অসম
বিষাক্ত সুৰাৰ হত্যালীলাঃ ১১ খুচুৰা দোকানী গ্ৰেপ্তাৰ, নিষিদ্ধ লালী গুড়, মুক্ত হৈ আছে পাইকাৰী বেপাৰী
- গোলাঘাটত সুৰা ব্যৱসায়ীৰ বিৰুদ্ধে আবকাৰী বিভাগ আৰু আৰক্ষীৰ অভিযান।
- আৰক্ষীৰ জালত পৰিছে কেইবাজনো লোক।
- গ্ৰেপ্তাৰ হৈছে মুঠ ১১জন খুচুৰা চুলাই বেপাৰী।
- গ্ৰেপ্তাৰ হোৱা ব্যৱসায়ী কেইজনৰ নাম ৰাতুল ৰাজখোৱা, অতুল বৰা, গৌতম শ্বাহ, ইন্দুকল্প বৰদলৈ, দেৱকান্ত বৰা, প্ৰবীণ ফুকন।
- ইয়াৰ লগতে গ্ৰেপ্তাৰ হৈছে সুভাষ পাত্ৰ, ৰাজীৱ ফুকন, বালি মিঞ্জ আৰু ভাইটি পাত্ৰ।
- গ্ৰেপ্তাৰ হোৱা লোকসকলৰ সৈতে আছে এগৰাকী মহিলা।
- দীৰ্ঘদিনৰ পৰা ৰাজ্যৰ বিভিন্ন প্ৰান্তত অব্যাহত আছে অবৈধ সুৰাৰ ৰমৰমীয়া বেহা।
- গোলাঘাট জিলা প্ৰশাসনে লালী গুড়ৰ বেহা নিষিদ্ধ ঘোষণা কৰিছে।
- ৰহস্যজনক ভাৱে লালী গুড়ৰ পাইকাৰী যোগানৰ সৈতে জড়িত কেইবাগৰাকীও বৃহৎ ব্যৱসায়ীৰ কাষ চাপিব পৰা নাই আৰক্ষী।
- একেদৰে গোলাঘাট আৰু যোৰহাট জিলাৰ বিভিন্ন প্ৰান্তলৈ অবৈধ সুৰা সৰৱৰাহৰ ঘাটি ৰূপে চিহ্নিত হোৱা মেৰাপানী আৰু যোগীবাৰীত এতিয়ালৈকে মূল যোগনীয়াৰক আটক কৰাৰ বাবে চলা নাই অভিযান।
- সেইদৰে সুৰাৰ সৈতে কি দ্ৰব্য মিহলি কৰাৰ পৰিণতিত ২খনকৈ জিলাৰ বাগান অঞ্চল হঠাতে মৃত্যু উপত্যকাত পৰিণত হৈছে সেই ৰহস্যও ভেদ কৰিব পৰা নাই স্বাস্থ্য বিভাগে।
