শেহতীয়া খবৰ
মানকাচৰৰ নিউ মাৰ্কেটত নিচা জাতীয় দ্ৰব্য সহ গ্ৰেপ্তাৰ এজন...  •  ভূমিকম্পই জোকাৰি গ'ল গুৱাহাটী...  •  বৰপেটাৰ কেওঁটকুছিত ভয়াবহ পথ দূৰ্ঘটনা,ট্ৰেন্সফৰ্মাৰ ভাঙিলে ব'লেৰ পিক আপ ভানে...  •  সন্মিলিত নাৰী শক্তি অসমৰ কেন্দ্ৰীয় সমিতিৰ প্ৰথম বাৰ্ষিক বিশেষ অধিৱেশন সামৰণি...  •  ১ মিনিটত ২৫ খবৰ...  •  নলবাৰীত হেমকোষপ্ৰাণ দেৱানন্দ বৰুৱাক স্মৰণ...  •  নলবাৰীৰ বালিকুছিত শ্ৰীশ্ৰীযোগেশ মন্দিৰ উদ্বোধন,দুশ গৰাকী জ্যেষ্ঠ নাগৰিকক সম্বৰ্ধনা...  •  ৩০ জনীয়া সদস্যৰে অন্তৱৰ্তীকালীন কমতাপুৰ স্বায়ত্ব শাসিত পৰিষদ গঠন...  •  টিহুৰ সুৰভি গোষ্ঠীৰ উদ্যোগত দুখন কাব্যগ্ৰন্থ উন্মোচন...  •  কাজিৰঙাত ভালুকৰ আক্ৰমণত অস্থায়ী বনকৰ্মী আহত

ছয়গাঁৱৰ গৰৈমাৰীত তীৰখেলত ব্যৱহৃত সামগ্ৰী, নগদ ধনসহ আটক ২ জন…

34

ডিজিটেল সংবাদ, গৰৈমাৰী : কামৰূপ জিলাৰ ছয়গাঁও সমষ্টিৰ অন্তৰ্গত গৰৈমাৰীত বৃহস্পতিবাৰে বিয়লি প্ৰায় ৪ বজাত ছয়গাঁও থানাৰ ভাৰপ্ৰাপ্ত বিষয়া কপিল পাঠকে অতৰ্কিতভাৱে অভিযান চলাই তীৰখেলৰ ঘাটি উৎখাত কৰিবলৈ সক্ষম হয়৷

জানিব পৰামতে ছয়গাঁও থানাৰ ভাৰপ্ৰাপ্ত বিষয়া কপিল পাঠকে বৃহস্পতিবাৰে বিয়লি প্ৰায় চাৰি বজাত আকস্মিকভাৱে গৰৈমাৰী বজাৰত অবৈধ তীৰখেলৰ বিৰুদ্ধে অভিযান চলায়৷ আৰক্ষীৰ অভিযানকালত তীৰখেলৰ ঘাটি এটা উৎখাত কৰাৰ লগতে নগদ ৩,২৭০টকাৰ সৈতে খেলত ব্যৱহৃত সামগ্ৰী, দুটা ম’বাইল ফোনসহ দুজন লোকক আটক কৰিবলৈ সমৰ্থ হয়৷

ধৃত লোক দুজন হৈছে ক্ৰমে কাণহাৰা গাঁৱৰ আবুশামাৰ পুত্ৰ ছৈনুদ্দিন (২৬) আৰু ইছামুদ্দিনৰ পুত্ৰ ফুলবৰ আলী (২৬) বুলি জানিব পৰা গৈছে৷ ইপিনে ধৃত তীৰখেলৰ বুকী দুজনক গৰৈমাৰী আৰক্ষী চকীলৈ নি জেৰা অব্যাহত ৰাখিছে৷ উল্লেখ্য যে বৃহত্তৰ গৰৈমাৰী বজাৰৰ চাৰিওদিশে শতাধিক অবৈধ তীৰখেলৰ ঘাটি চলি আছে৷ ইয়াৰোপৰি গৰৈমাৰী এলেকাৰ বিভিন্ন স্থানত আজিও অবৈধ মদ, ভাং, জুৱাখেল অব্যাহত আছে৷

গৰৈমাৰী অঞ্চলত চলি থকা অবৈধ তীৰ, মদ, জুৱা, ড্ৰাগছ আদিৰ ঘাট চিনাক্ত কৰি ঘাটবোৰ উৎখাত কৰিবলৈ ৰাইজে আৰক্ষী-প্ৰশাসনৰ ওচৰত দাবী জনাইছে৷ ইপিনে বিগত কিছুদিন ধৰি গৰৈমাৰী অঞ্চলৰ অসামাজিক কাৰ্যকলাপৰ বিৰুদ্ধে ছয়গাঁও থানাৰ ভাৰপ্ৰাপ্ত বিষয়া কপিল পাঠকে ধাৰাবাহিক অভিযান চলাই থকাত ৰাইজে সন্তুষ্টি প্ৰকাশ কৰিছে৷

আপুনি পঢ়ি ভাল পাব পৰা বাতৰি