জাতিধংসী নাগৰিকত্ব সংশোধনী বিধেয়কক লৈ ওৰাঙত আৱতৰীয়া দেৱালী

ডিজিটেল সংবাদ, ওৰাংঃ ওৰাং আৰু চিৰাজুলিত নাগৰিকত্ব সংশোধনী বিধেয়কক লৈ আৱতৰীয়া দেৱালী দেখা গ'ল বুধবাৰে সন্ধিয়া৷ বুধবাৰে ৰাজ্য সভাত নাগৰিকত্ব সংশোধনী বিধেয়কখন উত্থাপন নোহোৱাত ওৰাঙত বিভিন্ন দল সংগঠনক উৎফুল্লিত দেখা গৈছে৷

চিৰাজুলিত আছু আৰু ওৰাঙত অসম যুৱ ছাত্ৰ পৰিষদে ঢোলে দগৰে ১৫ নং ৰাষ্ট্ৰীয় ঘাই পথত দুচকীয়া আৰু চাৰিচকীয়া বাহনেৰে শোভাযাত্ৰা বাহিৰ কৰে৷ আছু আৰু জাতীয়তাবাদী যুৱ ছাত্ৰ পৰিষদৰ সদস্য সকলে ফটকা আটচবাজীৰে সমগ্ৰ ওৰাং আৰু চিৰাজুলি উত্তাল কৰি তুলে৷