শেহতীয়া খবৰ
গুৱাহাটীৰ ৰাজপথত জলন্ত ১০৮ এম্বুলেঞ্চ...  •  গুৱাহাটীৰ ৰাজপথত জলন্ত ১০৮ এম্বুলেঞ্চ...  •  ঢকুৱাখনা কলেজত পথ সুৰক্ষা সম্পৰ্কীয় সংহত শৈক্ষিক সজাগতা অভিযানৰ সভা, "বেমাৰতকৈও দুৰ্ঘটনাত মৃত্যুৰ হাৰ বাঢ়িছে"-জিলা পৰিবহন বিষয়া সীতাৰাম দলে  •  ধুবুৰীলৈ যোৱাৰ পথত নিৰুদ্দেশ ঢকুৱাখনাৰ এজন ব্যক্তি  •  হাজো মেলাৰ পৰা মহিমাৰীৰ আমজাদ আলী নিৰুদ্দেশ  •  কোনো কাৰণতে মানি নলয় 'কা', ধেমাজিত নিশাও শতাধিক আছু কৰ্মীয়ে অব্যাহত ৰাখিছে অনশন, VIDEO  •  ঢকুৱাখনাত ডঃ অমিয় কুমাৰ সন্দিকৈৰ প্ৰবন্ধ সংকলন "চিন্তা বিচিত্ৰা" উন্মোচন...  •  শিৱসাগৰৰ শিৱৰাত্রী, কেইবা লক্ষাধিক লোকৰ সমাৱেশ, VIDEO  •  বটদ্ৰৱাৰ সোণাইপাৰ গৌৰীনাথ শিৱমন্দিৰত কলা দৰ্শন সাংস্কৃতিক গোষ্ঠীৰ বৰ্ণিল সাংস্কৃতিক অনুষ্ঠান  •  কণমানিটোৰ হাতত কিয় গোলাপ গুজি দিলে মন্ত্ৰী প্ৰমিলা ৰাণী ব্ৰহ্মই...

ছলাপথাৰত শিহৰণকাৰী ঘটনা! পত্নীক কেৰাচিন ঢালি জীৱন্তে জ্বলাই হত্যা পাষণ্ড স্বামীৰ…

251

ডিজিটেল সংবাদ, বটদ্ৰৱাঃ এইখন অসমতেই পুনৰ সংঘটিত হৈছে গাৰ নোম শিয়ৰি উঠা আন এক জঘন্য ঘটনা। পবিত্ৰ ৰমজান মাহ চলি থকাৰ মাজতে এগৰাকী মহিলাৰ গাত কেৰাচিন তেল ঢালি জীৱন্তে জ্বলাই হত্যা কৰিলে পাষাণ স্বামীয়ে। ঘটনাক কেন্দ্র কৰি সৃষ্টি হৈছে তীব্ৰ চাঞ্চল্যৰ।

বুধবাৰে নিশা নগাঁও জিলাৰ বটদ্ৰৱা আৰক্ষী থানাৰ অন্তৰ্গত ৰামপুৰ ছলাপথাৰত সংঘটিত হয় এই ঘটনা।। অকালতে প্ৰাণ হেৰুৱাবলগীয়া হ’ল তিনি সন্তানৰ মাতৃ ফাৰহানা খাতুনে। নিজ স্বামী এইজন পাষণ্ড ইক্ৰামুল হুছেইনে জঘন্য কায়দাৰে হত্যা কৰিলে পত্নী ফাৰহানাক। পাৰিবাৰিক কন্দলৰ বাবেই পাষণ্ড ইক্ৰামুলে পত্নীক এনেধৰে হত্যা কৰাৰ গুৰুত্বৰ অভিযোগ উঠিছে।

বুধবাৰে নিশা ঘৰৰ ভিতৰতে পাষণ্ড স্বামীয়ে গাত কেৰাচিন তেল ঢালি জীৱন্তে জ্বলাই হত্যাৰ চেষ্টা চলোৱা সময়ত পত্নী ফাৰহানে চিঞৰ বাখৰ কৰাত ঘটনাস্থলীত উপস্থিত হয় স্থানীয় লোক। অগ্নিদগ্ধ অৱস্থাত একাংশই ফাৰহানাক চিকিৎসাৰ বাবে নগাঁৱলৈ লৈ যায় যদিও অৱস্থা সংকটজনক হোৱাত চিকিৎসকে গুৱাহাটীলে প্ৰেৰণ কৰে।

কিন্তু গুৱাহাটীলৈ নিয়াৰ সময়তেই আধা বাটতে মৃত্যু হয় ফাৰাহানৰ। ইতিমধ্যে হত্যাকাৰী স্বামী ইক্ৰামুলক গ্ৰেপ্তাৰ কৰি তদন্ত অব্যাহত ৰাখিছে বটদ্ৰৱা আৰক্ষীয়ে। আনহাতে বৃহস্পতিবাৰে ফাৰাহানাৰ মৃত্যুদেহ মৰণোত্তৰ পৰীক্ষাৰ বাবে নগাঁৱলৈ প্ৰেৰণ কৰিছে বটদ্ৰৱা আৰক্ষীয়ে। এই ক্ষেত্ৰত পাষণ্ড স্বামী ইক্ৰামুলৰ বিৰুদ্ধে কঠোৰ শাস্তিমূলক ব্যৱস্থা গ্ৰহণৰ বাবেও দাবী জনাইছে ফাৰাহানাৰ পৰিয়ালৰ লোকে।

আপুনি পঢ়ি ভাল পাব পৰা বাতৰি