ডিজিটেল সংবাদ,মঙলদৈঃ দেশত এতিয়া কোৰোনা আতংক আৰু এই ভাইৰাছৰ পৰা পৰিত্ৰাণ পাবলৈ মানৱ শৃংখল ব্যাহত কৰিব লৈ দেশৰ জনসাধাৰণক লক ডাউন মানি , সামাজিক দূৰত্ব বজাই ৰাখিবলৈ লগতে পৰিস্কাৰ পৰিচ্ছন্নতাৰ ওপৰত গুৰুত্ব আৰোপ কৰিবলৈ দেশৰ প্ৰধান মন্ত্ৰীৰ আহ্বান জনাইছে।
এইলক ডাউনৰ মাজতে যোৱা শনিবাৰে দৰঙৰ হাজৰিকা পাৰাত অনুস্থিত হল এখন বিবাহ । প্ৰধান মন্ত্ৰীৰ লকডাউন নীতি নিয়মৰ মাজত থাকি সামাজিক দূৰত্ব বজাই ৰাখি কোনো জাক-জমকতা নোহোৱাকৈ আনকি ৰভা, বেণ্ডপাৰ্টী নোহোৱাকৈ হৈ যায় এই বিবাহ । নামমাত্ৰ নীতি নিয়ম তথা পৰম্পৰা ৰক্ষাৰ মাজৰে অনুষ্ঠিত হয় বিবাহ কাৰ্য ।
উত্তৰ গুৱাহাটীৰ প্ৰফুল্ল বৰুৱা আৰু দৰঙৰ হাজৰিকা পাৰাৰ গিতাঞ্জলি (মিনতি) ডেকাৰ বিবাহৰ দিন দুয়ো ঘৰৰ আলোচনা আৰু বৈদিক নীতি নিয়ম মতে লকডাউনৰ বহুদিন পূৰ্বে ১৫ এপ্ৰিলত ঠিক হৈছিল । কিন্তু লক ডাউনৰ বাবে পৰিয়াল দুটাই বিবাহ নিৰ্দিষ্ট দিনত অনুষ্ঠিত কৰিব নোৱাৰিলে ।
সেয়ে উপায়ন্তৰহৈ দুই পৰিয়ালে মিলি মাত্ৰ পৰম্পৰা ৰক্ষা কৰি অনুস্থপিয়াকৈ শনিবাৰে বিবাহ কাৰ্য সম্পাদন কৰে । বিয়াৰ বাবে উত্তৰ গুৱাহাটীৰ পৰা ৰাতিপুৱা দুখন গাড়ীত দৰা সহ চাৰি গৰাকী লোক আহে ।
কইনাৰ ঘৰৰ পৰিয়াল আৰু পুৰোহিতৰ উপস্হিতিত কইনাৰ নিজ বাসগৃহত বিবাহ কাৰ্য সমাপন হয় । এনেদৰে ৰভা, বেণ্ডপাৰ্টি, মানুহৰ সমাগমৰ বিপৰীতে দিনতে এনেদৰে বিয়া পতাটো এটা নতুন অভিজ্ঞতা বুলি বিবাহ কাৰ্য পৰিচলনা কৰা পুৰোহিতে মন্তব্য কৰে ।
