শেহতীয়া খবৰ
ৰাজ্যত আকৌ ২১৫জন কোভিড পজিটিভ, সুস্থ হৈছে ২৮৩২জন...  •  কোভিড-১৯ঃ ৰাজ্যত আকৌ দুজনৰ মৃত্যু...  •  বিহাৰ বিধানসভা নিৰ্বাচন...  •  ৩১ অক্টোবৰত চাব আকাশলৈ, দেখা পাব ‘ব্লু মুন’...  •  উত্তৰ প্ৰদেশৰ গো হত্যা আইনৰ অপব্যৱহাৰকলৈ উদ্বেগ প্ৰকাশ এলাহাবাদ উচ্চ ন্যায়ালয়ৰ...  •  হাথৰছ ধৰ্ষণ-হত্যাকাণ্ডঃ মঙলবাৰে উচ্চতম ন্যায়ালয়ে প্ৰদান কৰিব কিছু গুৰুত্বপূৰ্ণ ৰায়দান...  •  হাতে হাতে দা-তৰোৱাল, তিনিচুকীয়াত বজৰং দলৰ সশস্ত্ৰ বাইক ৰেলী...  •  নৱমী পূজাৰ নিশা বৰপেটাৰোডত সাংবাদিক আক্ৰমণৰ ঘটনা...  •  আইপিএলৰ পৰা বাহিৰ হ’ল চেন্নাই...  •  জম্মু-কাশ্মীৰৰ পিপলছ ডেম’ক্ৰেটিক পাৰ্টীৰ মুৰব্বী মেহবুবা মুফতীৰ মন্তব্যক লৈ সৰৱ তিনি নেতাৰ পদত্যাগ...

মহাৰাষ্ট্ৰত ৰাষ্ট্ৰপতি শাসনৰ অভিসন্ধি ৰচিছে বিজেপিয়েঃ সঞ্জয় ৰাউট

73

ডিজিটেল ডেস্কঃ ‘মহাৰাষ্ট্ৰত ৰাষ্ট্ৰপতি শাসনৰ অভিসন্ধি ৰচিছে বিজেপিয়ে।’ -এই মন্তব্য শিৱসেনাৰ নেতা সঞ্জয় ৰাউটৰ। মহাৰাষ্ট্ৰৰ ৰাজনৈতিক পৰিস্থিতি আৰু ৰাজ্যপালৰ দ্বাৰা শিৱসেনাক আমন্ত্ৰণ সন্দৰ্ভত মন্তব্য কৰি সোমবাৰে শিৱসেনাৰ নেতাগৰাকীয়ে কয় যে বিজেপিয়ে মহাৰাষ্ট্ৰত ৰাষ্ট্ৰপতি শাসনৰ চেষ্টা চলাইছে। সেইবাবে তেওঁলোকে চৰকাৰ গঠন কৰিবলৈ তৎপৰতা প্ৰদৰ্শন কৰা নাই।

বিজেপিক আক্ৰমণ কৰি সঞ্জয় ৰাৱটে কয় যে বিধানসভা নিৰ্বাচনৰ পূৰ্বে বিজেপিয়ে শিৱসেনাৰ সৈতে মুখ্যমন্ত্ৰীৰ আসন ৫০-৫০ত ভাগ কৰিবলৈ সহমত পোষণ কৰিছিল। কিন্তু নিৰ্বাচনত বিজেপিয়ে ১০৫ খন আসন লাভ কৰি এতিয়া অহংকাৰত মত্ত হৈ পৰিছে। তেওঁলোকে যিহেতু বহুমত লাভ কৰা নাই, সেয়ে চৰকাৰ গঠন কৰিব নোৱাৰে। কিন্তু লাগিলে বিজেপিয়ে এতিয়া বিৰোধীত বহিবলৈ সাজু, কিন্তু অইনক চৰকাৰ গঠন কৰিবলৈ নিদিয়ে। এয়া মহাৰাষ্ট্ৰবাসীৰ বাবে অপমানদায়ক।’

ইফালে মহাৰাষ্ট্ৰৰ ৰাজ্যপালে শিৱসেনাক আমন্ত্ৰণ জনোৱাটো ‘মহাৰাষ্ট্ৰত চৰকাৰ গঠনৰ বাবে গ্ৰহণ কৰা তৎপৰতাৰ ইংগিত’ নেকি বুলি সোধা এক প্ৰশ্নৰ উত্তৰ দি সঞ্জয় ৰাউটে কয়, ‘ৰাজ্যপালে আমাক অধিক সময় দিয়া উচিত আছিল। তেওঁ বিজেপিক ৭২ ঘণ্টা সময় দিছিল। কিন্তু বহুমত প্ৰমাণ কৰিবলৈ আমাক তাতকৈ কম সময় দিয়া হৈছে। এয়া বিজেপিৰে ষড়যন্ত্ৰ। বিজেপিয়ে নিবিচাৰে যে আমি ৰাজ্যত চৰকাৰ গঠন কৰো। বিজেপিয়ে ৰাজ্যখনত ৰাষ্ট্ৰপতি শাসন ব্যৱস্থা জাৰি কৰাৰ ৰণনীতিৰে এয়া কৰিছে।’

আপুনি পঢ়ি ভাল পাব পৰা বাতৰি