শেহতীয়া খবৰ
গোলাঘাটত আৰক্ষীৰ জালত নিচাযুক্ত সামগ্ৰী সৰবৰাহকাৰী  •  শ্ৰমিকৰ পি এফক লৈ বঞ্চনা, গ্ৰেপ্তাৰ কাছাৰৰ চাহ বাগিচাৰ সহকাৰী প্ৰবন্ধক  •  'পাকিস্তান মূৰ্দাবাদ' শ্ল'গান দিয়ক আৰু ৰেহাই মূল্যত খাওক মাংসৰ পকোৰা...  •  গোলাঘাটত ব্ৰাউন ছুগাৰসহ এজনক আটক  •  'বিজেপি চৰকাৰৰ সুশাসন দেখি বিৰোধী দলবোৰ ঈৰ্ষাত জ্বলি-পুৰি মৰিছে'  •  জামুগুৰিহাটত পত্নীক হত্যা কৰি ঘৰৰ চৌহদত পুতি থোৱা স্বামীক মৰিয়াই মৰিয়াই হত্যা...  •  আইৰ মুখৰ ভাষা  •  ‘প্ৰথম প্ৰধানমন্ত্ৰী চৰ্দাৰ পেটেল হোৱা হ’লে দেশত কাশ্মীৰকলৈ সমস্যা নাথাকিল হেঁতেন’  •  ভাল খবৰ! ৰে’লৱে বিভাগত ওলাইছে চাকৰি, সবিশেষ...  •  কোকৰাঝাৰত বিপিএফৰ সভা, আগন্তুক লোকসভা নিৰ্বাচনৰ ৰণকৌশলৰ সন্দৰ্ভত আলোচনা...

ছাইবেৰিয়াৰ পাছত অৰুণাচলত স্ন’ টাইগাৰ

বৰফৰ সাগৰত গুৰুগম্ভীৰ খোজেৰে ঢেকীয়াপটীয়া

1,837

ডিজিটেল সংবাদ, ইটানগৰঃ পৃথিবীৰ ভিতৰত একমাত্ৰ ৰাছিয়াৰ ছাইবেৰিয়া অঞ্চলতহে বৰফৰ মাজত সাগৰপৃষ্ঠৰ পৰা প্ৰায় ৪ কিলোমিটাৰ উচ্চতাত বাঘ পোৱা যায় বুলি পৰিগণিত হৈছিল৷ কিন্তু বিশ্বৰ এই বিৰল পৰিঘটনাৰ মাজত নতুনকৈ সংযোজিত হৈছে অৰুণাচল প্ৰদেশৰ নাম৷ বৰফৰ মাজত বনৰজাৰ উপস্থিতি ধৰা পৰিছে অৰুণাচল প্ৰদেশৰ ডিবাং ভেলীত৷

বৰফৰ মাজত বাঘৰ বিচৰণভূমি হিচাপে বিশ্বৰ দ্বিতীয়খন ঠাই হ’ব এই ডিবাং সংৰক্ষিত বনাঞ্চল৷ ৪,১৪৯ বৰ্গ কিলোমিটাৰ অঞ্চল সাঙুৰি ১৯৮৯ চনত গঠন কৰা হৈছিল ডিবাং ভেলী বন্যপ্ৰাণী অভয়াৰণ্য৷ জিলাখনৰ প্ৰায় ৫০ শতাংশ অঞ্চল সাঙুৰি গঠন কৰা ডিবাং সংৰক্ষিত বনাঞ্চলৰ চীন সীমান্তৱৰ্তী অঞ্চলত বাঘৰ উপস্থিতি ধৰা পৰিছিল ২০১২ চনত৷ তাৰ পাছৰে পৰা ৱাইল্ড লাইফ ইনষ্টিটিউট অৱ ইণ্ডিয়াই অৰুণাচল প্ৰদেশ বন বিভাগৰ সহযোগত বাঘৰ বিচৰণভূমি আৰু সংখ্যা নিৰূপনৰ বাবে এক আঁচনি গ্ৰহণ কৰিছে৷

 

সেই আচনি অনুসৰি ডিবাং ভেলীত কেমেৰা ট্ৰেপিং কৰা হয় আৰু তাত চাৰিটা সৰু বাঘৰ পোৱালী, দুটা প্ৰাপ্ত বয়স্ক আৰু দুটা মধ্য বয়সীয়া বাঘৰ অস্তিত্ব সন্দৰ্ভত নিশ্চিত তথ্য লাভ কৰে ৷ সেই সংস্থাটোৱে পুনৰ প্ৰায় ৩০০ বৰ্গ কিলোমিটাৰ এলেকাত কেমেৰা ট্ৰেপিঙৰ ব্যৱস্থা কৰে৷ শেহতীয়াকৈ সেই কেমেৰা ট্ৰেপিঙত দহটাৰো অধিক ঢেকীয়াপটীয়া বাঘৰ উপস্থিতি কেমেৰাত ধৰা পৰিছে৷ সমুদ্ৰ পৃষ্ঠৰ পৰা ৩৬০০ মিটাৰ উচ্চতাত বৰফৰ মাজত বাঘৰ বিচৰণ সংস্থাটোৱে স্থাপন কৰা কেমেৰাত ধৰা পৰিছে৷

চাইবেৰিয়াৰ পাছত বৰফৰ মাজত অৰুণাচল প্ৰদেশত এনেদৰে ইমান উচ্চতাত বাঘৰ অস্তিত্ব পোৱা গৈছে৷ প্ৰতিকুল পৰিবেশ আৰু ইমান উচ্চতাত পোৱা এই বাঘকেইটা ৰয়েল বেংগল টাইগাৰ প্ৰজাতিৰে হয়৷ কিন্তু বাঘ কেইটা সুন্দৰবনত পোৱা বাঘতকৈ আকাৰত কিছু ডাঙৰ বুলি অৰুণাচল প্ৰদেশৰ প্ৰধাম মুখ্য বন সংৰক্ষক ৰবিন্দ্ৰ কুমাৰে জানিবলৈ দিছে৷

ডিবাঙত এনেদৰে বৰফৰ মাজত বাঘৰ উপস্থিতি ধৰা পৰাৰ পাছত বাঘ কেইটাৰ সুৰক্ষাৰ বাবেও বিশেষ সতৰ্কতা অবলম্বন কৰিছে অৰুণাচল প্ৰদেশৰ বন্যপ্ৰাণী বিভাগে ৷ বন্যপ্ৰাণী বিভাগৰ মুখ্য বন সংৰক্ষক প্ৰভাত ত্যাগীয়ে এইকথা প্ৰকাশ কৰি কয় যে- ডিবাং ভেলী বনাঞ্চল দেশৰ ভিতৰতে বাঘ আৰু অন্যান্য বিৰল প্ৰজাতিৰ বন্যপ্ৰাণী সংৰক্ষণৰ বাবে এক অন্যতম অঞ্চললৈ পৰিণত হ’ব৷

আপুনি পঢ়ি ভাল পাব পৰা বাতৰি