শেহতীয়া খবৰ
অনুষ্ঠানৰ মাজতে ভূটানৰ সাংসদক প্ৰধানমন্ত্ৰী মোডীয়ে দিলে ভুকু! চাওক VIDEO  •  অতি সংকটজনক প্ৰাক্তন বিত্তমন্ত্ৰী অৰুণ জেটলীৰ অৱস্থা...  •  মাতৃক লৈ আধুনিক যুগৰ শ্ৰৱণ কুমাৰ উপস্থিত বৰপেটাত, দৰ্শন কৰিলে বৰপেটা সত্ৰ...  •  লামডিঙত পথৰ ওপৰতেই গছ পুলি ৰুই প্ৰতিবাদ সাব্যস্ত স্কুলীয়া ছাত্ৰ-ছাত্ৰীৰ...  •  ৰঙামাটিত ৰাইজে আৱদ্ধ কৰি আৰক্ষীক চমজালে বৃহৎ পৰিমানৰ লালীগুড়...  •  নলবাৰী বাণিজ্য মহাবিদ্যালয়ৰ প্ৰতিষ্ঠা দিৱস-নৱাগত আদৰণী সভাত ড° বিৰিঞ্চি কুমাৰ দাস...  •  সৰুপথাৰত তিনিশ অগপ-কংগ্ৰেছ নেতা কৰ্মী বিজেপিত যোগদান...  •  শাওন আৰু ভাদৰ সংক্ৰান্তিত হৰি নামৰ অমল ধ্বনিত মুখৰিত বটদ্ৰৱা থান..VIDEO  •  ন-পুৰণি ছাত্ৰৰ মিলনস্থলীলৈ ৰূপান্তৰিত হ'ব গুৱাহাটী বিশ্ববিদ্যালয়ৰ মাধৱ বেজবৰুৱা ১নং ছাত্ৰাৱাস...  •  ন-পুৰণি ছাত্ৰৰ মিলনস্থলীলৈ ৰূপান্তৰিত হ'ব গুৱাহাটী বিশ্ববিদ্যালয়ৰ মাধৱ বেজবৰুৱা ১নং ছাত্ৰাৱাস...

দৰিদ্ৰতা হেঙাৰ নহয়, ৰাষ্ট্ৰীয় পৰ্যায়ত উজ্বলিছে অভয়াপুৰী মহাবিদ্যালয়ৰ ২ ছাত্ৰ

1,488

ডিজিটেল সংবাদ, অভয়াপুৰীঃ দৰিদ্ৰতা কেতিয়াও প্ৰতিভা বিকাশৰ হেঙাৰ হ’ব নোৱাৰে৷ এই কথাই যেন প্ৰমাণ কৰিছে অভয়াপুৰী মহাবিদ্যালয়ৰ দুই ছাত্ৰ তিলক আৰু মহেনে৷ অভয়াপুৰী মহাবিদ্যালয়ৰ দুই মেধাৱী ছাত্ৰ তিলক সূত্ৰধৰ আৰু মহেন চন্দ্ৰ ৰায়ে নিজৰ অদম্য হেঁপাহৰ বলত দৰিদ্ৰতা নেওচি উজ্বলিবলৈ সক্ষম হৈছে ৰাষ্ট্ৰীয় তথা আন্তঃৰাষ্ট্ৰীয় পৰ্যায়ত৷

উত্তৰ প্ৰদেশত সদ্য সমাপ্ত ফাৰ্ষ্ট স্কুল গেমছ চেম্পিয়নশ্বীপ ২০১৮-১৯ত তিলক সূত্ৰধৰে অসমক প্ৰতিনিধিত্ব কৰি ২০০ মিটাৰ দৌৰত সোণ আৰু মহেন চন্দ্ৰ ৰায়ে ১০০ মিটাৰ দৌৰত সোণৰ পদক লাভ কৰিবলৈ সক্ষম হৈছে৷ আনহাতে, মহেন চন্দ্ৰ ৰায়ে গুৱাহাটীত অনুষ্ঠিত এক আন্তঃৰাষ্ট্ৰীয় কিক বক্সিং প্ৰতিযোগিতাত ৫৫ কিলোগ্ৰাম শাখাত সোণৰ পদক লাভ কৰিবলৈ সক্ষম হৈছে৷

ইফালে ২০১৯ৰ জানুৱাৰী মাহত গোৱাত অনুষ্ঠিত হ’বলগা বিশ্ব উশ্বু প্ৰতিযোগিতাত মহেনে ভাৰতীয় দলক প্ৰতিনিধিত্ব কৰিব৷ তিলক আৰু মহেন দুয়োৰে পিতৃ খেতিয়ক৷ তিলক সূত্ৰধৰৰ ঘৰ খগৰপুৰত আনহাতে মহেন চন্দ্ৰ ৰায়ৰ ঘৰ ছিপনছিলাত৷ স্বাভাৱিকতে দুয়োৰে সাফল্যত উৎফুল্লিত হৈ পৰিছে অভয়াপুৰীৰ লগতে সমগ্ৰ বঙাইগাঁওবাসীয়ে৷

দৰিদ্ৰতা নেওচি দুয়ো একাগ্ৰতাৰ বলত সফল হোৱাত দুয়ো হৈ পৰিছে আনৰ বাবে অনুকৰণীয়৷ আনহাতে ২০১৯ৰ জানুৱাৰীত গোৱাত অনুষ্ঠিত হ’বলগা উশ্বু প্ৰতিযোগিতাত ভাৰতীয় দলৰ হৈ খেলিব লগা মহেন চন্দ্ৰ ৰায়। মহেনক আৰ্থিক সহায়ৰ বাবে আহ্বান জনাইছে অভয়াপুৰীৰ সাহিত্য-সংস্কৃতিমূলক অনুষ্ঠান “শুক্লধ্বজে”৷

আপুনি পঢ়ি ভাল পাব পৰা বাতৰি