শেহতীয়া খবৰ
ৰাজস্থানত কেনে আছে বড়িৰ ‘কইনা’বোৰ?  •  দেশ ভ্ৰমণ কৰিবলৈ আহি বৰপেটাত বাংলাদেশী নাগৰিকৰ মৃত্যু...  •  আঁচনিৰ ধন আত্মসাতৰ অভিযোগত বিধায়ক ৱাজেদ আলী চৌধুৰীৰ বিৰুদ্ধে হিতাধিকাৰী-কৃষক মুক্তি সংগ্ৰাম সমিতিৰ এজাহাৰ...  •  টিহুত আৰ্যভট্ট বিজ্ঞান কেন্দ্ৰৰ বিজ্ঞান ভিত্তিক প্ৰতিযোগিতা সম্পন্ন...  •  হাস্পতালত কেন্দ্ৰীয় মন্ত্ৰীৰ গালৈ চিঞাহী চটিয়ালে যুৱকে...  •  বুধবাৰে পি চিদাম্বৰামক ই ডিয়ে কৰিব গ্ৰেপ্তাৰ...  •  থলুৱাক বঞ্চিত ৰেলবিভাগৰ! চতুৰ্থবৰ্গৰ চাকৰিত উত্তৰ পূৱ সীমান্ত ৰেলৱে লামডিঙ ডিভিজনত মুঠ ৮৯৯ গৰাকী বহিঃৰাজ্যৰ যুৱকক নিযুক্তি...  •  জম্মু-কাশ্মীৰত পাকিস্তানৰ যুদ্ধবিৰতি উলংঘন, নিহত এগৰাকী মহিলা...  •  ‘ৰত্নাকৰ’ৰ চতুৰ্থ দিনৰ উপাৰ্জন ৪৩ লাখ...  •  ‘ৰত্নাকৰ’ৰ চতুৰ্থ দিনৰ উপাৰ্জন ৪৩ লাখ...

জলসংকটত ৰোধৰ বাবে চেন্নাইলৈ ৰাওনা পানী ভৰ্তি ৰে’ল, প্ৰতিদিনে ১০ মিলিয়ন লিটাৰ পানী কঢ়িওৱাৰ লক্ষ্য

1,257

ডিজিটেল ডেস্কঃ এফালে বাৰিষাৰ ধাৰাসাৰ বৰষুণে দেশৰ কেইবাখনো চহৰত কৃত্ৰিম বানৰ সৃষ্টি কৰিছে আৰু আনফালে ক্ৰমাৎ বৃদ্ধি পাইছে চেন্নাইৰ জল সংকট। চহৰখনত সৃষ্টি হোৱা জলসংকট ৰোধ কৰাৰ চেষ্টা চলাই অৱশেষত প্ৰশাসনে ৰে’লেৰে চহৰখনলৈ পানী যোগানৰ ব্যৱস্থা কৰিছে। সেই অনুসৰি শুকুৰবাৰে প্ৰথমখন পানীভৰ্তি ৰে’ল জলৰপেট ৰে’লৱে ষ্টেছনৰ পৰা চেন্নাইলৈ ৰাওনা হৈছে।

প্ৰথমখন ৰে’ল যোগে চেন্নাইলৈ ২.৫ মিলিয়ন লিটাৰ পানী কঢ়িওৱাৰ ব্যৱস্থা কৰা হৈছে। জানিব পৰা মতে, চেন্নাই মেট্ৰ’ ৱাটাৰে ৰে’লযোগে প্ৰতিদিনে ১০ মিলিয়ন লিটাৰ পানী কঢ়িওৱাৰ লক্ষ্য লৈছে। ৰে’ল বিভাগৰ এগৰাকী বিষয়াই সদৰি কৰা মতে, পানী কঢ়িওৱাৰ বাবে ব্যৱহৃত ৰে’লসমূহৰ বহন ক্ষমতাৰ ওপৰত ভিত্তি কৰি এই পৰিমান বৃদ্ধি কৰা হ’ব পাৰে।

জানিব পৰা মতে, চেন্নাইৰ জলসমস্যা প্ৰতিৰোধ কৰাৰ বাবে তামিলনাডু চৰকাৰে ৬৫ কোটি টকা আবন্টন দিছে। আনফালে পানী ভৰ্তি এই ট্ৰেইনসমূহ চেন্নাইৰ বিলীৱক্কমত উপস্থিত হ’বলৈ কমেও ৫ ঘন্টা সময়ৰ প্ৰয়োজন হ’ব। উল্লেখ্য যে, চৰকাৰে পানী যোগানৰ বাবে গ্ৰহণ কৰা এই ব্যৱস্থাই চেন্নাইবাসীৰ পানীৰ সমস্যা সম্পূৰ্ণৰূপে দূৰ কৰিবলৈ সক্ষম নহ’লেও কিছু পৰিমাণে হ’লেও সকাহ দিবলৈ সক্ষম হ’ব। নীতি আয়োগে ঘোষণা কৰা অনুসৰি, চেন্নাই ভাৰতৰ তেনে ২১ খন চহৰৰ ভিতৰত অন্যতম, য’ত ২০২১ চনৰ ভিতৰত জল সংকটে তীব্ৰ ৰূপ ধাৰণ কৰিব।

আপুনি পঢ়ি ভাল পাব পৰা বাতৰি