Asomiya Pratidin
১৯৬৯ চনৰ ২০ জুলাইত প্ৰথমবাৰৰ বাবে চন্দ্ৰৰ বুকুত খোজ পেলাইছিল মহাকাশচাৰী নীল আৰ্মষ্ট্ৰঙে এপ'লো-১১ অভিযানৰ জৰিয়তে । সেই যুগান্তকাৰী পদক্ষেপৰ সৈতেই মানৱ জাতিয়ে সূচনা কৰিলে এক নতুন যুগৰ ।
১৯৭২ চনৰ ডিছেম্বৰ মাহৰ ৭ তাৰিখে পুনৰ এবাৰ চন্দ্ৰ অভিমুখী যাত্ৰা কৰিছিল নাছাই । এই যাত্ৰাই আছিল মানৱ জাতিৰ চন্দ্ৰলৈ অন্তিম যাত্ৰা ।
প্ৰায় ৫০ বছৰ পাছত পুনৰ আৰ্টেমিছ-২ অভিযানৰ জৰিয়তে পুনৰ চন্দ্ৰলৈ যোৱাৰ পৰিকল্পনা ৰচিছে মানৱ জাতিয়ে । ৪ গৰাকীকৈ মহাকাশচাৰীক লৈ ২০২৪ বৰ্ষৰ নৱেম্বৰ মাহত উৰা মাৰিব আৰ্টেমিছ-২ ।
৪৭ বছৰীয়া এইগৰাকী আমেৰিকান মহাকাশচাৰী আৰ্টেমিছ-২ অভিযানৰ কমাণ্ডাৰ ৰূপে যাব । ইয়াৰ পূৰ্বে ইন্টাৰনেছনেল স্পেছ ষ্টেছনত অভিযন্তা ৰূপে কৰ্মৰত আছিল ৰেইড ৱাইজমেন ।
চন্দ্ৰৰ বুকুলৈ ইতিহাস সৃষ্টি কৰি প্ৰথমবাৰৰ বাবে এগৰাকী কৃষ্ণাংগ ব্যক্তি মহাকাশচাৰী ৰূপে যাব আৰ্টেমিছ-২ ৰ জৰিয়তে । ভিক্টৰ গ্ল'ভাৰ হৈছে এই অভিযানৰ পাইলট । বৰ্ণ বৈষম্যই আৱৰি পেলোৱা পৃথিৱীত এক নতুন পৃষ্ঠা ৰচনা কৰিলে ভিক্টৰে ।
ভিক্টৰ গ্ল'ভাৰৰ দৰেই আন এক ইতিহাস ৰচিলে ক্ৰিষ্টিনা হেমক কোচেও । চন্দ্ৰলৈ যাব লগীয়া প্ৰথমগৰাকী মহিলা মহাকাশচাৰী ৰূপে পৰিচিত হ'ল ক্ৰিষ্টিনা । এই অভিযানত মিছন স্পেছিয়েলিষ্ট অথবা অভিযান বিশেষজ্ঞৰূপে দেখা যাব মহাকাশচাৰীগৰাকীক ।
জেৰেমী হাঞ্চেন হৈছে চন্দ্ৰলৈ যাব লগীয়া প্ৰথমগৰাকী কানাডিয়ান নাগৰিকত্বৰ মহাকাশচাৰী । জেৰেমীও ক্ৰিষ্টিনাৰ দৰেই অভিযান বিশেষজ্ঞ অথবা মিছন স্পেছিয়েলিষ্ট ৰূপে যাব আৰ্টেমিছ-২ ত ।