শেহতীয়া খবৰ
পশ্চিম গোৱালপাৰাত 'কা' বাতিল আৰু অখিল গগৈৰ মুক্তিৰ দাবীত গণ সমাৱেশ...  •  মঙলদৈত বিবেকানন্দ কেন্দ্ৰ বিদ্যালয় ভৱনৰ আধাৰশিলা স্থাপন...  •  ডবকাৰ ৩৬নং ৰাষ্ট্ৰীয় ঘাইপথৰ দাঁতিত উদ্ধাৰ অচিনাক্ত মৃতদেহ...  •  চীনত কোৰোনা ভাইৰাছৰ ফলত মৃত্যু হোৱা লোকৰ সংখ্যা ১৩২জনলৈ বৃদ্ধি...  •  ঐতিহাসিক চৰাইদেউ মৈদাম ক্ষেত্ৰত অৰ্ধশতাধিক মহিলাৰ চাফাই অভিযান...  •  নলবাৰীত হিন্দু জাগৰণ মঞ্চৰ প্ৰতিবাদ... VIDEO  •  পথৰ দুৰৱস্থা! ১২ কিলোমিটাৰ চাঙিত কঢ়িয়াই নিব লগা হৈছে ৰোগীক... VIDEO  •  বিটিআৰ চুক্তিৰ প্ৰতিটো দফা ৰূপায়ন হলে স্বয়ংক্ৰিয়ভাৱে বড়োলেণ্ড পৃথক ৰাজ্য গঠন হ'বইঃ হাগ্ৰামা...  •  ড০ হীৰেণ গোঁহাইৰ বিৰুদ্ধে চানমাৰী থানাত গোচৰ ৰুজু...  •  প্ৰতিষ্ঠাপকৰ প্ৰতিমূৰ্তিৰ দুৰৱস্থাৰ খবৰ ৰাখিছেনে শ্ৰীমন্ত শংকৰদেৱ সংঘ আৰু...?

নেছ’ৰ ১১ ঘন্টীয়া উঃপূঃ বন্ধ সফল কৰিবলৈ বৰাকসহ অসমবাসীক মুকলি আহ্বান আছু আৰু অসম খিলঞ্জীয়া সুৰক্ষা কমিটীৰ

404

ডিজিটেল সংবাদ, শিলচৰঃ কেন্দ্রীয় চৰকাৰে বলপূৰ্বক নাগৰিকত্ব সংশোধনী বিধেয়ক জাপি দিব বিচৰাৰ প্রতিবাদত মঙলবাৰে নেছ’ৱে আহ্বান দিয়া উত্তৰ পূব বন্ধৰ প্রতি পূৰ্ণ সমৰ্থন আগবঢ়াইছে অসম খিলঞ্জীয়া সুৰক্ষা কমিটী আৰু আছুৰ কাছাৰ জিলা কমিটীয়ে। দেওবাৰে দুয়োটা সংগঠনে শিলচৰত যুটীয়া ভাবে আয়োজিত এক সংবাদমেলত মঙলবাৰৰ বন্ধৰ প্রতি সম্পূৰ্ণ সমৰ্থন আগবঢ়োৱাৰ লগতে সৰ্বাত্মক ৰূপত বন্ধ পালন কৰিবলৈ সমগ্র বৰাকবাসীক আহ্বান জনাইছে।

খিলঞ্জীয়া বিৰোধী এই নাগৰিকত্ব সংশোধনী বিধেয়কৰ তীব্র বিৰোধিতা কৰি সংগঠন দুটাই মঙলবাৰে বন্ধ সফল কৰিবলৈ নিজেই পথত নামিব বুলিও সদৰি কৰে। আছুৰ কাছাৰ জিলা কমিটীৰ আহ্বায়ক আইনুল হক চৌধুৰীয়ে জাতিধংসী বিধেয়কৰ তীব্র বিৰোধিতা কৰি কয় যে, কেন্দ্রীয় চৰকাৰে বলপূৰ্বক ভাবে নাগৰিকত্ব সংশোধনী বিধেয়ক জাপি দিব বিচৰা কাৰ্য সম্পূৰ্ণ সংবিধান বিৰোধী। বাংলাদেশীক ৰঙা দলিছা পাৰি কেন্দ্র আৰু ৰাজ্যৰ বিজেপি চৰকাৰে অসমৰ খিলঞ্জীয়া লোকৰ অস্তিত্ব নিঃশেষ কৰিবলৈ তৎপৰ হোৱা কাৰ্য আছুৱে কেতিয়াও মানি নলয়। আছুৰ শেষ বিন্দু ৰক্ত থকালৈকে কোনো ক্ষেত্রতে এই বিধেয়ক মানি লোৱা নহয় বুলিও কেন্দ্রীয় চৰকাৰক সকীয়াই দিয়ে আইনুল হক চৌধুৰীয়ে।

একেই মন্তব্য অসম খিলঞ্জীয়া সুৰক্ষা কমিটীৰ নেতৃত্বৰো। কমিটীৰ সভাপতি সহদেৱ ৰাজবংশীয়ে এই বিধেয়কৰ বিৰোধিতা কৰি কয়, আৰম্ভণিৰে পৰা ৰাজ্যৰ ভূমিপুত্র সকলে এই জাতিধ্বংসী বিধেয়কৰ বিৰোধিতা কৰি আহিছে। ইয়াৰ পিচতো অসমবাসীক উপেক্ষা কৰি কেন্দ্রই এই বিধেয়ক জাপি দিব বিচাৰিছে।

কেন্দ্রৰ এই কাৰ্যৰ প্রতিবাদত মঙলবাৰে নেছ’ৱে আহ্বান দিয়া এঘাৰ ঘন্টীয়া উত্তৰ পূব বন্ধ সৰ্বাত্মক ভাবে সফল কৰিবলৈ তেওঁ বৰাক আৰু ব্রহ্মপুত্রবাসীক আহ্বান জনায়। অসম খিলঞ্জীয়া সুৰক্ষা কমিটীৰ সাধাৰণ সম্পাদক হেৰাজি সিংহই কয়, এই বন্ধ বৰাকৰ খিলঞ্জীয়া লোকৰ অস্তিত্বৰ যুঁজ। গতিকে মঙলবাৰৰ বন্ধ সফল কৰিবলৈ তেওঁ বৰাকৰ সকলো খিলঞ্জীয়া লোকক আহ্বান জনাইছে।

আপুনি পঢ়ি ভাল পাব পৰা বাতৰি