শেহতীয়া খবৰ
মহানগৰীৰ লতাশিল আৰক্ষীৰ জালত ৩ মহিলা ড্ৰাগছ সৰবৰাহকাৰী  •  অৱশেষত আত্মসমৰ্পণ কৰিলে দীৰ্ঘদিনে পলাই ফুৰা এচিএছ বিষয়া নবাৰুন ভট্টাচাৰ্যই  •  বঙাইগাঁৱত খেদি খেদি দাৰে কাটি হত্যা এজনক  •  তৃতীয়খন টেষ্ট মেচত অষ্ট্ৰেলিয়াৰ বিৰুদ্ধে ইংলেণ্ডৰ জয়  •  নলবাৰীত ৰমেশ চন্দ্ৰ শৰ্মাৰ স্মৃতিচাৰণ-গ্ৰন্থ উন্মোচনী সভা  •  অন্যায়ৰ বিৰুদ্ধে প্ৰতিবাদ কৰি নহয়! ধনদাবী কৰি ৰঙাঘৰত সোমাল জাতীয় সংগঠনৰ নেতা  •  সৰুপথাৰত প্ৰাণতোষ দাস সোঁৱৰণী বক্তৃতা প্ৰতিযোগিতা সম্পন্ন  •  মা, এয়া তোমাৰ জন্মদিনৰ উপহাৰ...  •  অভয়াপুৰীৰ কাকৈজানাত পথ দুৰ্ঘটনাত নিহত শিক্ষক  •  আগন্তুক বিটিএডি নিৰ্বাচনত শক্তিশালীভাৱে অৱতীৰ্ণ হ'ব বিজেপিঃ ওদালগুৰিত বিজেপিৰ ৰাজ্যিক সম্পাদক কিশোৰ উপাধ্যায়

আন্ত:ৰাষ্ট্ৰীয় পৰ্যায়ত সোণৰ পদকেৰে উজ্বলিল অসম আৰক্ষীৰ থুনলাই নাৰ্জাৰী…

195

ডিজিটেল সংবাদ, কোকৰাঝাৰঃ আন্ত:ৰাষ্ট্ৰীয় পৰ্যায়ত পুনৰ সোণৰ পদকেৰে উজ্বলিল কোকৰাঝাৰ জিলাৰ দোতমাৰ ঘিলাগুৰীৰ তথা অসম আৰক্ষীৰ দশম বেটেলিয়নত কৰ্মৰত থুনলাই নাৰ্জাৰী। যোৱা ৮ আগষ্টৰ পৰা ১৮ আগষ্টলৈ চীনৰ চেনডুগুত অনুষ্ঠিত হৈ থকা আন্ত:ৰাষ্ট্ৰীয় আৰক্ষী প্ৰতিযোগিতাত ভাৰতৰ নেতৃত্ব বহন কৰি মঙলবাৰে শ্বটফুটত সোণৰ পদক লাভ কৰে থুনলাই নাৰ্জাৰীয়ে।

থুনলাই নাৰ্জাৰীয়ে সোণৰ পদক লাভ কৰাত গৃহ জিলা কোকৰাঝাৰত আনন্দৰ বন্যা বৈছে আৰু কোকৰাঝাৰৰ আৰক্ষী অধীক্ষক ৰাজেন সিঙে থুনলাই নাৰ্জাৰীক অভিনন্দন জ্ঞাপন কৰি এয়া অসম আৰক্ষীৰ বাবে গৌৰৱৰ বিষয় বুলি মন্তব্য কৰে ।

থুনলাই নাৰ্জাৰী নৱ প্ৰজন্মৰ বাবে অনুপ্ৰেৰণা আৰু থুনলাই নাৰ্জাৰীক অনুসৰণ কৰি ভৱিষ্যতে অসম আৰক্ষীয়ে আন্তঃৰাষ্ট্ৰীয় পৰ্যায়ত অধিক সোণৰ পদক আজুৰি আনিব বুলি আশা প্ৰকাশ কৰে ৰাজেন সিঙে।


উল্লেখ্য যে, ইয়াৰ পূৰ্বে কাজাকাস্থান আৰু কাৰ্গিস্থানে যুটীয়াভাৱে আয়োজন কৰা ২২ তম আন্ত:ৰাষ্ট্ৰীয় টাটয়ানা কালপাকোভা প্ৰতিযোগিতাতো থুনলাই নাৰ্জাৰীয়ে অংশগ্ৰহণ কৰি শ্ব’টফুটত সোণৰ পদক লাভ কৰি ৰাজ্যলৈ গৌৰৱ কঢ়িয়াই আনিবলৈ সক্ষম হৈছিল ।

আপুনি পঢ়ি ভাল পাব পৰা বাতৰি