শেহতীয়া খবৰ
ভূমি বিবাদক কেন্দ্ৰ কৰি ৯ জনক গুলীয়াই হত্যা  •  অসমৰ বান পৰিস্থিতি বুজ ল’লে বলিউড তাৰকা অক্ষয় কুমাৰে, আগবঢ়ালে ২ কোটিৰ সাহায্য...  •  জম্মু-কাশ্মীৰত সেনা-সন্ত্ৰাসবাদীৰ মাজত সংঘৰ্ষ, নিহত ১ সন্ত্ৰাসবাদী...  •  ওৰাঙত বনৰীয়া মহৰ সন্ত্ৰাস...  •  নাজিৰাৰ হাতীপটীত ২ টা মৃত নাহৰফুটুকী উদ্ধাৰ...  •  হৰিশিঙাত নদীত উটি যোৱা ২ ছাত্ৰৰ ১ জনৰ মৃতদেহ উদ্ধাৰ...VIDEO  •  বানৰ তাণ্ডৱ! খহি পৰিল ৩ মহলাৰ বাসগৃহ... VIDEO  •  ইটানগৰত ভূমিস্খলনঃ গুৰুতৰভাৱে আহত দুজন, উদ্ধাৰকাৰী দলৰ উদ্ধাৰ অভিযান অব্যাহত... VIDEO  •  বানত বিধ্বস্ত অসমলৈ কেন্দ্ৰৰ ইমানেই মৰম! দুৰ্যোগৰ বাবে আৱন্টিত ধনো কৰ্তনহে কৰে দিল্লীয়ে...  •  পুলৱামা,উৰি আৰু মুম্বাই আক্ৰমণৰ মাষ্টাৰ মাইণ্ড হাফিজ ছৈয়দক গ্ৰেপ্তাৰ...

আশাহত অখিল! বিৰোধী শক্তিয়ে ভেটিব নোৱাৰে বিধেয়ক

বিৰোধী দলৰ একাংশ সাংসদৰ স্থিতিক লৈ সন্দেহ প্ৰকাশ

3,945

ডিজিটেল ডেস্কঃ মঙলবাৰে ৰাজ্যসভাত উত্থাপন হ’ব জাতিধ্বংসী নাগৰিকত্ব সংশোধনী বিধেয়ক। অন্তিম ক্ষণটো নাগৰিকত্ব সংশোধনী বিধেয়কৰ বিৰুদ্ধে দিল্লীত বিৰোধী ৰাজনৈতিক নেতাক সাক্ষাতেৰে বিধেয়কৰ বিৰুদ্ধে মত গ্ৰহণৰ বাবে আপ্ৰান চেষ্টা চলাইছে কৃষক নেতা অখিল গগৈ, যুৱ ছাত্ৰ পৰিষদৰ নেতা পলাশ চাংমাইসহ ৭০ সংগঠনৰ প্ৰতিনিধিয়ে। বিধেয়ক বিৰোধী প্ৰতিবাদী নেতাকেইজনে সোমবাৰে সাক্ষাৎ কৰে বিজু জনতা দলৰ ৰাজ্যসভাৰ দলপতি প্ৰসন্ন আচাৰ্য, উপসভাপতি প্ৰসন্ন কুমাৰ পাটচানিৰ লগতে বহুকেইজন ৰাষ্ট্ৰীয় ৰাজনৈতিক নেতাক।

পূৰ্বেও দিল্লীত বহুকেইটা ৰাজনৈতিক দলক সাক্ষাত্‍ কৰি ৭০ সংগঠনৰ নেতৃত্বই বিধেয়কৰ বিৰুদ্ধে স্থিতি লবলৈ অনুৰোধ জনাইছিল।বিজু জনতা দলক সাক্ষাৎ কৰাৰ পিছতে বিধেয়কখনৰ বিৰোধিতাৰ প্ৰতিশ্ৰুতি দিয়ে দলটোৱে। গৃহমন্ত্ৰী ৰাজনাথ সিঙে সোমবাৰে দুপৰীয়া ১২ বজাত ৰাজ্যসভাত উত্থাপন কৰিবলৈ সিদ্ধান্ত লোৱা বিধেয়কখন বাতিল যে কৰিব সেই কথাত সন্তুষ্ট হ’ব নোৱাৰিলে দিল্লীত বাহৰ পাতি থকা সংগ্ৰামী নেতা কেইজন।

ইতিমধ্যে লোকসভাত গৃহীত হোৱা বিধেয়কখন উত্থাপনৰ পিছতে ভোটৰ বাবে আগবঢ়োৱা হ’ব সংসদত। উল্লেখ্য যে, সংসদৰ বিশেষ অধিৱেশনত উপস্থিত নাথাকে ৪ বিৰোধী সাংসদ। বিশেষ কাৰণত ছুটীৰ আবেদন কৰি ৪ সাংসদে অনুমোদনো লাভ কৰা বুলি প্ৰকাশ কৰিছে এক সূত্ৰই।

আপুনি পঢ়ি ভাল পাব পৰা বাতৰি