শেহতীয়া খবৰ
দিল্লীৰ ৰাজপথত বন্দুক টোঁৱাই সন্ত্ৰাস চলোৱা কোন এই শ্বাহৰুখ…  •  ন’ পাৰ্কিঙত ৰখোৱা বিধায়কৰ গাড়ীত হুইল ক্লেম ল’ক লগোৱা বিষ্ণু বৰাক প্ৰশংসা আৰক্ষীৰ উচ্চপদস্থ বিষয়াৰ  •  কৃষ্ণাইত ট্ৰেক্টৰ-ডাম্পাৰৰ দৌৰাত্ম্য, আৰক্ষীৰ ৰহস্যজনক ভূমিকা  •  ইটানগৰত ১২ ঘন্টীয়া বন্ধৰ সময়ত হিংসাত্মক ঘটনা, প্ৰতিবাদকাৰীয়ে ভাঙিলে কেবাখনো বিলাসী বাহনৰ গ্লাছ...  •  দিল্লী আৰক্ষীৰ নতুন আয়ুক্তৰূপে এছএন শ্ৰীবাস্তৱক নিযুক্তি…  •  কোনে হত্যা কৰিছিল দিল্লীৰ চোৰাংচোৱা বিষয়া অংকিত শৰ্মাক, মৰণোত্তৰ পৰীক্ষাৰ প্ৰতিবেদনত প্ৰকাশ বিস্ফোৰক তথ্য...  •  যি কাম মহাত্মা গান্ধী, জৱাহৰলাল নেহৰু অথবা মনমোহন সিঙে কৰিব পৰা নাছিল, সেই কাম কৰি দেখুৱাইছে মোডীয়েঃ জেপি নড্ডা  •  দিল্লীত এতিয়া কেনে পৰিস্থিতি...  •  ঐতিহাসিক জিমখানাত অনুষ্ঠিত নহয় গভৰ্নচ কাপ, দুখ প্ৰকাশ ঘোঁৰাৰ গৰাকীৰ, VIDEO  •  গুৱাহাটীত শুকুৰবাৰে পেট্ৰ’ল-ডিজেলৰ মূল্য...

৬ নং দফা কাৰ্যকৰী কৰাৰ বাবে কেন্দ্ৰীয় চৰকাৰৰ কমিটী গঠন, কি ক’লে আছুৱে…

2,142

ডিজিটেল ডেস্কঃ কেন্দ্ৰীয় চৰকাৰে অসম চুক্তিৰ ৬ নং দফাৰ কাৰ্যকৰীৰে খিলঞ্জীয়াক সাংবিধানিক সুৰক্ষা প্ৰদানৰ বাবে অধ্যয়ন আৰু পৰামৰ্শ দানৰ বাবে যিখন কমিটী গঠন কৰি দিছে, সেই সন্দৰ্ভত প্ৰতিক্ৰিয়া ব্যক্ত কৰিছে সদৌ অসম ছাত্ৰ সন্থাই। আছুৰ সাধাৰণ সম্পাদক লুৰিণজ্যোতি গগৈয়ে এই সন্দৰ্ভত কয়-

‘প্ৰথম কথা সাংবিধানিক ৰক্ষাকৱচ আমাক লাগিবই। সেয়া আমাৰ ন্যায্য প্ৰাপ্তি। দ্বিতীয় কথা হ’ল অসম চুক্তি উলংঘা কৰা কোনো কথাই আমি গ্ৰহণ কৰিব নোৱাৰিম। তৃতীয় কথাটো হ’ল- অসমৰ জাতি-জনগোষ্ঠী, জাতীয় সংগঠন,  অসম সাহিত্য সভা, জাতি-জনগোষ্ঠীৰ সাহিত্য সভা, চাহ জনগোষ্ঠী, অসমৰ বিদ্বান সমাজৰ ঐক্যমত্ত ভিত্তিতহে আমি বিষয়টো আগুৱাই নিয়াৰ পক্ষপাতী।

আৰু তেওঁ কয়- ‘অসম চুক্তি আছিল এক ত্ৰিপাক্ষিক চুক্তি। বিগত সময়চোৱাত ত্ৰিপাক্ষিকভাৱে এই বিষয়টোক লৈ আলোচনা চলিছে। পূৰ্বতে পিল্লাইৰ অধ্যক্ষতাত হোৱা আলোচনাৰ যি আধাৰ আৰু যি সিদ্ধান্ত, সেই ধাৰা আৰু সিদ্ধান্তৰ ভিত্তিতেই এই আলোচনা সন্মান সহকাৰে আগুৱাই নিয়াটো আমি বিচাৰো।’

পূৰ্বতে লোকসভা নিৰ্বাচনৰ পূৰ্বে এখন উচ্চস্তৰীয় কমিটী গঠন কৰিছিল। সেই কমিটীৰ সৈতে জড়িত সকলকো এই কমিটীৰ সৈতে জড়িত কৰাতো আমি বিচাৰো। সেই কমিটীত থকা অসমৰ সমাজ জীৱনৰ স্বনামধন্য লোকসকলকো পুনৰবাৰ এই কমিটীত অন্তৰ্ভুক্তি কৰাতো আমি বিচাৰো বুলি কয় আছু নেতাগৰাকীয়ে।

তেওঁ লগতে সকলো জাতি-জনগোষ্ঠীক প্ৰতিনিধিত্ব কৰিব পৰা সাংবিধানিক, ন্যায়িক, অৰ্থনৈতিক, সামাজিক আদি সকলো ধৰণৰ বিষয় পৰ্যালোচনা কৰিব পৰা লোকেৰে এই কমিটী গঠন কৰাৰ পোষকতা কৰে।

আপুনি পঢ়ি ভাল পাব পৰা বাতৰি