শেহতীয়া খবৰ
অসমৰ বান সমস্যাক ৰাষ্ট্ৰীয় সমস্যা হিচাপে কেন্দ্ৰীয় চৰকাৰে গণ্য নকৰে কিয়? ক'লে ৰাজ্যসভাৰ সাংসদ বিশ্বজিৎ দৈমাৰীয়ে, VIDEO  •  কৰুণ ঘটনা! বজ্ৰপাতৰ ফলত নিহত ৮ শিশু, আহত ৯...  •  সাংসদ আজাম খানৰ বিৰুদ্ধে ৰুজু ২৩টাকৈ গোচৰ...  •  ১০ গঁড়কে ধৰি কাজিৰঙাত এতিয়ালৈকে বানত মৃত্যু হৈছে শতাধিক বন্যপ্ৰাণীৰ  •  এফ চি আইৰ টংলা খাদ্য ভাণ্ডাৰত ঠিকাদাৰ-শ্ৰমিকৰ মাজত সংঘাত, শ্ৰমিকৰ বিক্ষোভত কেইবা ঘন্টাও অচল কাম-কাজ...  •  গুৱাহাটীত ৰাজভৱনৰ বাহনৰ খুন্দাত আহত পথচাৰীৰ জি এম চি এইছত মৃত্যু...  •  বানত ককবকাইছে ৰাজ্যৰ বহু প্ৰান্তৰ হাজাৰ হাজাৰ লোকে, সাহাৰ্য সামগ্ৰী বিতৰণ সমাজকৰ্মী, বে-চৰকাৰী সংস্থাৰ  •  ভয়ংকৰ পৰিৱেশ! বানপানীৰ মাজতে কৰিলে বিদ্যুৎ সংযোগ, জুইত জাহ গ'ল এখন ঘৰ...  •  হাটশিঙিমাৰীৰ ভাৰত-বাংলাদেশ সীমান্তত অতিৰিক্ত আৰক্ষী সঞ্চালক প্ৰধান ভাস্কৰ জ্যোতি মহন্তঃ বানে ক্ষতি কৰা কাঁইটীয়া তাঁৰৰ বেৰ, বি এছ এফ কেম্প পৰিদৰ্শন  •  তেজৰ কৰ্কট ৰোগত আক্ৰান্ত ৰহাৰ এটি ৪ বছৰীয়া কণমানি, পৰিয়ালৰ সহায়ৰ আহ্বান, VIDEO

বান বিধ্বস্ত অঞ্চল পৰিদৰ্শন বৰপেটা জিলাৰ আৰক্ষী অধীক্ষকৰ…

56

ডিজিটেল সংবাদ, চেঙাঃ সম্প্ৰতি বৰপেটা জিলাত অধিক জটিল হৈ পৰিছে বান পৰিস্থিতি। জিলাখনৰ বেকী, কালদিয়া, পহুমাৰা, টিহু, শুক মানাহ, মানাহ, বুঢ়াদিয়াৰ লগতে ব্ৰহ্মপুত্ৰৰ পানী দ্ৰুত গতিত বাঢ়ি থকাত বিস্তীৰ্ণ অঞ্চল প্লাৱিত হৈ আছে।

বৰপেটা জিলাৰ সৰুক্ষেত্ৰী, বাঘবৰ, চেঙা, জনীয়া, সৰভোগ, পাটাচাৰকুছি আদি বিধানসভা সমষ্টিৰ অন্তৰ্গত বিভিন্ন ৰাজহ গাঁও বানপানীৰ কবলত পৰাত এতিয়া বন্যাক্ৰান্তৰ মাজত হাহাকাৰৰ সৃষ্টি হৈছে । বাসগৃহ, বাট-পথ, কৃষিপথাৰ সম্পূৰ্ণৰূপে জলমগ্ন হৈ পৰাত নাজল-নাথল অৱস্থা হৈছে সৰ্বসাধাৰণ ৰাইজৰ।

চৰকাৰে একাংশ স্থানত পশুৰ খাদ্য যোগান ধৰিছে যদিও সেয়া পৰ্যাপ্ত নহয় । গৰু-ম’হ, ছাগলী আদিৰ খাদ্যৰ অভাৱে আন এক সমস্যাৰ সৃষ্টি কৰিছে বন্যাক্ৰান্তক। শুকুৰবাৰে বৰপেটা জিলাৰ আৰক্ষী অধীক্ষক ডাঃ ৰবীন কুমাৰে বান পৰিস্থিতিৰ বুজ ল’বলৈ সৰুপেটা আৰক্ষী থানাৰ অন্তৰ্গত বিভিন্ন ঠাইত উপস্থিত হয়।

সৰুপেটা আৰক্ষী থানাৰ অন্তৰ্গত চাউলাবড়ী, বন্তি, দলুপথাৰ, বৰবিভা, হাঠিনাপুৰ, কৰ্দৈগুৰি আদি বিভিন্ন বান বিধ্বস্ত অঞ্চল পৰিদৰ্শন কৰে আৰক্ষী অধীক্ষকগৰাকীয়ে। বান বিধ্বস্ত অঞ্চল পৰিদৰ্শনকালত স্থানীয় লোকৰ স’তে মত-বিনিময় কৰি আৰক্ষী অধীক্ষক ডাঃ ৰবীন কুমাৰে যিকোনো সমস্যা সমাধানৰ বাবে আৰক্ষীয়ে দিনে-নিশাই কাম কৰি আছে বুলি ৰাইজক আশ্বস্ত কৰে।

কিবা সমস্যা হ’লে ততালিকে আৰক্ষীৰ স’তে যোগাযোগ কৰিবলৈও ৰাইজলৈ আহ্বান জনায় আৰক্ষী অধীক্ষকগৰাকীয়ে। বান বিধ্বস্ত অঞ্চল পৰিদৰ্শন কালত আৰক্ষী অধীক্ষকগাৰকীক সংগ দিয়ে বজালী মহকুমা আৰক্ষী বিষয়া আৰু সৰুপেটা আৰক্ষী থানাৰ ভাৰপ্ৰাপ্ত আৰক্ষী বিষয়াই । জিলাখনৰ কেইবাখনো নদীৰ মথাউৰি নিৰ্মাণ নকৰাৰ ফলত বান পৰিস্থিতি অধিক অৱনতি ঘটা বুলি অভিযোগ উত্থাপন হৈছে ।

আপুনি পঢ়ি ভাল পাব পৰা বাতৰি