শেহতীয়া খবৰ
ধেমাজি টাউন ব্ল’ক কংগ্ৰেছৰ উদ্যোগত "পৰিবেশ প্ৰভাৱ নিৰূপন খচৰা ২০২০"ৰ বিৰুদ্ধে সজাগতামূলক সভা-মানৱ শৃংখল কাৰ্যসূচী...  •  ধেমাজি প্ৰেছ ক্লাৱত বিধায়ক ৰনোজ পেগুৰ সংবাদমেল...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  ৰাজ্যত পুনৰ ২৯০০ জনৰ দেহত ধৰা পৰে কোভিড পজিটিভ, আক্ৰান্তৰ সংখ্যা ৬১,৭৩৭জনলৈ বৃদ্ধি...  •  প্ৰাক্তন ৰাষ্ট্ৰপতি প্ৰণৱ মুখাৰ্জীৰ মগজুৰ অস্ত্ৰোপচাৰ সম্পন্ন, ৰখা হৈছে ভেন্টিলেটৰ ছাপৰ্টত...  •  দূৰদৰ্শনত ‘শ্ৰীমন্ত শংকৰদেৱ’ ধাৰাবাহিকখনৰ সম্প্ৰচাৰ বন্ধৰ দাবী শ্ৰীমন্ত শংকৰদেৱ আন্তৰ্জাতিক মিছনৰ...  •  অসম সহ ৬ ৰাজ্যৰ বান পৰিস্থিতিৰ সন্দৰ্ভত মুখ্যমন্ত্ৰীৰে আলোচনা প্রধানমন্ত্ৰীৰ...  •  অসম সহ ৬ ৰাজ্যৰ বান পৰিস্থিতিৰ সন্দৰ্ভত মুখ্যমন্ত্ৰীৰে আলোচনা প্রধানমন্ত্ৰীৰ...  •  তেজপুৰ চিকিৎসা মহাবিদ্যালয় হাস্পতালত অঘটন! হঠাৎ ঢলি পৰি মৃত্যু কোৰোনা ৰোগীৰ...

বটদ্ৰৱা সমষ্টিৰ আইভেটি গাঁও পঞ্চায়তৰ আঞ্চলিক পঞ্চায়তৰ সভানেত্ৰী-স্বামীৰ নেতৃত্বত দুৰ্নীতি…

133

ডিজিটেল সংবাদ, বটদ্ৰৱাঃ কোৰোনাৰ আতংকৰ গইনা লৈ বটদ্ৰৱা সমষ্টিৰ পঞ্চায়ত সমূহত চলিছে অবাধ দুৰ্নীতি। এইবাৰ ঠিকাদাৰৰ ৰূপত জনপ্ৰতিনিধি। সমষ্টিটোৰ দলংঘাট আৰু বটদ্ৰবা উন্নয়ন খণ্ডত এমজিএনৰেগা আৰু ১৪ ফাইনেঞ্চ (MGNREGA & 14 FINANCE)ৰ আচঁনিৰ নামত চলিছে অবাধ লুণ্ঠন ৰাজ। শেহতীয়াকৈ পোহৰলৈ আহিছে দলংঘাট উন্নয়ন খণ্ডৰ আইভেটি গাঁও পঞ্চায়তত চলি থকা অবাধ দুৰ্নীতিৰ তথ্য ।

দলংঘাট আঞ্চলিক পঞ্চায়তৰ সভানেত্ৰী কল্পনা বৰাৰ স্বামী চিন্টু বৰা। চিন্টু বৰাই আইভেটি গাওঁ পঞ্চায়তৰ বিভিন্ন আঁচনিত দুৰ্নীতি সংঘটিত কৰাৰ অভিযোগ তুলিছে স্থানীয় ৰাইজে। ৰাইজৰ অভিযোগ মতে, পঞ্চায়তটোৰ বৰচিলা গড়কাপ্তানী পথৰ পৰা শিঙিয়া দলনী পথাৰলৈ যোৱা এমজিএনৰেগা আচঁনিৰ ৬,৪৭,৪৪৩ টকা কাম মাত্ৰ ৭ ট্ৰাক মাটি পেলাই আত্মসাৎ কৰিলে আবন্টিত ধনৰ ৫০ শতাংশ।

যাৰ বাবে জাঙুৰ খাই উঠিছে স্থানীয় ৰাইজ । ইয়াৰ পূৰ্বেও আইভেটি গাওঁ পঞ্চায়তৰ বহুকেইটা চৰকাৰী আচঁনিৰ ধন আত্মসাৎ কৰাৰো অভিযোগ আছে আঞ্চলিক পঞ্চায়তৰ সভানেত্ৰীৰ স্বামী চিন্টু বৰাৰ বিৰুদ্ধে। আচাৰ্যজনক ভাবে অঞ্চলটোৰ স্বয়ং বিজেপি দলৰে কৰ্মী সমৰ্থকে এই অভিযোগ তুলিছে একে দলৰ জন প্ৰতিনিধিৰ বিৰুদ্ধে। ৰাইজৰ দাবী বিধায়িকা আঙুৰলতা ডেকাই অতি শীঘ্ৰে তদন্তৰ ব্যৱস্থা কৰক দুৰ্নীতি পৰায়ণ পঞ্চায়ত প্ৰতিনিধি সকলৰ বিৰুদ্ধে। অন্যথা সময়ত উচিত প্ৰত্যুত্তৰ দিব ৰাইজৰ।

উল্লেখ্য যে, আইভেটি গাঁও পঞ্চায়ত মাথোন এটা উদাহৰণহে। সমষ্টিটোৰ দলংঘাট আৰু বটদ্ৰবা উন্নয়ন খণ্ডৰ অন্তৰ্গত অধিকাংশ পঞ্চায়ততে সংঘটিত হৈছে এনেধৰণৰ দুৰ্নীতি। বিধায়িকা আঙুৰলতা ডেকাই সমষ্টিটোৰ পঞ্চায়ত সমূহত সংঘটিত দুৰ্নীতিৰ বিৰুদ্ধে কি ব্যৱস্থা গ্ৰহণ কৰে সেয়া সময়ত লক্ষণীয় হ’ব।

আপুনি পঢ়ি ভাল পাব পৰা বাতৰি