন্দক ঘূৰাই আনিবলৈ ব্যৱস্থা গ্ৰহণ কৰা হৈছে। কিন্তু বিদেশ মন্ত্ৰণালয়ৰ এক সূত্ৰই সদৰী কৰা অনুসৰি এই সন্দৰ্ভত গুজৰাট আৰক্ষীয়ে বিদেশ মন্ত্ৰণালয়ৰ সৈতে কোনো ধৰণৰ যোগাযোগ কৰা নাই। নিত্যানন্দক ভাৰতলৈ প্ৰত্যাৱৰ্তনৰ বাবেও গুজৰাট আৰক্ষীয়ে বিদেশ মন্ত্ৰণালয়ক আবেদন জনোৱা নাই বুলিও জানিবলৈ দিয়ে বিদেশ মন্ত্ৰণালয়ে।

আপুনি পঢ়ি ভাল পাব পৰা বাতৰি