শেহতীয়া খবৰ
ডিফু সমষ্টিৰ কংগ্ৰেছৰ প্ৰাৰ্থী বীৰেণছিং ইংতিৰ মনোনয়ন দাখিল...  •  তেজপুৰত মনোনয়ন দিবলৈ গ’ল হিমন্ত বিশ্ব! তাৰপাছত কি ক’লে...  •  নাতিসহ প্ৰাক্তন কেন্দ্ৰীয় মন্ত্ৰীৰ পুনৰ কংগ্ৰেছত যোগদান...  •  মোডীৰ ১৫ লাখ টকীয়া নহয়, এইবাৰ ৰাহুলৰ ৭২ হাজাৰ টকীয়া প্ৰতিশ্ৰুতিঃ কংগ্ৰেছ শাসনলৈ আহিলেই ৰূপায়ন হ'ব নুন্যতম আয় গেৰেন্টী যোজনা  •  লোকসভা নিৰ্বাচন কোন সমষ্টিৰ পৰা খেলিব মোহময়ী অভিনেত্ৰী উৰ্মিলাই...  •  তেজপুৰ লোকসভা সমষ্টিৰ প্ৰাৰ্থী পল্লৱ লোচন দাসে দাখিল কৰিলে মনোনয়ন  •  প্ৰতিষ্ঠাপক অধ্যক্ষ নৰেশ গোৱেলে এৰিব জেট এয়াৰৱেইজ...  •  মনোনয়ন পত্ৰ দাখিল মঙ্গলদৈ লোকসভা সমষ্টিৰ বিজেপি প্ৰাৰ্থী দিলীপ শইকীয়াৰ  •  এক নম্বৰী বিজেপিৰ স্থান নাই বিজেপিতঃ তৰুণ গগৈ  •  মঙলদৈ সমষ্টিৰ কংগ্ৰেছ প্ৰাৰ্থী ভূৱনেশ্বৰ কলিতাৰ মনোনয়ন দাখিল

আমেৰিকাৰ বিমান বন্দৰত যুৱতীক তালাচীৰ নামত কাপোৰ খুলি নিৰ্যাতন

1,288

ডিজিটেল ডেস্কঃ প্ৰতিদিনে সমগ্ৰ বিশ্বৰ অসংখ্য মহিলা-যুৱতীয়ে নিজৰ কৰ্মক্ষেত্ৰত, গাড়ীত, বাট-পথত নিৰ্যাতনৰ বলি হৈ আহিছে। কিন্তু এগৰাকী যুৱতী কেৱল মুছলমান সম্প্ৰদায়ৰ হোৱাৰ বাবেই তালাচীৰ নামত বিমান বন্দৰত নিৰ্যাতন চলোৱাৰ ঘটনাই বিশ্বজুৰি চাঞ্চল্যৰ সৃষ্টি কৰিছে। এই ঘটনা সংঘটিত হৈছে আমেৰিকা যুক্তৰাষ্ট্ৰৰ এটা বিমান বন্দৰত।

এটা আন্তঃৰাষ্ট্ৰীয় সংবাদ মাধ্যমত সোমবাৰে এই কথা প্ৰকাশ কৰে জেইনাৰ নামৰ নিৰ্যাতিতা যুৱতীগৰাকীয়ে। আমেৰিকাৰ নাগৰিক  জেইনাৰে অভিযোগ কৰা মতে, ৱাছিংটনৰ পৰা হাৱাৰ্ডলৈ যোৱাৰ সময়তে বিমান বন্দৰত তেওঁক নিৰ্যাতন চলায়। বিমান বন্দৰৰ নিৰপত্তাৰক্ষীয়ে তালাচী চলোৱাৰ লগতে তেওঁক পৰিধান কৰি থকা সকলো বস্ত্ৰ খুলিবলৈ নিৰ্দেশ দিয়ে।

আনহাতে, যুৱতীগৰাকীয়ে তেওঁলোকৰ নিৰ্দেশ মানিবলৈ অমান্য হোৱাত তেওঁক সন্ত্ৰাসবাদী সজাই গুলিয়াই হত্যা কৰাৰো ভাবুকি দিছিল বুলি অভিযোগ কৰে নিৰ্যাতিতা যুৱতী গৰাকীয়ে।

“মই যেতিয়া বিমান বন্দৰত উপস্থিত হওঁ, তেতিয়া সকলোকে সাধাৰণভাবে তালাচী চলোৱা হৈছে। কিন্তু মোক তালাচী চলাই তেওঁলোকে মোৰ শৰীৰত হাত দিয়ে। মই তেওঁলোকৰ আচৰণ বুজিব পাৰি বাধা দিবলৈ চেষ্টা কৰাত মোক দেহৰ সমস্ত কাপোৰ খুলিবলৈ নিৰ্দেশ দিয়ে। অন্যথা মোক সন্ত্রাসবাদী সজাই বিমান বন্দৰতে গুলিয়াই মৰাৰো ভাবুকি দিয়ে। মই এগৰাকী মুছলিম সম্প্ৰদায়ৰ যুৱতী হোৱাৰ বাবেই মোৰ সৈতে এনে আচৰণ কৰে।”- এই মন্তব্য জেইনাৰৰ।

উল্লেখ্য যে, ইয়াৰ পূৰ্বেও আমেৰিকাৰ মুছলিম সম্প্ৰদায়ৰ যুৱক-যুৱতীৰ ওপৰত ৰাষ্ট্ৰখনৰ আৰক্ষী, প্ৰশাসনে বিভিন্ন প্ৰকাৰে নিৰ্যাতন চলোৱাৰ অভিযোগ উত্থাপন হৈছে। চলিত বৰ্ষৰ ছেপ্টেম্বৰ মাহত এজন আমেৰিকান মুছলিম যুৱকক সন্ত্ৰাসবাদীৰ সন্দেহত আমেৰিকাৰ সেনাই যুৱকজনক বাসগৃহতে তেওঁক গুলিয়াই হত্যা কৰিছিল। কিন্তু পিছত যুৱকজন কোনো সন্ত্ৰাসবাদী কাৰ্যকলাপৰ সৈতে জড়িত নহয় বুলি প্ৰকাশ পায়।

আপুনি পঢ়ি ভাল পাব পৰা বাতৰি