শেহতীয়া খবৰ
অনানুষ্ঠানিক শিক্ষা আৰম্ভ কৰাৰ উদ্দেশ্যে চৰকাৰৰ গাইডলাইন প্ৰকাশ...  •  লেবেননৰ ৰাজধানী বেইৰুটত দুটাকৈ ভয়ংকৰ বিস্ফোৰণৰ ঘটনা...VIDEO  •  পুনৰ ২৮৮৬জনৰ দেহত কোভিড-১৯ঃ ৫৫০জন কামৰূপ মেট্ৰৰ, ৰাজ্যত আক্ৰান্তৰ সংখ্যা ৪৮,১৬১লৈ বৃদ্ধি...  •  গোৱালপাৰাত ৫ শতাধিকৰ ঘৰ অতিক্ৰম কৰিলে কোভিড-১৯ত আক্ৰান্ত ৰোগীয়ে, অদ্যাপি ৩২০ গৰাকী ৰোগী কোৰোনামুক্ত...  •  ৰাজ্যত পুনৰ কোৰোনাত আক্ৰান্ত ৬জনৰ মৃত্যু...  •  পানীখাইতিত পঞ্চ আৰু চয়াবিন ফেক্টৰীত ভয়ানক অগ্নিকাণ্ড...VIDEO  •  আলাবৈ ৰণৰ ৩৫১ বছৰঃ বুধবাৰে ১০ হাজাৰ বীৰ ছহিদলৈ সামৰিক শ্ৰদ্ধাঞ্জলি...  •  আৰণ্যকৰ মাতৃ লীনা শৰ্মা অত্যন্ত সুখী, কিন্তু...  •  কেন্দ্ৰীয় মন্ত্ৰী ধৰ্মেন্দ্ৰ প্ৰধানৰ দেহত কোভিড-১৯ পজিটিভ...  •  দিল্লী আৰক্ষীৰ কণিষ্টবল ইউ পি এছ চি পৰীক্ষাত ৬৪৫ নম্বৰ স্থানত উত্তীৰ্ণ...

অ’ মই পাকিস্তানী, যি কৰিব পাৰা কৰাঃ জনসভাত কংগ্ৰেছ সাংসদৰ মন্তব্যই সৃষ্টি কৰিছে বিতৰ্কৰ

6,187

ডিজিটেল ডেস্কঃ সততে বিতৰ্কৰ আওতাত সোমাই পৰা কংগ্ৰেছ সংসদ অধীৰ ৰঞ্জন চৌধুৰীৰ আন এক বিতৰ্কিত মন্তব্যই এইবাৰ দেশজুৰি প্ৰতিক্ৰিয়াৰ সৃষ্টি কৰিছে। পশ্চিম বংগৰ উত্তৰ ২৪ পৰগণাত কংগ্ৰেছৰ এক জনসভা সম্বোধন কৰি ৰাজ্যখনৰ ৰাজ্যপাল জগদ্বীপ ধনখড়ক আক্ৰমণ কৰিবলৈ গৈ নিজকে পাকিস্তানী বুলি মন্তব্য কৰে কংগ্ৰেছ সাংসদগৰাকীয়ে।

প্ৰণিধানযোগ্য যে, পশ্চিম বংগৰ ৰাজ্যপাল জগদ্বীপ ধনখড়ে দুদিন পূৰ্বে ভাৰতত অতি প্ৰাচীন কালতেই মিছাইল আৰু আকাশী যানৰ ব্যৱহাৰ হৈছিল বুলি মন্তব্য কৰি কৈছিল যে ৰামায়ণী যুগতে ইয়াৰ ব্যৱহাৰ হৈছিল। পৰোক্ষভাৱে ৰামৰ অস্তিত্ব আৰু সেই কালত ভাৰতৰ পৰাক্ৰমৰ কথা ক’বলৈ গৈ আধুনিক কালৰ গৱেষণা আৰু উদ্ধাৱনী কাৰ্যক এক প্ৰকাৰ তেওঁ তাচ্ছিল্য কৰাক লৈ তীব্ৰ প্ৰতিক্ৰিয়াৰ সৃষ্টি হৈছিল।

ৰাজ্যপালৰ এই টিপ্পনীৰ পিছত জনসভাত সাংসদ অধীৰ ৰঞ্জন চৌধুৰীয়ে কয় যে যিখন ৰাজ্যই সকলোতকৈ অধিক নবেল বঁটা বিজয়ীৰ জন্ম দিছে, সেইখন ৰাজ্যৰ ৰাজ্যপালে যদি এনে মন্তব্য কৰে, তেন্তে লোক বিশ্বাসৰ বিপৰীতে বিজ্ঞানৰ বাস্তৱ সন্মত গৱেষণাৰ প্ৰাসংগিকতাৰ প্ৰতিয়ে ভাবুকি আহিব।হিন্দু শাস্তৰ উদ্ধৃতিৰে বৰ্তমানৰ কেন্দ্ৰীয় চৰকাৰৰ কাৰ্যকলাপৰ গ্ৰহণযোগ্যতা সাব্যস্ত কৰিবলৈ গৈ এনে মন্তব্য কৰা ৰাজ্যপালগৰাকীক প্ৰত্যাহ্বান জনাই সভাত অধীৰ ৰঞ্জন চৌধুৰীয়ে কয়, ‘অ’ মই পাকিস্তানী। তোমালেকে যি কৰিব খোজা কৰিব পাৰা…।’

উল্লেখ্য যে, ইয়াৰ পূৰ্বেও কেইবাবাৰো বিতৰ্কিত মন্তব্য কৰি সমালোচিত হৈছে অধীৰ ৰঞ্জন চৌধুৰী। জম্মু-কাশ্মীৰৰ কুলগামত সন্ত্ৰাসবাদীক সহায় কৰাৰ অভিযোগত ডিএছপি দেবিন্দৰ সিঙক গ্ৰেপ্তাৰ কৰাৰ পিছতো বিতৰ্কিত মন্তব্য কৰি সমালোচিত হৈছিল এইগৰাকী কংগ্ৰেছ সাংসদ।

আপুনি পঢ়ি ভাল পাব পৰা বাতৰি