শেহতীয়া খবৰ
ঢকুৱাখনাৰ লেচেৰা পথাৰত নৌ দুৰ্ঘটনা, কথমপি প্ৰাণ ৰক্ষা ৬ শিক্ষাৰ্থীৰ...  •  'গাধৰ দৰে কাম কৰিছে APCC য়ে'- সভাপতিৰ ঘোষণাৰ পিছতে বিস্ফোৰণ প্ৰাক্তন মন্ত্ৰী নীলমণিৰ  •  পুত্ৰৰ প্ৰহাৰত প্ৰাণ গ'ল ৯০ বছৰীয়া পিতৃৰ...  •  ধুবুৰী ছোৱালী মহাবিদ্যালয়ৰ অধ্যাপক গোপাল চন্দ্র মালাকাৰক গ্রেপ্তাৰ...  •  সময়মতে মথাউৰি নিৰ্মাণ নকৰাৰ বাবেই ভয়াৱহ ৰূপ ধাৰণ কৰিছে বান পানীয়ে- ৰিপুন বৰা...  •  প্ৰাক্তন মন্ত্ৰী নীলমণি সেন ডেকাক বহিষ্কাৰ...  •  নাহৰলগুণ কৃষ্টি কেন্দ্রৰ বিহু সন্মিলনঃ য়েছে দৰজে ঠংচি, ভুৱন শইকীয়া, মকবুল হুছেইনক সম্বর্ধনা….  •  নাহৰলগুণ কৃষ্টি কেন্দ্রৰ বিহু সন্মিলনঃ য়েছে দৰজে ঠংচি, ভুৱন শইকীয়া, মকবুল হুছেইনক সম্বর্ধনা….  •  ৰাষ্ট্ৰীয় কাৰাটে প্ৰতিযোগিতাত উজ্বলিল কলিয়াবৰৰ খেলুৱৈ...  •  ৰাষ্ট্ৰীয় কাৰাটে প্ৰতিযোগিতাত উজ্বলিল কলিয়াবৰৰ খেলুৱৈ...

কৃতী শিক্ষয়িত্ৰী সাহিত্যিক পেঞ্চনাৰ ললিতা দেৱীলৈ “গজেন্দ্ৰ নাথ চহৰীয়া ন্যাস বঁটা”

ডিজিটেল সংবাদ,মঙলদৈঃ কেইবা বছৰো ধৰি দৰং জিলা সাহিত্য সভাই কৃতী শিক্ষক, সাহিত্যিক পেঞ্চনাৰ প্ৰয়াত গজেন্দ্ৰ নাথ চহৰীয়াৰ সোঁৱৰণত সদৌ অসম ভিত্তিত “গজেন্দ্ৰ নাথ চহৰীয়া শিশু সাহিত্য বঁটা” প্ৰদান কৰি আহিছে। ২০২০-২২ বৰ্ষৰ বাবে এই বঁটা কৃতী শিক্ষয়িত্ৰী, সাহিত্যিক পেঞ্চনাৰ ললিতা দেৱীক প্ৰদান কৰে । দৰং জিলা সাহিত্য সভাৰ উদ্যোগত আৰু জিলা সাহিত্য সভাৰ শৈলেন ৰাজবংশী আৰু সম্পাদক গৌতমানন্দ গোস্বামীৰ তৎপৰতাত এই বঁটা প্ৰদান অনুষ্ঠানটি ১৩ মাৰ্চ, ২০২১ তাৰিখে দৰং জিলা সাহিত্য সভা ভৱনত অনুষ্ঠিত হয়।

অনুষ্ঠানত ললিতা দেৱীয়ে সভাৰ উদ্যোগত প্ৰচলন কৰিবলৈ লোৱা সদৌ অসম ভিত্তিত “কুসুম বালা দেৱী জীৱন যোৰা সাধনা সাহিত্য বঁটা” (মহিলা সাহিত্যিকলৈ) প্ৰদান কৰে। এই বঁটা ২০১৮-২০ বৰ্ষৰ বাবে ড০ অঞ্জলি শৰ্মা আৰু ২০২০-২২ বৰ্ষৰ বাবে ড০ স্বাধীনতা মহন্তই লাভ কৰে। সভাত দেৱীয়ে সম্পাদনা কৰা শিশু আলোচনী ‘অঙ্কুৰণ’ উন্মোচন কৰে দৰং জিলা সাহিত্য সভাৰ প্ৰাক্তন সভাপতি, সমাজ সেৱক, সাহিত্যিক ড০ অমৰেন্দ্ৰ নাৰায়ণ দেৱে। উক্ত গাম্ভীৰ্যপূৰ্ণ অনুষ্ঠানটিত অসম সাহিত্য সভাৰ ‘ৰামধেনু’ উপ-সমিতিৰ উপ-সভাপতি কৰুণা কান্ত শৰ্মা, জিলা সাহিত্য সভাৰ উপ-সভাপতি বৰদা শইকীয়াৰ লগতে জিলা সাহিত্য সভাৰ অৰ্ধ শতাধিক বিষয়ববীয়া উপস্থিত থাকে।