নিৰ্বাচন সম্পৰ্কে বাক্সা জিলা উপায়ুক্তৰ সংবাদমেল…

নিৰ্বাচন সম্পৰ্কে বাক্সা জিলা উপায়ুক্তৰ সংবাদমেল…

ডিজিটেল সংবাদ, বাক্সা: বাক্সাৰ তিনিটা বিধানসভা সমষ্টিত তৃতীয় পৰ্যায়ত অনুষ্ঠিত হ'বলগীয়া নিৰ্বাচনক লৈ বাক্সা জিলা উপায়ুক্তৰ সংবাদমেল৷ বাক্সা জিলাৰ অন্তৰ্গত তিনিটা বিধানসভা সমষ্টি ক্ৰমে বৰমা, তামুলপুৰ আৰু ছাপাগুৰি বিধানসভা সমষ্টিত ৫,৩৬,৯৯৫ জন ভোটাৰে ভোটদান কৰিব৷ জিলা উপায়ুক্ত ৰঞ্জন শৰ্মাই জানিবলৈ দিয়া মতে তামুলপুৰত ২,১০,৩৭৯ জন, বৰমাত ১৬৫৮৪৮ জন আৰু ছাপাগুৰিত ১৫৭৩৬৮ জন ভোটাৰে ৭৮৮টা ভোটকেন্দ্ৰত ভোটদান কৰিব৷

ইয়াৰ বাবে বিধানসভা সমষ্টি তিনিটা ১৯ টা জ'ন আৰু ৭৬ টা চেক্টৰত বিভক্ত কৰা হৈছে বুলি জানিব দি উপায়ুক্ত ৰঞ্জন শৰ্মাই ৩৭৮২ জন পোলিং বিষয়া নিয়োগ কৰিব বুলি কয় ৷ তেওঁ কয় যে- সমষ্টি তিনিটাত ২৫টা মহিলা ভোট কেন্দ্ৰ স্থাপন কৰাৰ বিপৰীতে দুটাকৈ আদৰ্শ ভোটকেন্দ্ৰ স্থাপন কৰিব। সেইদৰে কোভিড-১৯ৰ প্ৰতি লক্ষ্য ৰাখি মাক্স, সামাজিক দূৰত্ব মানি চলাৰ ক্ষেত্ৰত বিশেষ গুৰুত্ব দিব বুলি উপায়ুক্ত গৰাকীয়ে সংবাদমেলত প্ৰকাশ কৰে ৷ আনহাতে ৰাজনৈতিক দলৰ প্ৰাৰ্থীয়ে মনোনয়ন দিয়াৰ সময়ত মাত্ৰ দুজন লোককহে লগত লৈহে প্ৰৱেশ কৰিব পাৰিব বুলি জানিব দিয়ে। উল্লেখ্য যে, এইবাৰ জিলাখনৰ তিনিটা সমষ্টিতে ৯২৭৪ জন নতুন ভোটাৰ বৃদ্ধি পাইছে।

Related Stories

No stories found.
Code:
logo
Asomiya Pratidin
www.asomiyapratidin.in