শেহতীয়া খবৰ
কোৰোনাত আক্ৰান্ত হৈ কি ক'লে ভাস্কৰজ্যোতি মহন্তই...  •  ট্ৰাম্প সংবাদ মেলত ব্যস্ত থকাৰ সময়তেই আমেৰিকাৰ হোৱাইট হাউচত গুলীবৰ্ষণ...  •  ধেমাজি টাউন ব্ল’ক কংগ্ৰেছৰ উদ্যোগত "পৰিবেশ প্ৰভাৱ নিৰূপন খচৰা ২০২০"ৰ বিৰুদ্ধে সজাগতামূলক সভা-মানৱ শৃংখল কাৰ্যসূচী...  •  ধেমাজি প্ৰেছ ক্লাৱত বিধায়ক ৰনোজ পেগুৰ সংবাদমেল...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  ৰাজ্যত পুনৰ ২৯০০ জনৰ দেহত ধৰা পৰে কোভিড পজিটিভ, আক্ৰান্তৰ সংখ্যা ৬১,৭৩৭জনলৈ বৃদ্ধি...  •  প্ৰাক্তন ৰাষ্ট্ৰপতি প্ৰণৱ মুখাৰ্জীৰ মগজুৰ অস্ত্ৰোপচাৰ সম্পন্ন, ৰখা হৈছে ভেন্টিলেটৰ ছাপৰ্টত...  •  দূৰদৰ্শনত ‘শ্ৰীমন্ত শংকৰদেৱ’ ধাৰাবাহিকখনৰ সম্প্ৰচাৰ বন্ধৰ দাবী শ্ৰীমন্ত শংকৰদেৱ আন্তৰ্জাতিক মিছনৰ...  •  অসম সহ ৬ ৰাজ্যৰ বান পৰিস্থিতিৰ সন্দৰ্ভত মুখ্যমন্ত্ৰীৰে আলোচনা প্রধানমন্ত্ৰীৰ...

ৰাজ্যত চৌদিশে বান! পানীৰ তলত ২১ খন জিলা, ৬ জনৰ মৃত্যু এতিয়ালৈকে…

170

ডিজেটেল ডেস্কঃ অসমত সৃষ্টি হোৱা প্ৰলয়ংকাৰী বানত এতিয়ালৈকে ৬ জন লোকৰ মৃত্যু ঘটা বুলি জানিব পৰা গৈছে। ৰাজ্যখনৰ উজনি আৰু নামনিৰ প্ৰায় আটাইকেইখন জিলাই কম বেছি পৰিমাণে বানৰ কবলত পৰাত মুঠ ৮ লাখতকৈও অধিক লোকৰ মাজত সৃষ্টি হৈছে হাহাকাৰ পৰিস্থিতিৰ। ইফালে সংহাৰী বানৰ কবলত পৰি ক্ষতিগ্ৰস্থ হৈছে ৰাজ্যখনৰ ২৭ হাজাৰ হেক্টৰতকৈও অধিক কৃষিভূমি।

উল্লেখ্য যে, নেৰানেপেৰা বৰষুণৰ ফলত নৈৰ জলপৃষ্ঠ বৃদ্ধি হৈ ৰাজখ্যনৰ মুঠ ২৭ খন জিলাৰ ২১ খনেই বানৰ কবলত পৰিছে। যাৰ ফলত জিলা কেইখনৰ ৮ লক্ষাধিক লোকৰ ঘৰ-বাৰী, খেতিপথাৰ প্লাৱিত হৈছে। ইফালে প্ৰলয়ংকাৰী বানৰ ফলত ৰাজ্যখনৰ কেইবাটাও অঞ্চলৰ যাতায়ত ব্যৱস্থা ব্যাহত হৈ পৰাৰ উপৰিও গৃহহাৰা হৈছে কেইবাশ পৰিয়াল।

ধেমাজি আৰু বৰপেটা জিলাতেই বানে অধিক ভয়ংকৰ ৰূপ লোৱা পৰিলক্ষিত হৈছে। জিলা দুখনৰ বিস্তৃত অঞ্চল বানৰ কবলত পৰাত সাহায্যৰ বাবে যৎপৰোনাস্তি চেষ্টা অব্যাহত ৰাখিছে প্ৰশাসনে। প্ৰশাসনে ঠায়ে ঠায়ে সাহায্য কেম্প তৈয়াৰ কৰি বান আক্ৰান্ত লোকসকলৰ আশ্ৰয়ৰ ব্যৱস্থা কৰিছে। চৰকাৰী তথ্য অনুসৰি শুকুৰবাৰে ৰাজ্য চৰকাৰে ৭ হাজাৰ বান আক্ৰান্ত লোকক ৬৮টা সাহায্য কেম্পলৈ প্ৰেৰণ কৰিছে।

ইফালে, কাজিৰঙা ৰাষ্ট্ৰীয় উদ্যানতো সৃষ্টি হোৱা বানৰ ফলত উদ্যানখনৰ জীৱ-জন্তুক নিৰাপদ স্থানত আশ্ৰয়ৰ প্ৰদানৰ বাবে প্ৰয়াস চলাইছে প্ৰশাসনে। ৰাজ্যখনৰ এনে পৰিস্থিতিৰ প্ৰতি লক্ষ্য ৰাখি মুখ্যমন্ত্ৰী সৰ্বানন্দ সোণোৱালে শুকুৰবাৰে বান আক্ৰান্ত জিলা সমূহৰ উপায়ুক্তৰ সৈতে ভিডিঅ’ কনফাৰেন্সৰ সহায়ত বাৰ্তালাপ কৰি পৰিস্থিতিৰ বুজ লয়।

আনহাতে এনে পৰিস্থিতিত যিকোনো ইমাৰ্জেন্সি কলৰ তাৎক্ষণিক উত্তৰ দিয়াৰ লগতে বান প্ৰভাৱিত অঞ্চলসমূহত সাহায্য ব্যৱস্থা অব্যাহত ৰাখিবলৈ জিলা উপায়ুক্তক নিৰ্দেশ দিয়ে মুখ্যমন্ত্ৰীগৰাকীয়ে।

আপুনি পঢ়ি ভাল পাব পৰা বাতৰি