ডিজিটেল সংবাদ, গৰৈমাৰীঃ চেঙা বিধানসভা সমষ্টিৰ ব্ৰহ্মপুত্ৰৰ দক্ষিণ প্ৰান্তৰ পূৱ ম'হচৰাত বৃহস্পতিবাৰে সন্ধিয়া বিদ্যুৎস্পৃষ্ট হৈ কিশোৰী এজনী গুৰুতৰভাৱে আহত হৈ সোণতলী প্ৰাথমিক স্বাস্থ্যকেন্দ্ৰত চিকিৎসাধীন হ'বলগীয়া হৈছে৷
জানিব পৰামতে, পূৱ ম'হচৰা গাঁও নিবাসী গুজৰ আলীৰ কন্যা ফৰিদা খাতুন (১৪) বৃহস্পতিবাৰে সন্ধিয়া প্ৰায় ছয় বজাত নিজগৃহত আকস্মিকভাৱে বিদ্যুৎস্পৃষ্ট হৈ গুৰুতৰভাৱে আহত হয়৷
ইপিনে আহত কিশোৰীজনীক পৰিয়ালৰ লোকে ততাতৈয়াকৈ সোণতলী প্ৰাথমিক স্বাস্থ্যকেন্দ্ৰত ভৰ্তি কৰায়৷ সম্প্ৰতি ফৰিদা বেগম চিকিৎসালয়খনত চিকিৎসাধীন হৈ আছে।