শেহতীয়া খবৰ
শুভবুদ্ধি উদয় হ'ল আৰক্ষীৰ! ভাইৰেল ভিডিঅ'ৰ বাবে থানাত হাজিৰ হ'ব নালাগে হিমাংশু...  •  শুভবুদ্ধি উদয় হ'ল আৰক্ষীৰ! ভাইৰেল ভিডিঅ'ৰ বাবে থানাত হাজিৰ হ'ব নালাগে হিমাংশু...  •  গণৰাজ্য ‌দিৱসৰ প্ৰাকক্ষণত চৰাইদেউত বিস্ফোৰণ...  •  মঙলবাৰে লক্ষ্ণৌলৈ যাব কেন্দ্ৰীয় গৃহমন্ত্ৰী অমিত শ্বাহ  •  গুজৰাটত বিধ্বংসী অগ্নিকাণ্ড  •  নাগৰিকত্ব সংশোধনী আইনে অসমৰ ভাষা, সংস্কৃতি বিপন্ন কৰিব, অসমত ২০২৬ বৰ্ষত হ’বলগীয়া নিৰ্বাচনত অসমীয়াই অস্তিত্ব হেৰুৱাবঃ অগপ বিধায়ক  •  বৰ্ণিল সাংস্কৃতিক বিনিময় অনুষ্ঠানেৰে সামৰণি পৰিল ভৈৰৱকুণ্ড পৰ্যটন মহোৎসৱ, অসমৰ চহকী কৃষ্টি-সংস্কৃতি দেখি আশ্চৰ্য প্ৰকাশ অষ্ট্ৰেলিয়াৰ পৰ্যটকৰ  •  নগাঁৱৰ জাৰামাৰীত বোৱাৰী হত্যাৰ অভিযোগ, আত্মহত্যাৰ ৰূপ দিয়াৰ চেষ্টা স্বামীৰ, আৰক্ষীৰ জালত স্বামী আনছাৰুল ইছলাম  •  বৰহোলাত জোতাৰ দোকানত পিষ্টলসহ গুলী উদ্ধাৰঃ দুজনক গ্ৰেপ্তাৰ  •  সিদ্ধাৰ্থ ভট্টাচাৰ্যই এডমিশ্বন নিদিলে হিমন্তক বিজেপিত এডমিশ্বনে নিদিয়ে, য’তেই পাৱাৰ থাকে তাতেই থাকে হিমন্তঃ তৰুণ গগৈ

নগাঁৱৰ বিজয় বিশ্বাসক কলকতাৰ “সুৰ নন্দন” বটাঁ প্ৰদান…

78

ডিজিটেল সংবাদ, চামগুৰিঃ নগাঁও জিলাৰ শিৱস্থান বৰবালীটুপ গাঁৱৰ ধৰনী বিশ্বাস আৰু শুবাশিনী বিশ্বাসৰ পুত্ৰ বিজয় বিশ্বাসে সংগীতৰ ক্ষেত্ৰখনত সুনাম কঢ়িয়াই আনিবলৈ সক্ষম হৈছে।নগাঁও জিলাৰ লগতে অসমৰ বিভিন্ন মঞ্চত সুধাকন্ঠ ড:ভূপেন হাজৰিকাৰ গীত পৰিবেশন কৰি সুনাম অৰ্জন কৰাৰ লগতে কলকতাৰ বহু কেইটা চেনেলত গীত পৰিবেশন কৰি কলকতা বাসীৰ মাজত জনপ্ৰিয়তা অৰ্জন কৰিবলৈ সক্ষম হৈছে।

সংগীতৰ ক্ষেত্ৰখনত নিজৰ পৰিচয় জিলিকাই তোলা এইগৰাকী শিল্পীক যোৱা ২৫ ডিচেম্বৰত কলকতাৰ আগশাৰীৰ প্ৰেক্ষাগৃহ জ্ঞান মঞ্চত অনুষ্ঠিত হোৱা সুৰ নন্দন ভাৰতীৰ ২৬ তম বাৰ্ষিক অধিবেশনত কলকতা বাসীৰ ফালৰ পৰা “সুৰ নন্দন” বটাঁৰে সন্মানিত কৰে।নগাঁও জিলাৰ উপায়ুক্ত কাৰ্যালয়ৰ এজন বিষয়া হিচাপে ব্যস্ত থকাৰ পিছতো আজৰি সময়ত সংগীত চৰ্চা কৰি এজন সংগীত শিল্পী হিছাপে পৰিচয় দিয়া বিজয় বিশ্বাসৰ এই সফলতাই নগাঁৱলৈ গৌৰৱ কঢ়িয়াই আনিছে।

বৰ্তমান নগাঁও চহৰৰ ইটাচালী তিলক ডেকা পথৰ বাসিন্দা বিজয় বিশ্বাসে কলকতা বাসীৰ পৰা লাভ কৰা এই সন্মানে তেওঁক উৎফুল্লিত কৰিছে বুলি মত প্ৰকাশ কৰাৰ লগতে নিজৰ স্ব ৰচিত গীত সমূহৰ উপৰিও ভূপেন্দ্ৰ সংগীতৰ চৰ্চা কৰি যাব বুলি জানিবলৈ দিছে।

আপুনি পঢ়ি ভাল পাব পৰা বাতৰি