শেহতীয়া খবৰ
তেজপুৰত মনোনয়ন দিবলৈ গ’ল হিমন্ত বিশ্ব! তাৰপাছত কি ক’লে...  •  লোকসভা নিৰ্বাচন কোন সমষ্টিৰ পৰা খেলিব মোহময়ী অভিনেত্ৰী উৰ্মিলাই...  •  তেজপুৰ লোকসভা সমষ্টিৰ প্ৰাৰ্থী পল্লৱ লোচন দাসে দাখিল কৰিলে মনোনয়ন  •  প্ৰতিষ্ঠাপক অধ্যক্ষ নৰেশ গোৱেলে এৰিব জেট এয়াৰৱেইজ...  •  মনোনয়ন পত্ৰ দাখিল মঙ্গলদৈ লোকসভা সমষ্টিৰ বিজেপি প্ৰাৰ্থী দিলীপ শইকীয়াৰ  •  এক নম্বৰী বিজেপিৰ স্থান নাই বিজেপিতঃ তৰুণ গগৈ  •  মঙলদৈ সমষ্টিৰ কংগ্ৰেছ প্ৰাৰ্থী ভূৱনেশ্বৰ কলিতাৰ মনোনয়ন দাখিল  •  লখিমপুৰ লোকসভা সমষ্টিৰ প্ৰাৰ্থী প্ৰদান বৰুৱাই দাখিল কৰিলে মনোনয়ন  •  মুখ্যমন্ত্ৰীক লগত লৈ যোৰহাটত মনোনয়ন তপন গগৈৰ  •  যোৰহাটৰ উপায়ুক্তৰ কাৰ্যালয়ত মুখ্যমন্ত্ৰীৰ আগমনৰ পূৰ্বে মন্টু দত্তৰ অৰ্ধ উলংগ প্ৰতিবাদ...

নাগৰিকত্ব বিধেয়ক, ৬টা জনগোষ্ঠীৰ জনজাতিকৰণ সন্দৰ্ভত অসম সাহিত্য সভাৰ বৈঠক…

425

ডিজিটেল ডেস্কঃ অসম সাহিত্য সভাই মঙলবাৰে প্ৰেৰণ কৰে এক প্ৰেছ বিবৃতি। কেন্দ্ৰই আইনত পৰিণত কৰিবলৈ ওলোৱা নাগৰিকত্ব সংশোধনী বিধেয়ক, ৬টা জনগোষ্ঠীৰ জনজাতিকৰণ , অসমীয়া ভাষা আৰু অসমৰ খিলঞ্জীয়া ভাষাৰ সংকট সন্দৰ্ভত আলোচনা কৰিবলৈ অসমৰ খিলঞ্জীয়া জনজাতীয় সাহিত্য সভাসমূহৰ সৈতে এখন গুৰুত্বপূৰ্ণ সভাৰ বিষয়ে অৱগত কৰিবলৈ প্ৰেৰণ কৰে এই বিবৃতিখন।

অহা ১২ জানুৱাৰী, ২০১৯ তাৰিখৰ পুৱা ১১ বজাত অসম সাহিত্য সভাৰ ভগৱতী প্ৰসাদ বৰুৱা ভৱনত অনুষ্ঠিত হ’ব এই বৈঠক। ভাৰতীয় সাৰ্বভৌমত্বৰ মূলাধাৰ হৈছে ধৰ্ম নিৰপক্ষে গণতন্ত্ৰ। এই মহান গণতন্ত্ৰক গেৰুৱাকৰণেৰে ধৰ্মতন্ত্ৰ কৰা কাৰ্য নিতান্তই দুৰ্ভাগ্যজনক বুলিও উল্লেখ কৰা হয় এই বিবৃতিখনত। ইয়াৰোপৰি অসম সাহিত্য সভাই এই বিধেয়ক আইন কৰিলে কোনো পধ্যেই মানি নলয় বুলিও উল্লেখ কৰে।

ইফালে, উক্ত সভাত কৰ্ণধাৰ সমিতিৰ সকলো সদস্য আৰু তিনিওগৰাকী মুখপাত্ৰক উপস্থিত থাকিবলৈ অনুৰোধ জনায়। সভাত গ্ৰহণ কৰা সিদ্ধান্তসমূহ ৰূপায়ণৰ বাবে অন্যান্য জীতীয় সংগঠনসমূহৰ সৈতেও মত-বিনিময় কৰা হ’ব আৰু ঐক্যবদ্ধভাৱে বিহিত ব্যৱস্থা গ্ৰহণ কৰা হ’ব বুলিও এই বিবৃতিযোকে প্ৰকাশ কৰে সভাপতি ড০ পৰমানন্দ ৰাজবংশী আৰু সম্পাদক পদুম ৰাজখোৱাই।

উল্লেখ্য যে, অসম সাহিত্য সভাই এই বিষয়ত ৭ জানুৱাৰীৰ বিয়লি সদৌ অসম ছাত্ৰ সন্থা আৰু অন্যান্য জাতীয় সংগঠনৰ সৈতে মত-বিনিময় কৰিছিল। আৰু এই আলোচনাত আছুৰ সৈতে সভাৰ বিষয়ববীয়াসকল মিলিত হৈছিল।

আপুনি পঢ়ি ভাল পাব পৰা বাতৰি