ডিজিটেল সংবাদ, গুৱাহাটীঃ লকডাউনৰ প্ৰতি লক্ষ্য ৰাখি কোনো লোকে যাতে অসুবিধাৰ সন্মুখীন নহয় তাৰ ব্যৱস্থা কৰিছে প্ৰশাসনে। কামৰূপ মহানগৰ জিলাত লকডাউনৰ সময়ত এএছটিচি বাছ সেৱা সমূহ চহৰৰ বিভিন্ন পিক আপ্ পইন্টৰ পৰা বিমানবন্দৰ তথা ৰে'ল ষ্টেচনলৈ যাত্ৰা কৰিব। নিম্নলিখিত আৰক্ষী থানা আৰু আৰক্ষী চকীবোৰ পিক আপ্ পইন্ট হিচাপে চিহ্নিত কৰা হৈছে।
এই বাছসমূহ ওপৰত উল্লেখিত স্হানৰ পৰা ৰাতিপুৱা ৫ বজাত, ৭ বজাত, ৯ বজাত, ১১ বজাত, ১ বজাত, ৩ বজাত, ৫ বজাত আৰু সন্ধিয়া ৭ বজালৈ চলাচল কৰিব। গুৱাহাটীৰ যিকোনো বাসিন্দাই যদি আকাশমাৰ্গেৰে তথা ৰে'ল সেৱাৰে যাত্ৰা কৰিব বিচাৰে তেন্তে বিমানবন্দৰলৈ আৰু ৰে'ল ষ্টেচনলৈ যাবৰ বাবে পঞ্জীয়ন কৰিব পাৰিব http://assamtransportrelief.in/ ত।
নিম্নলিখিত হোৱাটচ্আপ (Whatsapp) নম্বৰৰ জৰিয়তেও কোনো লোকে পঞ্জীয়ন তথা যোগাযোগ কৰিব পাৰিব।
এই হেল্পলাইন সেৱাসমূহ দিনৰ ১০ বজাৰ পৰা নিশা ১০ বজালৈ মুকলি থাকিব। কোনো লোকে পঞ্জীয়ন কৰিব বিচাৰিলে যিকোনো যাত্ৰাৰ ২৪ ঘন্টা আগতীয়াকৈ কৰাটো অনিবার্য লগতে সম্পূর্ণ তথ্য তথা যেনে যাত্ৰীগৰাকীৰ সম্পূর্ণ নাম, মোবাইল নম্বৰ, পিক আপ পইন্টৰ নাম, ফ্লাইট/ৰে'ল নম্বৰ, ফ্লাইট আৰু ৰে'লৰ এৰা সময় আৰু তাৰিখ, পিএনআৰ কোড নম্বৰ যোগান ধৰিব লাগিব। যাত্ৰীসকলে এএছটিচিৰ বাছৰ সেৱা গ্ৰহণৰ আগমূহুৰ্তত ৰে'ল আৰু ফ্লাইটৰ টিকত দেখুৱাব লাগিব।
যিসকল বাসিন্দাই ব্যক্তিগত আৰু ভাড়াতীয়া গাড়ী বিমানবন্দৰ আৰু ৰে'ল ষ্টেচনলৈ পিকআপ্ আৰু ড্ৰপৰ বাবে ব্যবহাৰ কৰিব বিচাৰে তেওঁলোকে পঞ্জীয়ন কৰিব নালাগে। কিন্তু, গাড়ীৰ ড্ৰাইভাৰে পিক আপ্ বা ড্ৰপ কৰোতে লগত যাত্রীৰ ফ্লাইট বা ৰে'লৰ টিকট ৰাখিব লাগিব।