ডিজিটেল সংবাদ, ঢকুৱাখনা: উত্তৰ অসমৰ ইতিহাস বিজড়িত বৈষ্ণৱ পীঠ ঢকুৱাখনাৰ শ্ৰী শ্ৰী বাসুদেৱ থান নৰোৱা সত্ৰ । দেশ বিদেশৰ অগণন ভক্ত বৈষ্ণৱৰ সেৱাৰ থলী স্বৰূপ এই পৌৰাণিক বৈষ্ণৱ পীঠত বুধবাৰে পৰম্পৰা ধৰ্মীয় ৰীতি নীতিৰে অনুষ্ঠিত কৰা হয় পাছতি উৎসৱ । শ্ৰী কৃষ্ণৰ জন্ম উৎসৱৰ সতে জড়িত এই ভাগি উৎসৱ বুধবাৰে সত্ৰ প্ৰাংগণত বিয়লি প্ৰায় ৩ বজাৰ পৰা আৰম্ভ হয়। অগণন ভক্ত প্ৰাণ মহিলা সমাজ , সত্ৰ পৰিয়ালৰ আইমাতৃ সকলৰ অংশ গ্ৰহনেৰে অনুষ্ঠিত এই উৎসৱৰ নান্দণিকতাই দিনে নিশাই মন্ত্ৰমুগ্ধ কৰি ৰাখে ভকত বৈষ্ণৱ সকলক ।
জগতগুৰু শ্ৰীমন্ত শংকৰদেৱ গুৰুজনাৰ অমূল্য সৃষ্টিৰাজিৰ প্ৰণালীবদ্ধ উপস্থাপনৰ সমান্তৰাল ভাৱে হৰি নামৰ অমিয়া সুৰে সত্ৰ প্ৰাঙ্গন মুখৰিত কৰি ৰাখে । গুৰু বাদ্য ,হৰি কীৰ্ত্তনৰ অমূল্য সুৰৰ ঝংকাৰে মৈত্যৰ বৈকুণ্ঠ পুৰীলৈ পৰিণত কৰি তোলে নিশাৰ পৰ্যন্ত । বিগত শতিকা জুৰি সত্ৰখনত পালিত এই ভাগি উৎসৱ বুধবাৰৰ নিশা পৰ্যন্ত অব্যাহত থাকে।
