শেহতীয়া খবৰ
‘অপৰাধৰ বাবে সময় নাই, আহি আছে পুলিচ...’ VIDEO  •  নুমলীগড়ৰ দেওপাহাৰৰ সমীপত পথ দুৰ্ঘটনা...  •  দিল্লীত উত্তপ্ত পৰিস্থিতি! টুইটাৰযোগে উপ ৰাজ্যপাল-গৃহমন্ত্ৰীক আহ্বান কেজৰিৱালৰ...  •  লামডিঙত অব্যাহত চুপাৰি ভৰ্তি ট্ৰাকৰ দৌৰাত্ম... VIDEO  •  অৱশেষত কংগ্ৰেছত যোগদান এসময়ৰ বিজেপিৰ বহুবল্কী সাংসদ আৰ পি শৰ্মাৰ...  •  'কা' বিৰোধী প্ৰতিবাদকাৰীয়ে নিক্ষেপ কৰা শিল মূৰত লাগি মৃত্যু আৰক্ষীৰ হেড কণিষ্টবলৰ...  •  ঝংকাৰ শইকীয়া হত্যাকাণ্ডৰ চূড়ান্ত ৰায়দান সম্পন্ন, দোষী সাব্যস্ত ১২ জনক...  •  মৃত্যু হ’ল উমানন্দত থকা একমাত্ৰ সোণালী বান্দৰটোৰ...  •  পুনৰ ৪ দিনৰ বাবে ক্ৰাইম ব্ৰাঞ্চৰ জিম্মাত শ্বাৰ্জিল ইমাম, VIDEO  •  পুনৰ ৪ দিনৰ বাবে ক্ৰাইম ব্ৰাঞ্চৰ জিম্মাত শ্বাৰ্জিল ইমাম, VIDEO

কোন হ’ব কংগ্ৰেছৰ নতুন অধ্যক্ষ ? শনিবাৰে হ’ব পাৰে চূড়ান্ত…

196

ডিজিটেল ডেস্কঃ বহু জল্পনা কল্পনাৰ অন্তত শনিবাৰে বাচনি হ’ব পাৰে কংগ্ৰেছৰ পৰৱৰ্তী ৰাষ্ট্ৰীয় অধ্যক্ষৰ নাম। লোকসভা নিৰ্বাচন, ২০১৯ত কংগ্ৰেছৰ শোচনীয় পৰাজয়ৰ দায়িত্ব মূৰ পাতি লৈ ৰাহুল গান্ধীয়ে অধ্যক্ষ পদৰ পৰা পদত্যাগ কৰাৰ পিছত তেওঁ পুনৰ অধ্যক্ষ ৰূপে দায়িত্ব গ্ৰহণ নকৰাৰ সিদ্ধান্তত অটল হৈ আছে। ইফালে তেনে পৰিস্থিতিত কংগ্ৰেছৰ দায়িত্ব গান্ধী পৰিয়ালৰ ছোনীয়া গান্ধী কিম্বা ন কংগ্ৰেছী প্ৰিয়ংকা গান্ধী বাদ্ৰাৰ হাতত অৰ্পিত হোৱাৰ সম্ভাৱনা ব্যক্ত কৰিছে বিভিন্ন জনে।

শনিবাৰে কংগ্ৰেছৰ অধ্যক্ষ বাচনিৰ বাবে প্ৰথমে কংগ্ৰেছ ৱৰ্কিং কমিটীৰ বৈঠকৰ অন্তত কংগ্ৰেছ নেতৃত্বসকল ৫টা গ্ৰুপত ভাগ হৈ প্ৰদেশ নেতৃত্বৰ সৈতে এই সন্দৰ্ভত আলোচনা কৰিব বুলি দলৰ এক সূত্ৰই প্ৰকাশ কৰিছে। অন্যহাতে একাংশ নেতাই কংগ্ৰেছক গান্ধী পৰিয়ালৰ পৰা পৃথক কৰাৰ বাবে বিজেপিয়ে গেমপ্লেন প্ৰস্তুত কৰিছে বুলি সন্দেহ কৰিছে। তেনে পৰিপ্ৰেক্ষিতত তেওঁলোকে কংগ্ৰেছক কোনোপধ্যেই গান্ধী পৰিয়ালৰ পৰা পৃথক নকৰিবলৈ নেতৃত্বক আহ্বান জনাইছে।

খবৰ অনুসৰি, শনিবাৰে চি ডব্লিউ চিৰ বৈঠকৰ পূৰ্বে আহমেদ পেটেল, কে চি বেণুগোপাল, এ কে এন্টনীয়ে ইউপিএৰ অধ্যক্ষ ছোনীয়া গান্ধীক সাক্ষাৎ কৰি কংগ্ৰেছৰ পৰৱৰ্তী অধ্যক্ষৰূপে কেইবাটাও নামৰ ওপৰত চৰ্চা কৰে। তেওঁলোকে চৰ্চা কৰা নাম সমূহৰ ভিতৰত দলৰ জ্যেষ্ঠ নেতা মুকুল বাসনিক, মল্লিকাৰ্জুন খাড়গে, অশোক গেহলট, সুশীল কুমাৰ সিন্দেকে ধৰি কেইবাজনো শীৰ্ষ নেতা আছে।

কংগ্ৰেছৰ জ্যেষ্ঠ নেতা তথা পঞ্জাৱৰ মুখ্যমন্ত্ৰী কেপ্টেইন অমৰিন্দৰ সিঙে এইবাৰ দলৰ দায়িত্ব কোনো যুৱ নেতাৰ হাতত অৰ্পন কৰাৰ পোষকতা কৰিছে যদিও আন একাংশই কোনো অভিজ্ঞ আৰু জ্যেষ্ঠ নেতাকহে এই দায়িত্ব অৰ্পনৰ দাবী জনাইছে। ৰাহুল গান্ধীয়ে অধ্যক্ষ পদ ত্যাগ কৰাৰ পিছতে অমৰিন্দৰ সিঙে প্ৰিয়ংকা গান্ধীক এই দায়িত্ব প্ৰদানৰ আহ্বান জনাইছিল।

আপুনি পঢ়ি ভাল পাব পৰা বাতৰি