ডিজিটেল সংবাদ, চৰাইদেউঃ বিশ্ব শান্তি আৰু কল্যাণৰ অৰ্থে চৰাইদেউৰ জিলাৰ ঐতিহাসিক মৈদামথলীৰ সমীপৰ চুকাফা নগৰৰ নামঘৰত চাৰিদিনীয়া কৈ অনুষ্ঠিত হোৱা অবিৰত ভাগৱত পাঠৰ আজি অন্তিম দিন ৷ অঞ্চলটোৰ বহু কেইটা নামঘৰ একত্ৰিত হৈ যোৱা শনিবাৰ পৰা আৰম্ভ হোৱা অবিৰত ভাগৱত পাঠৰ সামৰণি দিনা হৰি নামৰ ধ্বনিয়ে মুখৰিত হৈ পৰে নামঘৰ চৌহদ ৷
উল্লেখ্য যে, ৯ মাৰ্চৰ পৰা আৰম্ভ হোৱা ভাগৱত পাঠৰ সৈতে সংগতি ৰাখি আসন প্ৰতিষ্ঠা, ঊষা কীৰ্তন , ধৰ্মধ্বজা উত্তোলন, নাম প্ৰসংগ, ভাগৱত ভ্ৰমণ আৰু কীৰ্তন পাঠও অনুষ্ঠিত হয় ৷
অন্তিম দিনা বিভিন্ন স্থানৰ অহা যথেষ্ট সংখ্যক ভক্তবৃন্দ , আইমাতৃ তথা ভক্ত প্ৰাণ ৰাইজৰ উপস্থিতিয়ে অঞ্চলটো দ্বিতীয় বৈকুণ্ঠপুৰলৈ পৰিণত কৰে ৷ বিয়লি সমূহীয়া নামপ্ৰসংগ,প্ৰসাদ বিতৰণ আৰু বন্তি প্ৰজ্বলনৰ পাচতেই ভাগৱত পাঠৰ সামৰণি পৰিব ৷