শেহতীয়া খবৰ
চৰকাৰে কৃষকসকলক বিভাজিত কৰি আন্দোলনটোক নিষ্ফল কৰাৰ প্ৰয়াস কৰিছেঃ প্ৰফেচৰ দৰ্শনপাল...  •  দেশৰ ১ লাখ ছাত্ৰ-ছাত্ৰীয়ে ব্যক্তিগতখণ্ডৰ বিদ্যালয় এৰি চৰকাৰী বিদ্যালয়লৈ ঢাপলি মেলিছে কিয়...  •  ধনশিৰি আছুত মোক্ষম আঘাত,আছু ত্যাগ কৰি যোগদান কৰিলে চুতীয়া ছাত্ৰ সন্থাত...  •  বিটিচিত বিজেপিয়ে একক সংখ্যাগৰিষ্ঠতাৰে চৰকাৰ গঠন কৰিবঃ ৰঞ্জিত দাস...  •  সাংস্কৃতিক কৰ্মী বুন বৰাৰ উদ্যোগত বিন্দাচ অৰিজিনেল নামৰ আন্তঃৰাষ্ট্ৰীয় মনোৰঞ্জন ধৰ্মী এপৰ শুভাৰম্ভ...  •  ড্ৰাগছৰ গোচৰত গ্ৰেপ্তাৰ হোৱা অভিনেত্ৰী ৰিয়া চক্ৰৱৰ্তীৰ ভাতৃ চৌভিক চক্ৰৱৰ্তীৰ জামিন মঞ্জুৰ...  •  বোকাজানৰ অসম-নাগালেণ্ড সীমান্তৰ লাহৰিজানত বিধ্বংসী অগ্নিকাণ্ড...  •  ব্ৰিটেইনে উদ্ভাৱন কৰিলে কোভিড ভেকচিন, অহা সপ্তাহৰ পৰা আৰম্ভ হ’ব টিকাকৰণ...  •  ব্ৰিটেইনে উদ্ভাৱন কৰিলে কোভিড ভেকচিন, অহা সপ্তাহৰ পৰা আৰম্ভ হ’ব টিকাকৰণ...  •  বডোফা উপেন্দ্ৰনাথ ব্ৰহ্মৰ বাসগৃহত বিজেপিৰ ৰাজ্যিক সভাপতি ৰঞ্জিত দাস...

সিদ্ধান্ত লোৱাৰ পাছত বিবেকক সোধাৰ প্ৰশ্ন নাই, আত্মাক সুধিহে জাতিৰ স্বাৰ্থত সিদ্ধান্ত লৈছোঃ লুৰিণজ্যোতি গগৈ… VIDEO

6,418

ডিজিটেল ডেস্কঃ আছু ত্যাগ কৰিলে সদৌ অসম ছাত্ৰ সন্থাৰ সাধাৰণ সম্পাদক লুৰিণজ্যোতি গগৈয়ে। সকলোকে আৱেগিক কৰি শনিবাৰে আছু ত্যাগ কৰিলে লুৰিণজ্যোতি গগৈয়ে। তেওঁ কয়- ‘মই এই দুলীয়াজান অধিৱেশনৰ পৰা সদৌ অসম ছাত্ৰ সন্থাৰ মজিয়াৰ পৰা বিদায় লব বিচাৰো। নিজৰ বাবে নহয়, জাতিৰ বাবে আছু ত্যাগ কৰিব লৈছো।’

‘কা’ আন্দোলনৰ ৫জন শ্বহীদক স্মৰণ কৰি তেওঁ কয় যে- ‘মোৰ ওপৰত ৰাইজে তীক্ষ্ণ নজৰ ৰাখিব। মই নিজৰ বাবে লোৱা নাই এই সিদ্ধান্ত।’ আছু ত্যাগ কৰাৰ কথা ঘোষণা কৰাৰ পাছতে আৱেগিক হৈ পৰে লুৰিণজ্যোতি। জনতাৰ নেতাই সদায় জনতাৰ দৰে ব্যৱহাৰ কৰিব লাগে, কাপুৰুষৰ দৰে ব্যৱহাৰ কৰিব নালাগে বুলিও কয় তেওঁ।

‘যদি মই অসম মাতৃৰ সেৱাৰ বাবে আগন্তুক দিনত সুযোগ পাওঁ তেন্তে নিজকে মই ধন্য বুলি গণ্য কৰিম। সেয়াই হ’ব মোৰ জীৱনৰ প্ৰাপ্তি। মই সকলোৰে আগত মোৰ সিদ্ধান্ত ব্যক্ত কৰিলো। মই আগতেই ইয়াৰ ইংগিত দিছিলো। ছাত্ৰ সন্থাৰ প্রথম কাৰ্যনিৰ্বাহক সভাতেই কৈছিলো- ছাত্ৰ সন্থাৰ নতুন নেতৃত্বৰ হাতত আমি দায়িত্ব দিম। আমি কথাৰ কোনো ধৰণৰ ইফাল-সিফাল কৰা নাই। কেৱল এটাই কথা।’- অধিবেশনত এই ঘোষণা কৰে লুৰিণজ্যোতি গগৈয়ে।

উল্লেখ্য যে, ড০ সমুজ্জ্বল ভট্টাচাৰ্যই শনিবাৰে তেওঁ আছু ত্যাগ কৰাৰ সিদ্ধান্ত বৰ্তমান স্থগিত ৰখা হৈছে বুলি সদৰী কৰিছিল। লগতে তেওঁ আছু এৰাৰ সিদ্ধান্ত লৈছিল যদিও, বিবেকক পুনৰ সুধিব বুলি কৈছিল ভট্টাচাৰ্যই। তাৰ বিপৰীতে লুৰিণজ্যোতি গগৈয়ে কয় যে- ‘মই সিদ্ধান্ত লোৱাৰ পাছত বিবেকক সোধা নাই, আছু ত্যাগ কৰা সিদ্ধান্ত মোৰ আত্মা-হৃদয়ক সুধিহে জাতিৰ স্বাৰ্থত লৈছো।’

আপুনি পঢ়ি ভাল পাব পৰা বাতৰি