Published on:
Updated on:
- সোমবাৰে গুৱাহাটী ৰে'লৱে ষ্টেচনত আটক ৮ গৰাকী বাংলাদেশী নাগৰিক।
- দিনৰ প্ৰায় ২ বজাত নামনিমুৱা চেন্নাই এক্সপ্ৰেছৰ পৰা আটক হয় নাগৰিক কেইজন।
- ষ্টেচনত তালাচী চলাই থকা ৰে'লৱে আৰক্ষীয়ে আটক কৰে লোক কেইজনক।
- সন্দেহ উপজাৰ বাবে ৰে'লৱে আৰক্ষীয়ে সোধা পোছা কৰাৰ পিছতে আটক কৰা হয় লোককেইজনক।
- ইফালে আৰক্ষীয়ে লোককেইজনৰ পৰা লাভ কৰিছে ৮ খনকৈ আধাৰ কাৰ্ড।
- আধাৰ কাৰ্ড কেইখন জাল বুলি আৰক্ষীয়ে সন্দেহ কৰিছে।
- ইয়াৰ লগতে আৰক্ষীয়ে জব্দ কৰিছে কেইবাটাও বাংলাদেশৰ চীম কাৰ্ড সংলগ্ন মোবাইল ফোন।
- আটকাধিন লোককেইজন- আক্ৰাম হুছেইন(১৯), দিলৱাৰ হুছেইন(১৯), ৰুবেল হুছেইন(১৯), কমল হুছেইন(২০), মনিৰ হুছেইন(২১), আবু তাহেৰ(১৮), ছবুজ হুছেইন(১৯) আৰু মানিৰ হুছেইন(১৮)।
- লোক কেইজন বাংলাদেশৰ চিটাগং জিলাৰ ভজপুৰ আৰক্ষী থানাৰ অন্তৰ্গত চিকনচেৰা অঞ্চলৰ বাসিন্দা বুলি সদৰি কৰিছে ৰে'ল আৰক্ষীয়ে।
- ২০ এপ্ৰিলত আগৰতলা হৈ ভাৰতত প্ৰৱেশ কৰিছিল লোককেইজনে।
- ২১ এপ্ৰিলত গুৱাহাটী অভিমুখি এখন বাছেৰে আহি সোমবাৰে পুৱা গুৱাহাটীত উপস্থিত হয়হি বাংলাদেশৰ লোক কেইজন।
- ভোটগ্ৰহণৰ প্ৰাকক্ষণত গুৱাহাটীত এনেদৰে বাংলাদেশী নাগৰিক আটক হোৱা বিষয়টোৱে চিন্তাত পেলাইছে মহানগৰ আৰক্ষীক।
- কেনেদৰে আৰক্ষীৰ তালাচীৰ মাজতো বাংলাদেশৰ পৰা আহি লোককেইজন গুৱাহাটী পালেহি তাক লৈ সৃষ্টি হৈছে প্ৰতিক্ৰিয়াৰ।
- উল্লেখ্য যে, মঙলবাৰে গুৱাহাটীৰ লগতে ৰাজ্যৰ ৪ টা লোকসভা সমষ্টিত অনুষ্ঠিত হ'ব লোকসভা নিৰ্বাচনৰ ভোটগ্ৰহণ।
Code:
Asomiya Pratidin
www.asomiyapratidin.in