শেহতীয়া খবৰ
CPI(M)ৰ প্ৰতিবাদঃ ধনশিৰি মহকুমাধিপতিৰ যোগদি মুখ্যমন্ত্ৰীলৈ ৯ দফীয়া স্মাৰক পত্ৰ প্ৰেৰণ...  •  নিখিল বড়ো ছাত্ৰ সন্থাৰ উদ্যোগত UPSC,APSC, IFS ৰ সন্দৰ্ভত কৰ্মশালা...  •  উচ্চতৰ মাধ্যমিকত নগাঁৱত তিনিটা শাখাত উত্তীৰ্ণৰ হাৰ গড়ে ৮৮.১১শতাংশ...  •  গহপুৰ শংকৰদেৱ শিক্ষা নিকেটনৰ সাফল্যঃ প্ৰথমটো বেটছৰ ১০০ শতাংশই উত্তীৰ্ণ, ৩৯ গৰাকীয়ে পালে ষ্টাৰ নম্বৰ...  •  গহপুৰ শংকৰদেৱ শিক্ষা নিকেটনৰ সাফল্যঃ প্ৰথমটো বেটছৰ ১০০ শতাংশই উত্তীৰ্ণ, ৩৯ গৰাকীয়ে পালে ষ্টাৰ নম্বৰ...  •  মৰিগাঁৱত কৰুণ ঘটনাঃ বাঢ়নী পানীত পৰি মৃত্যু শিশু, কিশোৰৰ...  •  ৩.৫ কোটিৰে BVFCL  চিকিৎসালয় নৱীকৰণৰ কাম আৰম্ভঃ মাইক্ৰপেথ লেবৰেটৰী আৰু  আলট্ৰাছাউণ্ড মেছিন ৰাইজৰ সেৱাত মুকলি...  •  বটদ্ৰৱা কাণ্ডৰে জড়িত আশ্বিকুলৰ ফলাফলে কন্দুৱাইছে পৰিয়ালক...  •  জামুগুৰিত ৰৈ থকা ট্ৰাকত বাইকৰ খুন্দাঃ থিতাতে নিহত ২ জন...  •  জাগুন ঘাটত দলং নিৰ্মাণৰ দাবীত উত্তাল প্ৰতিবাদ...

৫৪ টা বসন্ত অতিক্ৰম কৰিলে অসম কৃষি বিশ্ববিদ্যালয়ে…

ডিজিটেল সংবাদ যোৰহাটঃ ‘বহনক্ষম কৃষি উৎপাদন বৃদ্ধিৰ বাবে উচ্চ কৃষি শিক্ষাৰ জ্ঞান অতি গুৰুত্বপূৰ্ণ । এই জ্ঞানে গৱেষণা সামৰ্থতাৰ বিকাশ তথা চলিত প্ৰযুক্তি আৰু নতুন কাৰ্যকুশলতা বৃদ্ধিত সহায় কৰিব পাৰে । কৃষি উদ্যোগ অতি সংবেদনশীল আৰু প্ৰযুক্তিগতভাবে উচ্চ আৰু জটিল । সেয়ে এই দিশত সামৰ্থতা থকা ব্যক্তিৰ অতি প্ৰয়োজন ।’

অসম কৃষি বিশ্ববিদ্যালয়ৰ ৫৪ সংখ্যক প্ৰতিষ্ঠা দিৱসত বক্তৃতা আগবঢ়াই এই মত ব্যক্ত কৰে ভাৰতীয় কৃষি গৱেষণা পৰিষদৰ উপ সঞ্চালক প্ৰধান (কৃষি শিক্ষা) ড° আৰ চি আগৰৱালে । ‘পৰিবৰ্তিত পৰিস্থিতিত কৃষি শিক্ষাৰ প্ৰাসংগিকতা ‘ শীৰ্ষক এই বক্তৃতাত তেখেতে লগতে কয় যে দেশৰ কৃষি গৱেষণা আৰু উন্নয়নত বৰ্ধিত কৰ্মকুশলতা আৰু মানৰ সম্পদৰ সামৰ্থতা বৃদ্ধি কৰাটো প্ৰধানিক দায়িত্ব । যথোচিত শিক্ষাৰ জৰিয়তে অধিক যোগ্য ,জ্ঞান পিপাসু, বহুল আৰু বহনক্ষম কৰি তুলি নতুন আৰু অধিক শক্তিশালী প্ৰত্যাহ্বান মোকাবিলা কৰি অসাধাৰণ সম্ভাৱনাসমূহৰ সমাধানসূত্ৰ উলিওৱাৰ দিশত ভূমিকা গ্ৰহণ কৰিব লাগিব ।

লগতে তেওঁ কয় যে, সমগ্ৰ ভূমিখণ্ডৰ পৰিসৰত অহা কেইটামান বছৰত কৃষিক্ষেত্ৰত লেখত লবলগীয়া পৰিবৰ্তন হব । সেয়ে এই ক্ষেত্ৰই শিক্ষিত পেচাদাৰী যথোচিত ভাবে যোগান ধৰি ভৱিষ্যতৰ খাদ্য সুৰক্ষাৰ দিশত যত্নবান হব লাগে ।

অসম কৃষি বিশ্ববিদ্যালয়ৰ উপাচাৰ্য ড° বিদ্যুত চন্দন ডেকাৰ পৌৰহিত্যত অনুষ্ঠিত বক্তৃতানুষ্ঠানটোত দেশৰ প্ৰসিদ্ধ কৃষি বিজ্ঞানীগৰাকীয়ে লগতে কয় যে, সামৰ্থবৃদ্ধি আৰু সীমাৰেখা উন্নয়নৰ জৰিয়তে দেশৰ ভৱিষ্যতৰ মানৱ সম্পদ গঢ় দি কৃষি যোগান শৃংখলদাল সমৃদ্ধ কৰি ভৱিষ্যতৰ কৃষিৰ প্ৰত্যাহ্বান সমুহ মোকাবিলা কৰিবলৈ ভাৰতীয় কৃষি গৱেষণা পৰিষদে পদক্ষেপ গ্ৰহণ কৰিছে । কৃষি শিক্ষা আৰু গৱেষণাৰ জৰিয়তে বৰ্ধিত কৃষি উৎপাদন , অৰ্থনৈতিক প্ৰভাব আদিৰ দিশবোৰ বিবেচনা কৰি কৃষি আৰু কৃষক কল্যাণ বিভাগ, গ্ৰাম্য উন্নয়ন, খাদ্য সংসাধন উদ্যোগ আদি ক্ষেত্ৰলৈও অৰিহণা যোগাইছে । সেই দিশেৰে কৃষি বিশ্ববিদ্যালয় সমুহেও সম্পদ আহৰণ কৰি নিজকে স্বনিৰ্ভৰ কৰি তুলিবলৈ আচনি যুগুত কৰাৰ প্ৰয়োজনীয়তা আহি পৰিছে ।

আদৰণি ভাষণত উপাচাৰ্য ড° বিদ্যুত চন্দন ডেকা ই কয় যে ৫৪ বছৰ পূৰ্বে আশাৰ সপোনেৰে আৰম্ভ হোৱা আমাৰ বিশ্ববিদ্যালয়খনে এই সুদীৰ্ঘ পৰিক্ৰমাত বহু উল্লেখনীয় সফলতা লাভ কৰিছে ।আমাৰ বিজ্ঞানী গৱেষকৰ আশাসুধীয়া প্ৰচেষ্টাৰ বাবে খাদ্যশস্যৰ উৎপাদন বৃদ্ধিত বহু সফল হব পৰা গৈছে ।ৰাজ্যৰ সমগ্ৰ কৃষিভূমিৰ প্ৰায় ৬২ শতাংশ ভূমি আমাৰ উদ্ভাৱিত বীজেৰে পৰিপূৰ্ণ হৈ আছে । ১•৫ লাখ হেক্টৰ ভূমি আমাৰ উদ্ভাৱিত ৰঞ্জিত ধানেৰে ভৰি আছে । একেদৰেই আমাৰ প্ৰযুক্তিৰে ৰবি শস্যৰ দিশটো গুৰুত্বপূৰ্ণ অগ্ৰগতি লাভ কৰিব পৰা গৈছে । আমাৰ কঠোৰ কৰ্মসূচীৰ বাবেই আমি সফলতা লাভ কৰিবলৈ সক্ষম হৈছো। আমি এই অংশৰ শক্তিশালী বিশ্ববিদ্যালয় হিচাপে স্বীকৃতি লাভ কৰিছো আৰু কৃষি শিক্ষা,গৱেষণা আৰু সম্প্ৰসাৰণৰ দিশত আমাৰ নিত্যনতুন প্ৰয়াস অব্যাহত থাকিব ।

ক্লিক কৰি পঢ়কঃ সংস্থাপনহীন,দৰিদ্ৰ জনতাৰ কিদৰে চলিব জীৱন? ১-২ নহয় সকলো সামগ্ৰীৰে বৃদ্ধি পালে মূল্য….

সহকাৰী অধ্যাপিকা ড° প্ৰিয়দৰ্শিনী ভৰালীয়ে আত ধৰা অনুষ্ঠানটোত গ্ৰেভেঞ্চ ৰিড্ৰেচেল চিষ্টেম, উইড ৰিপজেটৰী আৰু ই লাৰ্ণিঙ ভিডিঅ শীৰ্ষক তিনিটা অনলাইন চিষ্টেম উন্মোচন কৰা হয় । ইয়াৰ পূৰ্বে ৫৪ সংখ্যক প্ৰতিষ্ঠা দিৱস উপলক্ষে আজি পুৱা উপাচাৰ্য ড° বিদ্যুত চন্দন ডেকাই পতাকা উত্তোলন কৰি
স্মৃতি তৰ্পন কাৰ্যসূচী আৰম্ভ কৰে । বিশ্ববিদ্যালয়ৰ পঞ্জীয়ক তপন গোহাইয়ে পৰিচালনা কৰা কৰা এক অনুষ্ঠানত উপাচাৰ্যই বাৰেৰহনীয়া সাংস্কৃতিক শোভাযাত্ৰাৰ ফ্লেগ অফ কৰে ।

শোভাযাত্ৰাটোত অসমৰ বিভিন্ন জাতি জনগোষ্ঠী , সাংস্কৃতিক কাৰ্যক্ৰম , দেশপ্ৰেমমুলক তথা কৃষিভিত্তিক বিভিন্ন বিভিন্ন উপস্থাপাপিত হয় । এই শোভাযাত্ৰাত বিশ্ববিদ্যালয়ৰ হোষ্টেলৰ সহস্ৰাধিক শিক্ষাৰ্থী তথা গৱেষকে অংশগ্ৰহণ কৰে । সন্ধিয়া বিশ্ববিদ্যালয়ৰ মুল ভৱনসমুহ আলোকিতকৰণ কৰাৰ পাছতে বিশ্ববিদ্যালয়ৰ প্ৰেক্ষাগৃহত সাংস্কৃতিক অনুষ্ঠানেৰে কাৰ্যসূচী সমাপ্ত হয়।